Sélimɛ 41:8 - Cebaara Bible 2010

⁸ A nyǐngi ga sɔ̀li, a Faraɔnw fúngo tɔ̀nɔ n curugo. A wi be pye a be Ezyipiti cɛ́lɛfɔbèle myɛ ní Ezyipiti sícilibèle myɛ yeri. Ní baa wi ŋúnɔyi myɛ joo n tɛ̀ɛn be na. Kàjáa pe wàa faala ga gbàn n yi kɔ́rɔw joo wi ma í.

Sélimɛ 41:8 Iomraidhean Croise

Sélimɛ 40:6

A ki ga pye nyǐngi nyɔ́ɔ na, a Zyozɛfu pan be ma n baa be wéle n gi nyaa a be yɛ́ɛyi tɔ̀nɔ n tanʔa.

Sélimɛ 40:8

A be wi pye: «Wolo n ŋúnɔ ní ŋúnɔyɔ ní bi gi taa syɔɔn faala o naa bi yi kɔ́rɔw joo wolo ma í.» A Zyozɛfu be yari: «Kolocɔlɔɔ má ban yi kɔ́rɔw joolo nyɛ ì? Koro na ye yi joo ye tɛ̀ɛn mii na.»

Sélimɛ 41:15

A Faraɔnw baa gi joo Zyozɛfu ma níì wi pye: «Mii n ŋúnɔ ní ŋúnɔgɔ ní. Syɔɔn faala ga gbàn n gi kɔ́rɔw joo mii ma í. Mii si n lóʔo mɔ a gbǎn ŋúnɔgɔ kɔ́rɔ joo syɔɔn ma ní pe ga gi joo n tɛ̀ɛn mɔ na.»

Sélimɛ 41:24

A yaliikan-waayi si yaliikanjǎnyi kɔrɔsiin jɔ́ɔ. A mii si gi joo n tɛ̀ɛn cɛ́lɛfɔbèle na, pe wàa faala si ga gbàn n gi kɔ́rɔw joo mii ma í.»

Sélimɛ 41:7

A yaliikan-waayi kɔrɔsiin yaliikanjǎnyi kɔrɔsiin jɔ́ɔ, yoro yee yi nyìn pyaari na lè. A Faraɔnw yìri ŋúnɔmi na n gi nyaa ŋúnɔgɔ gii.

Ŋúnuyi 25:14

Bele be fɛ̀ɛgí Yawe na lè, wi fúngi kalarala i nyɛ bele bee wólo, wi a wi joogaanni tɛ̀ɛn bele bee na.

Yirile 7:11

A Faraɔnw Ezyipiti sícilibèle ní sàndoobèle yeri. A Ezyipiti nìnyɔʔɔnɔgi fɔ̀ɔlɔ wɔ́ɔ baa gee bee félege kpéʔele pe kacánmi báriga ni.

Yirile 7:22

A Ezyipiti nìnyɔʔɔnɔgi fɔ̀ɔlɔ wɔ́ɔ̀ gi felege kpéʔele be nìnyɔʔɔnɔgi báriga ni. A Faraɔnw fúngo gbàn. Wi ga fɔ̀lɔ n lóʔo Mowizi ní Aarɔn ma í n yɛlɛ ní gi ní àmɛɛ Yawe da gi joo lè.

Yirile 8:7

Jàwaliri a láʔa mɔ ní mɔ falipyebèle, ní mɔ tári syɛ̀ɛnnɛ na, yele í syɔɔ di ma. Tàa a ní kòro beè kapye Niili cábigi ni ban í.»

Yirile 9:11

A fìniri nìnyɔʔɔnɔgi fɔ̀ɔlɔ kaan pe ga gbàn n yére Mowizi yɛ́ʔɛ ma í. Níì cán fìniri maa pye nìnyɔʔɔnɔgi fɔ̀ɔlɔ na àmɛɛ di wɔ́ɔ̀ pye Ezyipiti tári syɛɛnsanbèlē myɛ na lè.

