Sélimɛ 47:1 - Cebaara Bible 2010

¹ A Zyozɛfu kári n sáà gi joo n tɛ̀ɛn Faraɔnw na níì wi pye: «Mii tóow ní mii senyɛnbèle n yìri Kanaan tári ma n pan ní be yaweeyiligèle, ní be yaweekpologèle ní n fàra be kɔlɔ̀ yáriri myɛ na. Pe i yaà bele Gosyɛn tɛ́nɛmi ni.»

Sélimɛ 47:1 Iomraidhean Croise

Sélimɛ 45:10

Mɔ a ba tɛ́ɛn Gosyɛn tɛ́nɛmi ni bi pye naa mii taana, mɔ ní mɔ piibèle, ní mɔ piinyanbiiyi, n fàra mɔ yaweeyiligèle, ní mɔ yaweekpologèle, ní mɔ kɔ́lɔ yáriri myɛ na.

Sélimɛ 45:16

A syɛ́ɛnri bee sáà nan Faraɔnw kpaʔa na a gi jo, Zyozɛfu senyɛnbèle n pan beè. A gee bee tɔ̀nɔ n Faraɔnw ní wi syɛɛnkpolobèle dɛ́nɛ.

Sélimɛ 46:28

A Zyakɔbi Zyuda tórigo wiyɛɛ yɛ́ʔɛ ma Zyozɛfu ma wi sa wi pye waa woro fàrá Gosyɛn ma. A be i syée n sáà nan Gosyɛn tári na.

Sélimɛ 46:31

A Zyozɛfu gi joo wi senyɛnbèle ma, n fàra syɛɛnsanbèle bele na be pye lè wi tóow kpaʔa wòolo, níì be pye: «Mii a kári sa yele panni kéele joo Faraɔnw ma si wi pye: ‹Mii senyɛnbèle ní syɛ́ɛnbèle bele be nyɛ lè mii tóow kpaʔa wòolo, be pye lè Kanaan tári ni, pe n pan naa mii ma.

Sélimɛ 46:34

Ye wi pye: ‹Mɔ falipyebèle i nyɛ yaweegboobéle, nlaa wolo yìri lè pìibēle fwɔɔ n taa n baa nan níjanʔa na. Fáliwee wolo kpéʔele lè, woro wolo tóobèle da wɔ́ɔ ni kpéʔele.› Kánmi bee na yele a tɛ́ɛn Gosyɛn tɛ́nɛmi ni. Níì cán yaweeyiligèle nàʔafɔɔlɔ myɛ i nyɛ yanɔnʔɔgɔ Ezyipiti ye ma.»

Yirile 8:22

A Mowizi wi yari: «Gee bee a gbǎn pye í. Níì cán sárigaw wolo a wòlo Yawe wolo Kolocɔlɔw ma lè, wi i nyɛ Ezyipiti ye yanibɛɛnmɛgɛ. Wolo si ga ni Ezyipiti ye yanibɛɛnmɛgi kpéʔele sáriga pe nyɛnɛ na, pe a wolo wábagi ní kàdɛnɛrɛ ní ì?

Yirile 9:26

Gosyɛn tɛ́nɛmi yagana pi da syɔɔ, zěsolomɔ ga nan yaà í, beè Isirayɛli ye da pye lè.

Heburubèle 2:11

Níì cán wee wi be jé ni mùú ni yaari Kolocɔlɔɔ ma lè, ní bele wi jé ni mùú lè, bele bee myɛ i nyɛ narigbaʔa nibin wòolo. Gee bee na fɛ̀ɛrɛ ga Zyezu taa bàā be yiri woro senyɛ̀nnɛ í,