Sélimɛ 41:51 - Cebaara Bible 2010

⁵¹ A Zyozɛfu pìiseliw mɛ́ʔɛ le ni wi yiri Manase. Níì cán wi maa jo: «Kolocɔlɔɔ n gi yaʔa a mii fɛ̀ʔɛ mii fɔ̀rɔgi myɛ ní mii tóow kpaʔa wòolo myɛ na.»

Sélimɛ 41:51 Iomraidhean Croise

Sélimɛ 41:30

Koro kàdoʔo ma kateegi a too tári na bi yɛ̀ʔɛlɛ kɔrɔsiin kwɔ́ɔ. Syɛ́ɛnbèle a fɛ̀ʔɛ pe yaliinɛʔɛgi bee myɛ kéele na Ezyipiti tári ni. Kateegi a tɔ̀nɔ́ tári kálagi.

Sélimɛ 41:50

Sáni kateegi yɛɛzelile í nan lè a Zyozɛfu nànbiigéle siin see. Ɔn kěgi sáriga-wòloo pe da ni yiri lè Poti-Fera, woro pìíw Asinati wi pìíbèle bee see Zyozɛfu ma.

Sélimɛ 41:52

A wi siin wów mɛ́ʔɛ le ni wi yiri Efirayimi, ncan wi maa jo: «Kolocɔlɔɔ n mii kaan pìibēle na tári naa ni, dee ni mii da pye lè fóomi ni.»

Sélimɛ 48:1

Kérigèle bee pyele kadoʔo ma, a gi baa joo Zyozɛfu ma níì jo: «Wéle, mɔ tóow i yaà ni yáa.» A wi wi jáabèle siin kɔ́ri n pínɛ ní wiyɛɛ ní, pe lè Manase ní Efirayimi.

Sélimɛ 48:5

Tɔ́ɔliw ni, nànbiigèle siin mɔ see naa Ezyipiti tári ni lè, sáni mii í pan naa mɔ ma lè, pìíbèle bee i nyɛ mii wòolo. Efirayimi ní Manase i nyɛ mii wòolo àmɛɛ Wurubɛn ní Simeyɔn nyɛ lè.

Zyɔbi 11:16

Níì cán mɔ a fɛ̀ʔɛ mɔ fɔrɔgi na, mɔ a sɔ̀ngí taa gi na yagana àmɛɛ lɔ̀ʔɔ nyɛ, gee gi fóo n sɔ̀lɔ lè.

Ŋúnuyi 30:11

Lóʔo mii ma, Yawe, nyɔɔ mii na! Ee Yawe, mii syɔɔ.

Ŋúnuyi 30:5

Yele bele ye nyɛ lè Yawe syɛɛncanbèle, yaa wi kpɔ̀ʔɔrɔli ŋúnugo ŋúu, yaa wi mɛ́ɛcǎngi kpɔ̀ʔɔrɔ́!

Ŋúnuyi 45:10

Fànʔafɔbéle cálipiigéle i nyɛ mɔ cenidaanmabèle ni. Fànʔafɔjaa i nyɛ mɔ kaliige ma, wee be fère ní Ofiiri tɛ́ɛ ní lè.

Kàseegèle 31:7

wi gbaa si fɛ̀ʔɛ wi fóomi na, si wi sɔ̀nguri láʔa wi fɔ̀rɔgi kéele na.

Ezayi 57:16

Níì cán mii a kòro fúloli na làla o làla í, wàlá bi kòro bàngwɔɔ fundanʔagbɔɔrɔ na í, kapye koro ban í, pǐli ní céri mii sámaga lè, ti a too mii yɛ́ʔɛ ma bi kálagi.

Ezayi 65:16

Wee wi ga ni caa woro í dùbaw taa tári ni lè, wi a ra caa kányɛɛgi Kolocɔlɔɔ í dùbaw kpéʔele woro ma, ní wee wi ga ni kɛ̀ɛ́ tári ni lè, wi a ra kɛ̀ɛ́ kányɛɛgi Kolocɔlɔɔ mɛ́ɛgi na. Níì cán fɛ̀ʔɛlɛ a pye wɔʔɔzɔlɔgwɔɔyi kéele na, yi a tɔ́n mii yɛ́ʔɛ ma.

Córolo 26:28

Zyozɛfu jáabèle be nyɛ bele naa n yɛlɛ ní be túluyi ní: Manase, ní Efirayimi.

Làlwaw Kaanziin 33:17

Náapeli li nyɛ lè wi pìiseliw, loro má nìjanri nyɛ. Wi nyɛ́ngèle i nyɛ senɔ́ɔ wòʔolo, gele ní wi syɛɛnfeleyi myɛ cínɛ lè fwɔɔ n sáà nan tári láʔagéle na. Poro be nyɛ Efirayimi selebingèle kagunɔ kagunɔbèlē saʔa. Poro be nyɛ Manase saala kagunɔ kagunɔbèle saʔa.»

Zyozuwe 14:4

Zyozɛfu jáabèle maa pye syɛɛnfeleye siin, poro be nyɛ Manase ní Efirayimi, pe si da lɛɛlɛ kaan Levii ye ma tári ni í, fwɔɔ kèyaa, a be tɛ́ɛn yoro ni, ní tári di yi màʔa lè, toro í pye pe yaweenaʔa-tɛ́ɛyi, ní be kɔlɔ̀ yáriri wozanra tɛɛkòrogo.

Zyozuwe 17:1

Tɛɛgaa maa kaan Manase syɛɛnfelegi ma wi pye lè Zyozɛfu jáalɛɛw. Manase nànbiilɛɛli pe da ni yiri lè Makiiri, wi da pye lè Galaadi tóow, woro wi da Galaadi ní Basyan tɛ́nɛmi taa, níì cán wi maa pye kapɛɛnkpumɔn-nàɔn.

1 Samyɛli 1:20

A Ani yére fícɛnnɛ na, a wi làrizeeli ga baa nan, a wi nànbile see, níì li mɛ́ɛgi le ni li yiri Samyɛli, wi maa jo: «Níì cán Yawe má mii li nyɛ́ɛri.»