Ezayi 19:3

Ezyipiti bárigaw a kwɔ́ɔ wi fúngi ni, mii a wi katimanagèle kálagi. Pe a ra kolocɔlɔ-fáanabèle, ní kúyibebèle, ní sàndoobèle, ní kacánbèle yíbe.

Ezayi 29:14

Koro na mii a taʔa fala bàā syɛ́ɛnbèle naa fúnyo wóo ní kakpoloyi, ní bìngaari kèlē ní, sícilibèle sícilimɛ a kwɔ́ɔ, pe kacánbèle cánna a sa làra.»

Ezayi 8:19

Pe ga yele pye: «Ye sa kúyibebèle yíbe, ní bele be nyɛ̀ʔɛna kérigèle nyaagi ni nyuu lè, ní bele be nyɔ́ɔgi féfeegèlē wíi ní i syɛɛn-ŋúnuŋunuri nyuu lè,» ye be yari: «Syɛɛnfelege ga yɛlɛ bàā gi Kolocɔlɔw yíbe ì? Kúbèle lé gi yɛlɛ syɔɔn í yíbe niweebèle kéele na?

Danyɛli 1:20

Kérigèle myɛ ge nyɛ lè sícilimi wòʔolo, ní cánni wòʔolo, gele na fànʔafɔw da ni be yíbe lè, a wi be nyaa a be sɔ̀lɔ woro fǎngi tɛ́nɛmɛ myɛ yíbefɔɔlɔ, ní kacánbèle myɛ na tɔlɔyɔ kɛɛ.

Danyɛli 4:18

á tíigi bee wára nyɔɔ, á gi yasanri nɛʔɛ ní i lìile kaangi pe myɛ ma, koro gee láara ni sìnbirigi yaweere da ni kòró lè, féjɛɛnri si i kòró ki káganyi ni,

Danyɛli 4:19

mɔ wii, ee fànʔafɔw, mɔ wi baa kpɔ́ʔɔ nya, níì nìri, mɔ n kpɔ́ʔɔ n yìri fwɔɔ n nan nyɛ̀ʔɛni na, mɔ fangi n kpɔ́ʔɔ n nan tári láʔagéle na.

Danyɛli 4:5

A Danyɛli pan poro kàdoʔo ma n baa yére mii yɛ́ʔɛ ma, pe wɔ́ɔ i wi yiri Bɛlitisyasari, mii kolocɔlɔw dɔʔɔma wii, kolocɔlɔcǎnbèle pìle i nyɛ wi ni.

Danyɛli 4:6

A mii ŋúnɔgi joo wi ma, níì jo: «Bɛlitisyasari, mɔ wi lè cɛ́lɛfɔbèle kùndigi, mii n gi cán ncan mɔ ni kolocɔlɔcǎnbèle pìle nyɛ, ncan kalaralaa faala ga gbàn mɔ ma í, yáriree mii nyaa ŋúnɔgi na lè, di kɔ́rɔw joo mii ma.

Danyɛli 4:7

N mii yaʔa mii yasinɛgi na, yanyaayi mii nyaa mii sɔ̀nguri ni lè, yoro yi nyɛ yee naa: Mii n tiige nyaa tári nínge ni, ki maa tɔnɔ gbanʔama.

Danyɛli 5:11

Nànwaa i naa mɔ fangi tɛ́nɛmɛ ni, wee ni kolocɔlɔcǎnbèle pìle nyɛ lè. Mɔ tóow làla ni, gbɛ̀ɛ́nmi, ní cánni, ní sícilimi maa ni taagi wi ma, sícilimi bi kolocɔlɔbèle wómɔ wíri lè. A gi wɔ́ɔ̀ pye fànʔafɔw Nebukadinezari wi lè mɔ tóow, woro maa wi télege cɛ́lɛfɔbèle, ní kanyaabèle, ní kacánbèle, ní wélefɔbèle nyúngo na.

