Sélimɛ 47:7 - Cebaara Bible 2010

⁷ A Zyozɛfu pan ní wi tóow Zyakɔbi ní Faraɔnw ma n baa wi tɛ̀ɛn Faraɔnw na. A Zyakɔbi dùba kpéʔele Faraɔnw ma.

Sélimɛ 47:7 Iomraidhean Croise

Sélimɛ 14:19

Ní baa dùba kpéʔele Abirami ma níì jo: «Kolocɔlɔɔ wi nyɛ lè Pe Myɛ Nyúngo na, ní i nyɛ nyɛ̀ʔɛni ní tári Kàfɔlɔ, ki n yɛlɛ woro í dùbaw taʔa Abirami na.

Sélimɛ 35:27

A Zyakɔbi lúru n pan wi tóow Izaaki ma, Mamire ma, Kiiriyati-Haariba taana, gi lè Heburɔn, beè Abirahami ní Izaaki da sáà tɛ́ɛn lè.

Sélimɛ 47:10

A Zyakɔbi níì dùba kpéʔele Faraɔnw ma níì núngo wi taana n kári.

Sélimɛ 47:8

A Faraɔnw Zyakɔbi yíbe níì jo: «Jòorí mɔ sìíw yɛ̀ʔɛlɛ nyɔ́ɔ nyɛ?»

2 Samyɛli 14:22

A Zyowabi too n yɛ́ɛgi cíbele tári na n fànʔafɔw kpɔ́ʔɔ, níì dùba kpéʔele wi ma níì jo: «Fànʔafɔw, mii wi lè mɔ falipyew, mii n gi cán níjanʔa ncan mii kéeli n kpɔ́ʔɔ mɔ ma. Níì cán mii wi lè mɔ falipyew, yárigee mii nyɛ́ɛri mɔ ma lè fànʔafɔw, mɔ n gi kpéʔele.»

2 Samyɛli 19:39

A fànʔafɔw jo: «Ki n yɛlɛ Kimami í da syée ní mii ní. Gee ki ga yɛlɛ mɔ ma lè, koro mii a sa ra kpéʔele wi ma. Gee myɛ si mɔ ga ni caa mii ma lè, mii a gi kaan mɔ ma.»

2 Samyɛli 8:10

A wi wi jáaw Yorami tórigo fànʔafɔw Davidi ma wi sa wi syáanri si wi sòolo, àmɛɛ wi too Hadadezɛɛri na n wi jáa lè. Níì cán Toyii maa pye kapɛɛnnɛ na ní Hadadezɛɛri ní. A Yorami pan ní wálifiio yárira ní, n fàra tɛɛ̀ wóro, ní kanyɛɛnrɛ wóro na.

1 Fànʔafɔbèle 1:47

A fànʔafɔw falipyebèlē pan n baa dùba kpéʔele wolo kàfɔw Davidi ma wi lè fànʔafɔw níì jo: ‹Ki n yɛlɛ mɔ Kolocɔlɔw í ba Salomɔn mɛ́ɛgi kpɔ́ʔɔ bi sɔ̀lɔ mɔ mɛ́ɛgi na, si wi fàngoli báriga bi sɔ̀lɔ mɔ wóli na.› A fànʔafɔw tìgi n too n cíbele wi yasinɛgi na

1 Fànʔafɔbèle 8:66

Canya kɔrɔtaanri wógi na, a wi syɛ́ɛnbèle yaʔa a be kári. Pe maa dùba kpéʔele fànʔafɔw ma níì lúru n kári be kpaaya ma fundaanra na. Pe fúnyi maa tɔ̀nɔ n nyìn fundaanri na kacǎnni kéele na, lee Yawe kpéʔele wi falipyew Davidi na lè, ní Isirayɛli ye na pe nyɛ lè wi syɛ́ɛnbèle.

2 Fànʔafɔbèle 4:29

A Elize Gehazii pye: «Sɛntiiri tɛ́ʔɛ mi miyɛɛ bwɔɔ mɔ sárigèle ni, mí mii kàgbeeli láa mi cò mɔ kɔ́gi ni maa syée. Mɔ ga fàra ní wàa ní, mɔ a kɔ́ wi syáanri í. Wàa si ga mɔ syáanri, mɔ a kɔ́ fòów syɔɔ wi ma í. Mí sa mii kàgbeeli taʔa pìíw yɛ́ɛcɔɔlɔ na.»

Yirile 12:32

Yé wɔ́ɔ yaa syée ní yele yaweeyiligèle, ní yele yaweekpologèle ní, bi yɛlɛ ní gi ní àmɛɛ yele gi joo lè. Yé wɔ́ɔ ye dùba kpéʔele mii ma.»

Matye 26:26

Lǎli ni be pye lè lìíli na, a Zyezu búruw láa níì bariga kaan Kolocɔlɔɔ ma níì wi kabagi n lɛɛ pìitamabèle na níì jo: «Ye wi syɔɔ ye lìi. Wee naa wi nyɛ mii céri.»

Luki 22:19

A wi búruw láa níì bariga kaan Kolocɔlɔɔ ma níì wi kabagi n lɛɛ be na níì jo: «Wee naa wi nyɛ mii céri, [dee mii a kaan lè yele kéeli na. Yaa gee naa kpéʔele koro ga pye yele í da sɔ̀ngí da taagi mii na.»

Zyozuwe 14:13

A Zyozuwe dùba kpéʔele Yefune jáaw Kalɛbi ma, níì Heburɔn kaan wi ma gi pye wi kɔrigɔ.

Zyozuwe 22:6

A Zyozuwe dùba kpéʔele be ma níì be lúrugo n tórigo, a be kári be kpaaya ma.

1 Pyɛri 2:17

Yaa syɛ́ɛnbèle myɛ kpɔ́ʔɔgi, yé tàmaga le ní senyɛnnɛgi ní, yáā fɛ̀ɛgí Kolocɔlɔɔ na, yáā tári fɔ́lɔ kpɔ́ʔɔgi.

1 Samyɛli 2:20

A Helii dùba kpéʔele Elikana ní wi céw ma níì jo: «Ki n yɛlɛ Yawe í yòdaʔaga kaan mɔ ma céw naa báriga ni pìíw sìndɛʔɛ ni, woro wee wi nyɛ́ɛri Yawe ma lè.» Koro kàdoʔo ma a be lúru n kári be kàʔa ma.