Sélimɛ 47:6 - Cebaara Bible 2010

⁶ Ezyipiti tári i nyɛ mɔ kɔ́lɔ na. Mɔ tóow ní mɔ senyɛnbèle télege tári tɛɛcànga ni. Ki n yɛlɛ be tɛ́ɛn Gosyɛn tɛ́nɛmi ni. Mɔ ga pèle cán be ni bele fánʔa be nyɛ keele na lè, mi be cɔɔnri be pye mii yaweeri nyúngo na.»

Sélimɛ 47:6 Iomraidhean Croise

Sélimɛ 13:10

A Lɔti yɛ́ɛgi yìrige n Zyuridɛn tɛɛfiigi myɛ wéle, a wi gi nyaa lǒgi i nyɛ gi kàbanyi myɛ na. Sáni Yawe í Sodɔmi ní Gomɔri kálagi lè, tɛ́ɛgi bee maa pye mɔ a jo Yawe nángwɔɔw wii, mɔ a jo Ezyipiti tári dii, n kári fwɔɔ n sáà nan Sowari na.

Sélimɛ 13:9

Tári myɛ di dee mɔ yɛ́ʔɛ ma. Ki n yɛlɛ wo wàli woyɛɛ na. Mɔ ga kári kàmɔnɔ ma, mii a fala kàliige ma. Mɔ si ga kári kàliige ma, mii a fala kàmɔnɔ ma.»

Sélimɛ 20:15

A Abimelɛki jo: «Mii tári di dee mɔ yɛ́ʔɛ ma. Tɛ́ɛgee ga yɛlɛ mɔ ma lè, ki n yɛlɛ mi tɛ́ɛn beè.»

Sélimɛ 34:10

Yele a pínɛ tɛ́ɛn ní wolo ní, tári si wɔ́ɔ pye yele wóro. Ye tɛ́ɛn naa, yáā jàgiw wáa di ni, jàngó yele í lɔrɔ taa di ni.»

Sélimɛ 45:10

Mɔ a ba tɛ́ɛn Gosyɛn tɛ́nɛmi ni bi pye naa mii taana, mɔ ní mɔ piibèle, ní mɔ piinyanbiiyi, n fàra mɔ yaweeyiligèle, ní mɔ yaweekpologèle, ní mɔ kɔ́lɔ yáriri myɛ na.

Sélimɛ 46:34

Ye wi pye: ‹Mɔ falipyebèle i nyɛ yaweegboobéle, nlaa wolo yìri lè pìibēle fwɔɔ n taa n baa nan níjanʔa na. Fáliwee wolo kpéʔele lè, woro wolo tóobèle da wɔ́ɔ ni kpéʔele.› Kánmi bee na yele a tɛ́ɛn Gosyɛn tɛ́nɛmi ni. Níì cán yaweeyiligèle nàʔafɔɔlɔ myɛ i nyɛ yanɔnʔɔgɔ Ezyipiti ye ma.»

Sélimɛ 47:11

A Zyozɛfu sáà wi tóow ní wi yɛʔɛfɔbèle télege Ezyipiti tári tɛɛcànga ni, a gi pye be woʔò, Aramisɛsi tɛ́nɛmi ni. Wi maa gi kpéʔele n yɛlɛ ní gi ní àmɛɛ Faraɔnw da gi joo n gbàn lè.

Sélimɛ 47:16

A Zyozɛfu be pye: «Yaa yele yaweeri kaangi, mii a ra yaliiri fɛ̀ɛ́ yele ma yele yaweeri na.»

Sélimɛ 47:4

A be wɔ́ɔ̀ Faraɔnw pye: «Wolo kapanni li nyɛ bi ba tɛ́ɛn tári naa ni àmɛɛ gi nyɛ lè nyàā ní o nyɛ mɔ falipyebèle yaweeyiligēle ma kaa káa í, níì cán kateegi n tɔ̀nɔ n gbàn yaà Kanaan tári ni. Koro na, tɔ́ɔliw ni mɔ ga fɔ̀lɔ, mi gi yaʔa mɔ falipyebèle í sa tɛ́ɛn Gosyɛn tári ni.»

Sélimɛ 47:5

A Faraɔnw si joo ní Zyozɛfu ní níì wi pye: «Mɔ tóow, ní mɔ senyɛnbèle n pan mɔ kurugo.