Danyɛli 7:28

Nɛɛ naa syɛ́ɛnri kwɔ́ɔ. Mii Danyɛli, a mii sɔ̀nguri tɔ̀nɔ n fyáakpɔɔrɔ wáa mii na, a mii césaligi kánma fàli a mii si syɛ́ɛnri bee yaʔa niyɛɛ fúngi ni.»

Danyɛli 8:27

Mii Danyɛli, a mii pye báriga fun, ní yaaɔ canya saʔa ni. Koro kàdoʔo ma, a mii yìri ni fànʔafɔw fáli kpéʔele. Mii maa pye funwɔɔrɔ na yanyaagi bee kéele na, níì kòro gi kɔ́rɔw sìnján ni.

Levii ye sáriga-wòlori 19:31

Yele a kɔ́ ra wɛ̀ɛ́ bàā syée kúyibebèle ma í wàlá bele be nyɛ̀ʔɛna kérigèle nyaagi ni nyuu lè í. Yele a kɔ́ ra bele bee caa bi yeyɛɛ nɔ́nʔɔ ní be kéeli ní í. Mii wi nyɛ Yawe yele Kolocɔlɔw.

Levii ye sáriga-wòlori 20:6

Syɔ́ɔnwee wi ga ni wɛ̀ɛ́ ni syée kúyibebèle wàlá bele má be nyɛ̀ʔɛna kérigèle nyaagi ni nyuu lè n sa ni kanɔnʔɔri kpéʔele ní be ní, mii a mii yɛ́ɛgi wáa syɔ́ɔnw bee ma, bi wi kwɔ́ɔ bi yirige wi syɛ́ɛnbèle nínge ni.

Habakuki 3:16

Mii n gi lóʔo, a mii fúngi yárira cɛ̀lɛ. Kàfulogi bee báriga ni, a mii nyɔɔwari cɛ̀lɛ. Mii kaceleyi i nyangi, mii tɔ́lɔyi i yirigi mii láari ni, mii i wɔʔɔgi canʔa sigi sìnnyɛʔɛ ni, gee ki a ba yìri syɛɛnfelegi kánma na gi wolo wɔʔɔ lè.

Matye 2:1

Pe maa Zyezu see Zyude tári kègaa ni, pe i gi yiri Bɛtilehɛmi. Ki si maa pye fànʔafɔw Herodi lǎli ni. Wéle, a sícilibèle pèle yìri canʔafolomɔ ma n pan Zyerusalɛmi ma,

Kapyegèle 17:18

Kérigèle sɛʔɛfɔɔlɔ, bele be yiri lè Epikuribèle, ní i bele yiri Sitoyisibèle, bele bee pèle maa ni syɛ́ɛnri syoo Pɔli nyɔ́ɔgi na. A pèle jo: «Nyàʔá gbanzan syɛ́ɛnrɛ wee naa nyuu nya?» A pèle jo: «Wi i di nyuu mɔ a jo syɛɛnfeleyaa nikwɔɔ màdebēle syɛ́ɛnrɛ dii.» Amɛɛ wi da ni Zyezu kéeli, ní kúbèle nyán-yirile kéele nyuu lè, koro na pe da ni dee bee nyuu.

Kapyegèle 7:22

A be Mowizi tama Ezyipiti ye sícilimi myɛ ni, a fànʔa pye wi syɛ́ɛnri, ní wi kapyegèle ni.

1 Korɛnti ye 1:19

Amɛɛ gi wɔ́ɔ̀ sɛ́bɛ lè níì jo: «Mii a sícilibèle sícilimɛ kálagi, si wɔ́ɔ kacánbèle kacánma kàriga bi pye gbanzan wómɔ.»

1 Samyɛli 6:2

Lǎli bee ni a Filisitini ye sáriga-wòlobèle ní cɛ́lɛfɔbèle yeri ní baa jo: «Nyàʔá wolo yɛlɛ bi kpéʔele Yawe kásuw kéele na? Kánmee na wolo yɛlɛ bi wi lúrugo tórigo wi tɛ́ɛgi ma lè, ye koro tɛ̀ɛn wolo na.»