Sélimɛ 42:4 - Cebaara Bible 2010

⁴ Kàjáa Zyakɔbi da Zyozɛfu cɔnɔw Bɛnzyamɛ tórigo ní be ní í. Níì cán wi maa jo: «Dɔ̀ʔɔ́ kapeʔe a kɔ́ sa wi taa yaà.»

Sélimɛ 42:4 Iomraidhean Croise

Sélimɛ 11:4

Koro kàdoʔo ma a be níì jo: «Ye kàwáa wo kàʔa tɛ́ʔɛ, wó kpaataʔa-tɔ́nɔgɔ faan fwɔɔ ki ǹjogi í sa nan nyɛ̀ʔɛni na. Kánmi bee na wolo a mɛ́ɛkpɔʔɔ taa, koro ga pye wolo a kɔ́ cariga bi kári tári myɛ yɛ́ʔɛ kurugo í.»

Sélimɛ 3:22

A Yawe Kolocɔlɔɔ jo: «Wéle, tɔ́ɔliw ni syɔɔn n kàri n pye àmɛɛ wolo wàa nyɛ lè n kacǎngèle ní kapeegèle cán. Ki si n yɛlɛ wo wi yérige wi a kɔ́ wi kɔ́gi sánʔa bi wɔ́ɔ sìíw tíige yasangaa cɔɔ bi lìi si kòro beè sìi na làla o làla í.»

Sélimɛ 35:24

Bele Arasyɛli see wi ma lè, poro si i nyɛ Zyozɛfu ní Bɛnzyamɛ.

Sélimɛ 42:3

A Zyozɛfu yɛʔɛfɔbèle kɛɛ yìri n kári Ezyipiti ma bi sa bilew syɔɔ.

Sélimɛ 42:38

A Zyakɔbi jo: «Mii jáaw a kári ní yele ní í. Níì cán wi nafɔlɔ na yɛʔɛfɔw n kùu, woro nibin wi kòro. Keele ga sáà wi taa kólogi na yele tánʔani na, yele a mii ǹjoofiiretɔw yaʔa wi jée kúsegi ni funbɛɛnrɛ na.»

Sélimɛ 43:14

Kolocɔlɔɔ wi lè Séew Myɛ Kàfɔlɔ, ki n yɛlɛ wi sa gi yaʔa nǎnw bee í nyinimɛ taa yele na si yele senyɛnwee ní Bɛnzyamɛ yaʔa be lúru pan ní yele ní. Mii si na, mii ga níì bɔ̀nɔ mii pìíbèle pèle ni, a mii bɔ̀nɔ wii.»

Sélimɛ 43:29

A Zyozɛfu wi yɛ́ɛgi yìrige n wéle n wi senyɛnw Bɛnzyamɛ nyaa, woro ní wee pe da wɔ́ɔ lè nafɔlɔ na. A wi si be yíbe níì jo: «Yele cɔnɔwee kéele yele da joo mii ma lè, woro lé wi nyɛ wee naa?» A Zyozɛfu níì jo: «Kolocɔlɔɔ í dùbaw taʔa mɔ na, ni pyà.»