Sélimɛ 42:9 - Cebaara Bible 2010

⁹ A Zyozɛfu sɔ̀ngi n taa ŋúnɔyi na, yee woro da ŋúnɔ lè be kéeli na. A wi be pye: «Tundunlarabéle be nyɛ yele. Tári tɛɛfaʔaya yele pan ba kɔ̀rɔsíi.»

Sélimɛ 42:9 Iomraidhean Croise

Sélimɛ 37:11

A wi nyabɛɛnni pye wi yɛʔɛfɔbèle na, kàjáa wi tóow maa kòro ni sɔ̀ngí ni taagi ŋúnɔyi bee kèlē na làla o làla.

Sélimɛ 42:16

Ki n yɛlɛ ye yele wàa nibin yaʔa waa syée wi sa yele cɔnɔw kɔ́ri waa maa. Yele wozanbèle a cò bi yaʔa naa kàsolebéle, koro ga pye ki cán kapye yele syɛ́ɛnri i nyɛ kányɛʔɛ. Kapye koro ban í, bi tɔ̀nɔ́ Faraɔnw yaʔa sìi na, yele i nyɛ tundunlarabéle.»

Sélimɛ 42:34

yé sa ra maa mii ma ní yele cɔnɔbili ní li kòro yaà lè. Kánmi bee na mii a gi cán bi cán yele o nyɛ tundunlarabéle í, yele i nyɛ funvii-syɛ̀ɛnnɛ. Lǎli bee ni mii a yele senyɛnw lúrugo kaan yele ma, yele si wɔ́ɔ ra tári nyaari bàā yele kérigèle cɔɔnri.› »

2 Samyɛli 10:3

A Amɔn ye syɛɛnkpolobèle be kàfɔw Hanun pye: «A mɔ i sɔ̀ngí lé Davidi mɔ tóow kpɔ́ʔɔ wii, koro na wi kpɛʔɛlɛfɔɔlɔ tun naa mɔ ma? Wi ga wi syɛɛnkpolobèle tun naa mɔ ma pe ba kěgi saanri wéle làrama ni bi gi kánmi cán jàngó si ba gi kálagi wii ì?»

Yirile 32:35

A Yawe syɛ́ɛnmi kpúmɔn àmɛɛ pi da náapiigi bee kpéʔele lè, gee Aarɔn da sámaga lè.

Córolo 13:2

«Nànbēle tórigo pe sa Kanaan tári saanri be wéle, dee mii a kaan Isirayɛli ye ma lè. Ye nànbēle nibin nibin wòlo be tofɔlɛɛyi syɛɛnfeleye ni ye tun. Pe myɛ í pye kùndigibéle.»

Luki 20:20

A be kòro ni kanmaa caa Zyezu na, níì jànvaafɔbèle pèle tórigo pe sa peyɛɛ gbéʔele syɛɛnsinbéle, koro ga pye pe Zyezu taa cò wi nyɔ́ɔgi syɛ́ɛnrɛ báriga ni bi kaan kútiijoow ma, ní tári fɔ́lɔ fànʔa ma.

Heburubèle 11:31

Tágali báriga ni Arahabi da pínɛ n kùu ní sìnloʔobèle ní í, wi pye lè nànjaacew, níì cán wi maa tundunlarabèle sámaga n cò ní funjànga ní, poro bele pe da sáà Zyeriko saanri n wéle lè làrama ni.

Zyozuwe 2:1

A Nun jáaw Zyozuwe tundunlarabéle siin yìrige Syitimi ni n tun làrama ni níì jo: «Yaa syée ye sa tári ní Zyeriko kěgi saanri ye wéle.» A be kári, ní sáà jée nànjaacewaa kpaʔa ni, pe i wi yiri Arahabi, níì syɔ́ɔn yaà beè.

Zyozuwe 6:23

Nìgɔcaribèle be pye tundunlarabèle lè, a poro kári yaà n sáà Arahabi yirige naa, woro ní wi tóow, ní wi nɔ́ɔw, ní wi senyɛnbèle, ní wi kpáagi wòolo myɛ ní. A be wi kpáagi wòolo myɛ yirige n sáà télege Isirayɛli ye tɛɛkòrogi kàdoʔo ma.

Jàbɔbèle 1:24

A kɔ̀rɔsiifɔbèle sáà nànwaa nyaa a wi yiri kěgi ni. A be wi pye: «Kěgi tɛɛ̀jeele tɛ̀ɛn wolo na, wolo a kacànna pye mɔ na.»

1 Samyɛli 26:4

A wi tundunlarabéle tun n gbàn n gi cán Sawuli n pan kányɛʔɛ.