Sélimɛ 47:12 - Cebaara Bible 2010

¹² A Zyozɛfu i wi tóow ní wi senyɛnbèle màko nyɔ́ɔgi n fàra bele myɛ wóo na be nyɛ wi tóow kpaʔa ni lè n yɛlɛ ní be lìifɔbèle nyɔ́ɔ ní.

Sélimɛ 47:12 Iomraidhean Croise

Sélimɛ 45:10

Mɔ a ba tɛ́ɛn Gosyɛn tɛ́nɛmi ni bi pye naa mii taana, mɔ ní mɔ piibèle, ní mɔ piinyanbiiyi, n fàra mɔ yaweeyiligèle, ní mɔ yaweekpologèle, ní mɔ kɔ́lɔ yáriri myɛ na.

Sélimɛ 45:11

Mii a ra mɔ màkow myɛ nyɔɔgi tɛ́ɛgi bee ni, jàngó yarigaa a kɔ́ mɔ, ní mɔ kpáagi, ní mɔ syɔ́ɔnwaa faala fɔ̀n í. Níì cán kateegi yɛ̀ʔɛlɛ n sèʔê kòro kagunɔ.›

Sélimɛ 45:7

Koro na Kolocɔlɔɔ wi mii tórigo naa yele yɛ́ʔɛ na koro ga pye bi pèle yaʔa be kòro naa yele ma tári ni, yele si kòro sìi na syɔɔgbɔɔlɔ báriga ni.

Sélimɛ 47:1

A Zyozɛfu kári n sáà gi joo n tɛ̀ɛn Faraɔnw na níì wi pye: «Mii tóow ní mii senyɛnbèle n yìri Kanaan tári ma n pan ní be yaweeyiligèle, ní be yaweekpologèle ní n fàra be kɔlɔ̀ yáriri myɛ na. Pe i yaà bele Gosyɛn tɛ́nɛmi ni.»

Sélimɛ 47:21

A Zyozɛfu syɛ́ɛnbèle lége púlori fáli ni, n séli Ezyipiti tári láʔalee ma n sáà nan lee na.

Sélimɛ 47:24

Yaliiri ga láa, yele a di tíla tɛɛyɛ kagunɔ, si tílagaa nibin kaan Faraɔnw ma, si kòro ní tílayee sicɛrɛ ní, yoro í pye séyi lùguro kéele na, ní dee yele a ra líi lè ní bele ní be nyɛ yele kpáayi ni lè, n fàra yele pìíbèle na.»

Sélimɛ 50:21

Koro na tɔ́ɔliw ni ki ga yɛlɛ yaa fɛ̀ɛgí í. Mii a ra yele màkow myɛ nyɔɔgi n fàra yele pìíbèle wóo na.» A wi be kpɛʔɛlɛ n be fúnyi tìrige.

Yirile 20:12

Da mɔ tóow ní mɔ nɔ́ɔw kpɔ̀ʔɔrɔ́, koro ga pye táree mii Yawe mɔ Kolocɔlɔw a kaan mɔ ma lè, mɔ siiw canya í nɛʔɛ di ni.

Ezayi 22:24

Pe a wi tóow kpaʔa nìjanra myɛ cɔ̀rɔ wi na, ti lè wi kágangboloyi, ní yoro taʔara wóyi, ní yalebiigèle myɛ, n séli yagbaagèle na n sáà nan yakooyi na.› »

1 Tesaloniki ye 2:7

Bi gi taa wolo maa yɛlɛ bi dée gbǎn pye yele ma tugoro àmɛɛ wolo nyɛ lè Kirisi pìitunbéle. Kàjáa wolo ga koro kpéʔele í. Wolo maa ni fûnnyinge kpéʔele ní yele ní àmɛɛ nafɔlɔ wi tiimaa pyà kɔ̀rɔsíi lè, wee wi ŋɔri lè.

1 Timɔte 4:8

Níì cán syɔɔn ga wi yasɛɛyi tàli kérigèle kèle na, gee bee n wi dɛ̀ɛmɛ kèlē cɛɛri ni, kàjáa Kolocɔlɔɔ yɛ́ɛgi fyáara a gbǎn syɔɔn dɛ̀ɛmɛ kérigèle myɛ ni, níì cán syɔɔn ga ni fɛ̀ɛgí Kolocɔlɔɔ na, sìíw nyɔɔfaliga i nyɛ wee bee wóʔo tɔ́ɔliw ni, ní dulunyanwee ni wi maa lè.

1 Timɔte 5:4

Pìibēle si ga pye pe wàa ma, koro ga jáa wi pìíbèle pìibēle yoo, ki n yɛlɛ bele bee í da Kolocɔlɔɔ yɛ́ɛgi fyáara kele tama pe tiimaa narigbaagi wólɛɛbéle kabaan na, níì cán pe ga ni pe seefɔbèle gɔ̀lɔbéle wóo be ma, gee bee gi Kolocɔlɔɔ dɛ́nɛ.

1 Timɔte 5:8

Syɔ́ɔnwee ga pye lè wi o wi syɛ́ɛnbèle màko nyɔɔgi í, àlí gee gi caà wi tiimaa kpáagi wòolo kéele kwɔ́ɔ lè, wee bee n tágali cée, ní wɔ́ɔ̀ pee n sɔ̀lɔ sìndagaɔ na.

Wuruti 4:15

Wi a mɔ siiw lúrugo kàriga wovɔɔn ní, si mɔ lɛɛgwɔɔri túgoro láa. Níì cán mɔ piiw cɔ́ɔ wi tàmaga le ní mɔ ní lè, woro wee wi sɔ̀lɔ mɔ ma lè nànbiigéle kɔrɔsiin na, woro wi wi see n kaan mɔ ma.»