Sélimɛ 42:6 - Cebaara Bible 2010

⁶ Zyozɛfu si wi da tɛ́ɛn tári nyúngo na, woro wi da be pye pe i bilew pára tátɛɛyi syɛ̀ɛnnɛ myɛ ma. A wi yɛʔɛfɔbèle si pan n baa tìgi n too wi yɛʔɛ̀ ma n yɛ́ɛyi cíbele tári na.

Sélimɛ 42:6 Iomraidhean Croise

Sélimɛ 18:2

Wi maa wi yɛ́ɛgi yìrige n wéle n nànbēle taanri nyaa wiyɛɛ daana woyérebéle ní. Lǎli ni si wi be nyaa lè, a wi yìri wi fànikpaagi kpaaweele na n fàn n sáà be fàra, níì tìgi n kpùmɔnɔ tári na.

Sélimɛ 19:1

A nyɛ̀ʔɛni tundunbéle siin sáà nan Sodɔmi na cângwɔɔgi nyɔ́ɔ na. Lɔti si maa pye wodɛ́ɛɔn ní Sodɔmi kpàánweeli na. A wi ga nyɛ̀ʔɛni tundunbéle nyaa, a wi fala n yìri bi sa be fàra, ní sáà too n wi yɛ́ɛgi cíbele tári na pe yɛʔɛ̀ ma.

Sélimɛ 33:3

A woro tiimaa kíni yɛʔɛ̀ ma ni kpùmɔnɔ́ tári na n baa taa tɔlɔyɔ kɔrɔsiin, fwɔɔ n taa n sáà nùuni wi senyɛnw na.

Sélimɛ 41:43

Níì wi télege woro wòtorowee ni wi taʔa woro wów na lè, pe si i yákpogèle wáa wi yɛʔɛ̀ ma ni gi nyuu níì jo: «Ye kólogi yaʔa!» Kánmi bee na Faraɔn Zyozɛfu télege Ezyipiti tári myɛ nyúngo na.

Sélimɛ 41:54

á kateegi yɛ̀ʔɛlɛ kɔrɔsiin séli n yɛlɛ ní gi ní àmɛɛ Zyozɛfu da gi joo lè. Kateegi maa pye tátɛɛyee myɛ ni kàjáa yaliiri maa pye Ezyipiti tári tɛ́ɛyɛ myɛ ni.

Sélimɛ 41:57

Syɛ́ɛnbèle maa ni yìrigí tátɛɛyi myɛ ma ni maa Ezyipiti ma Zyozɛfu ma n ba ni bilew syoo. Níì cán kateegi maa tɔ̀nɔ n gbàn tátɛɛyi myɛ ni.

Sélimɛ 44:14

A Zyuda ní wi senyɛnbèle kári n sáà nan Zyozɛfu kpáagi na. Wi si maa sèʔê pye yaà. A be tìgi n too tári na wi yɛʔɛ̀ ma.

Sélimɛ 45:26

A be sáà wi pye: «Zyozɛfu sèʔé i nyɛ sìi na. Alí woro wi nyɛ Ezyipiti tári myɛ nyúngo na.» Kàjáa a Zyakɔbi fúngi sèʔê tɔ́n. Níì cán wi da tága be syɛ́ɛnri na í.

Sélimɛ 45:8

Koro na yele ban ye mii tórigo nɛɛ naa í, kàjáa Kolocɔlɔɔ wi mii tórigo naa. Wi n mii télege mii í pye Faraɔnw tóo, si pye Faraɔnw kpaʔa myɛ kàfɔlɔ, si wɔ́ɔ pye Ezyipiti tári myɛ nyúngo na.

Sélimɛ 48:12

Lǎli bee ni a Zyozɛfu be láʔa wi tóow yégunyo na níì tìgi n too n yɛ́ɛgi cíbele tári na.

Kàseegèle 11:26

Wee wi cée bilew párala na lè, syɛ́ɛnbèle i wee bee dángi, wee si wi wi pára lè, dùbaw i nyɛ wee bee nyúngo na.

Ezayi 60:14

Bele be fǎngi gbàngí mɔ na lè, poro jáabèle a ba ra peyɛɛ jɛ́rɛgi mɔ yɛ́ʔɛ ma, mɔ faʔafɔbèle myɛ a ba ra tíri da tuun mɔ láari ni, pe a ra mɔ yiri Yawe kěgi, ní Isirayɛli Wojanw Siyɔn.

Kapyegèle 7:10

ni wi yirigi wi wɔʔɔyi myɛ ni, níì kpɔ́ʔɔri, ní sícilimi kaan wi ma, a wi kéeli Faraɔnw dɛ́nɛ, wi pye lè Ezyipiti fànʔafɔw, a Faraɔn wi télege Ezyipiti tári, ní woro tiimaa kpáagi myɛ nyúngo na.

Tɛ̀ɛnnɛ 3:9

Wéle, bele be nyɛ lè Sutanaw sérikpaʔa woolo ní si i finɛ, ní i peyɛɛ yiri Zyefubéle, bi gi taa pe o nyɛ Zyefubéle í, mii a be kɔ́ri koro ga pye pe ba kpùmɔnɔ mɔ taana bàā mɔ kpɔ̀ʔɔrɔ́, jàngó pe gi cán bi cán mii n tàmaga le ní mɔ ní.

1 Samyɛli 20:41

A nìgɔcariw ga kári, a Davidi yìri yaà wòrogulo kàbangi na, níì wiyɛɛ do n cáan n yɛ́ɛgi cíbele tári na, níì kpùmɔnɔ n yɛ́ɛgi cíbele tɔlɔyɔ taanri. A pe baa peyɛɛ zyɔɔnri, níì pínɛ ni nyaan, á Davidi wógi si tóro.