1 Fànʔafɔbèle 11:28

Zyerobowami si i nyɛ báriga syɔ́ɔn, ní sànbali, a Salomɔn ga gi nyaa àmɛɛ nìgɔcariw bee tɔ̀nɔ́ sámagi ni báara lè, a wi wi télege tugolaabèle myɛ nyúngo na pe nyɛ lè Zyozɛfu kpáagi wòolo.

2 Cányi kèlē 26:10

A wi kpaataʔa-tɔ́nɔyɔ faan fìími tára ni, níì lɔ̀ʔɔ tɛɛkɔnyɔ saʔa túgu, níì cán yaweere saʔa maa pye wi ma tɛɛfiigi, ní tɛɛ̀fala-falagi na. Tèfalabéle, ní ɛrɛzɛn sefalabéle si i nyɛ wi ma nyanbeleyi kúlo, ní Karimɛli na. Níì cán vàláw kéele maa wi dɛ́nɛ.

Yirile 18:21

Nǎnbèle pèle cɔɔnri syɛ́ɛnmi myɛ ni be pye báriga syɛ̀ɛnnɛ, pé wɔ́ɔ ra fɛ̀ɛgí Kolocɔlɔɔ na, si pye nǎnbèle pèle, bele be tan kányɛɛgi na lè, pe si o tɔ̀nɔpeeo caa í. Mi bele bee télege be pye kùndigibéle. Poro pèle a pye syɛ̀ɛnnɛ saala kagunɔ kagunɔ kùndigibéle, pèle si pye dabata-daa kùndigibéle, pèle si pye togoye siin-ziin ní kpɔrigɔ kpɔrigɔ kùndigibéle, pèle si pye kɛɛ-gɛɛ kùndigibéle.

Yirile 18:25

A Mowizi báriga syɛ́ɛnbèle pèle nyɛ́nɛ n wòlo Isirayɛli ye myɛ níngi ni n télege syɛ́ɛnbèle nyúngo na, a be pye saala kagunɔ kagunɔ kùndigibéle, ní dabata-daa kùndigibéle, ní togoye siin-ziin ní kpɔrigɔ kpɔrigɔ kùndigibéle, ní syɛ̀ɛnnɛ kɛɛ-gɛɛ kùndigibéle.

Yirile 9:10

A be sáà fúruw cɔ́ɔngaa koli n sáà yére Faraɔnw yɛ́ʔɛ ma, á Mowizi cɔ́ɔngi wáa ǹjogi ni. A gi fìniye kpéʔele syɛ́ɛnbèle ní yaweeri na, yee yi da yiri n màʔa lè cepo.

Yirile 9:21

Bele si be nyɛ lè pe ga Yawe syɛ́ɛnri yaʔa a di wári be na be fúnyi ni í, a poro be falipyebèle, ní be yaweeri yaʔa yaà sìnbirigi ni.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Kàseegèle 22:29

Mɔ ga nànwaa nyaa wee wi cìlige wi fáliw pyele ni lè wi a yére fànʔafɔɔlɔ yɛ́ʔɛ ma. Wi a yére yébilimɛ syɛ̀ɛnnɛ yɛ́ʔɛ ma í.

Zyeremii 40:4

Tɔ́ɔliw ni wéle, mii wi nyɔ̀ʔɔmi sánʔana mɔ na wee níjanʔa, bee bi nyɛ mɔ kɔ́yi na lè. Ki ga mɔ dɛ́nɛ bàā syée Babilɔni ma ní mii ní, da maa, mii a ra mɔ kɔ̀rɔsíi. Bi kári ní mii ní Babilɔni ma, gee bee ga pye ki ga yɛlɛ mɔ ma í, mɔ a kɔ́ ra maa í. Wéle, tári myɛ i nyɛ mɔ yɛ́ʔɛ ma, da syée tɛ́ɛgee mɔ ga nyaa a gi nyɔɔ lè, níì yɛlɛ mɔ ma bi kári yaà.»

Zyan 17:2

àmɛɛ mɔ séew kaan wi ma lè wi syɛ́ɛnbèle myɛ jáa, koro ga pye bele mɔ kaan wi ma lè, wi sìibangwɔɔw kaan bele bee myɛ ma.

1 Samyɛli 21:7

Lǎli bee ni a sáriga-wòlow búruw kaan wi ma, wee be kaan Kolocɔlɔɔ ma lè. Níì cán búruwaa nikwɔɔ da níì pye yaà n fàra wee na be kaan Kolocɔlɔɔ ma lè í. Woro pe da láa n yirige Yawe yɛ́ʔɛ ma, níì búrufuuo tɛ́ʔɛ wi sìndɛɛgi ni cángee na be wee láa lè.