Sélimɛ 45:5 - Cebaara Bible 2010

⁵ Tɔ́ɔliw ni, ki ga yɛlɛ yele fúnyi í curugo í. Yele si a wɔ́ɔ kɔ́ gi yaʔa gi pye yele ma fundanʔara í, àmɛɛ yele mii pára lè a be pan ní mii ní nɛɛ naa lè. Níì cán Kolocɔlɔɔ wi mii tórigo naa yele yɛ́ʔɛ na, jàngó yele í kòro sìi na.

Sélimɛ 45:5 Iomraidhean Croise

Sélimɛ 37:28

A Madyan ye jàgiwáabèle ga ba ni sɔ̀lɔ́, a Zyozɛfu yɛʔɛfɔbèle si Zyozɛfu kíle n yirige wéegi ni n pára Isimayɛli ye ma, wálifiio toko na. A poro kári ní Zyozɛfu ní Ezyipiti ma.

Sélimɛ 47:25

A be jo: «Mɔ wi wolo yaʔa a wo kòro beè sìi na. Mɔ n tɔ̀nɔ n nyɔɔ wolo na, wo kàfɔw, wolo a pye Faraɔnw púlobéle.»

Sélimɛ 50:19

A Zyozɛfu si be pye: «Yele a kɔ́ ra fɛ̀ɛgí í. A mii i nyɛ lé Kolocɔlɔɔ sìndɛɛgi ni?

Sélimɛ 50:20

Yele maa gi tímana bi kapeʔe kpéʔele mii na, a Kolocɔlɔɔ si gee bee kàriga n pye kacànna, bi yɛlɛ ní gi ní àmɛɛ gi nyɛ lè níjanʔa koro ga pye bi syɛɛnnɛʔɛmɛ syɔɔ kùu ma.

Sélimɛ 50:21

Koro na tɔ́ɔliw ni ki ga yɛlɛ yaa fɛ̀ɛgí í. Mii a ra yele màkow myɛ nyɔɔgi n fàra yele pìíbèle wóo na.» A wi be kpɛʔɛlɛ n be fúnyi tìrige.

2 Samyɛli 12:12

Níì cán mɔ n gi kpéʔele làrama ni, mii si na mii a gee bee kpéʔele Isirayɛli ye myɛ nyɛ́nɛ na canviitelegi làla ni.› »

2 Samyɛli 17:14

A Abisalɔmi ní Isirayɛli syɛ́ɛnbèle myɛ jo: «Ariki ye Husyayi yarili syɛ́ɛnrɛ di pɔ́rɔ n sɔ̀lɔ Ahitofɛli wóri na.» Yawe si wi da gi kɔ̀rirɔ bi Ahitofɛli yarili syɛɛncanra kálagi, koro ga pye woro Yawe í kapeʔe yaʔa gi nan Abisalɔmi na.

Ɛsitɛri 4:14

Mɔ ga kòro pyèrio kéeli naa na, dɛ̀ɛmɛni ní syɔɔli a yìri kàbangaa na bi nan Zyefubèle na. Mɔ ní mɔ tóow kpaʔa wòolo ní, yele si a kùu. Wìí syɔ́ɔn wi gi cán kapye lǎli naa kéele na ban mɔ baa pye fànʔafɔjew í?»

Zyɔbi 1:21

níì jo: «Mii n yiri mii nɔ́ɔw láʔa ni níbori, mii si a wɔ́ɔ lúru kári yaà níbori. Yawe wi gi kaan, Yawe si wi wɔ́ɔ̀ gi syɔɔ. Yawe mɛ́ɛgi gi yɛlɛ kaa kpɔ̀ʔɔrɔ́!»

Luki 23:34

A Zyezu jo: «Abaa, mi be kapeegèle kùsulugo syɔɔ, níì cán gee be kpéʔele lè pe ga gi cán wii í.» A be gɔ̌nw wáa wi yaleri kéele na n di tíla peyɛɛ na.

2 Korɛnti ye 2:11

koro ga pye Sutanaw a kɔ́ fànʔa taa wolo na í, níì cán wolo o nyɛ wi karinyanyi kéele sinján ni í.

2 Korɛnti ye 2:7

Ki ga pye nya, ki n yɛlɛ ye wi kapeeli kùsulugo syɔɔ yé wi kɛɛlɛ, koro ga pye wi funbɛɛnri a kɔ́ gbàn bi sɔ̀lɔ wi na bi wi lìi í.

Filemɔn 1:15

Dɔ̀ʔɔ́ kéelee na wi da láʔa mɔ na bi làla cɛɛri kwɔ́ɔ lè, loro li nyɛ jàngó mɔ í ní wi taa wi pye mɔ wóo làla o làla,

1 Samyɛli 1:19

A be sɔ̀li n yìri nyǐngi nyɔ́ɔ na, a pe ga sáà Yawe kpɔ̀ʔɔrɔ n kwɔ́ɔ, a be lúru n kári be kpaʔa ma, Arama ma. A Elikana baa sínɛ ní wi céw Ani ní, a Yawe wi nyɛ́ɛrigi lóʔo.