Sélimɛ 41:41 - Cebaara Bible 2010

⁴¹ A Faraɔnw Zyozɛfu pye: «Wéle, mii n fǎngi kaan mɔ ma mɔ í pye Ezyipiti tári myɛ nyúngo na.»

Sélimɛ 41:41 Iomraidhean Croise

Sélimɛ 39:22

A kàsokpaagi kàfɔlɔ kàsolebèle myɛ yaʔa Zyozɛfu kɔ́lɔ na. Yariga o yariga ga naà kpéʔele yaà fwɔɔ gi sɔ̀lɔ Zyozɛfu ma gbɛnʔɛnɛ.

Sélimɛ 39:5

Nlaa Ezyipiti ye nǎnw Potifari tɛ́nɛ̀ wi télege lè woro kpáagi kèlē ní woro kɔ́lɔ yáriri myɛ nyúngo na, a Yawe dùbaw taʔa wi kpáagi na Zyozɛfu kéeli na. A Yawe dùbaw pye wi kɔlɔ̀ yáriri myɛ na, gee bee n jo kpáagi wóro ní séyi wóro.

Sélimɛ 41:44

A Faraɔnw níì gi joo Zyozɛfu ma níì jo: «Mii wi nyɛ Faraɔnw. Syɔɔn faala a tée kɔlɔ̀ yìrige wàlá bi nyɔ̌nnaa kɔ́n Ezyipiti tári ni mɔ nyɔ́ɔ fun í.»

Sélimɛ 42:6

Zyozɛfu si wi da tɛ́ɛn tári nyúngo na, woro wi da be pye pe i bilew pára tátɛɛyi syɛ̀ɛnnɛ myɛ ma. A wi yɛʔɛfɔbèle si pan n baa tìgi n too wi yɛʔɛ̀ ma n yɛ́ɛyi cíbele tári na.

Sélimɛ 45:8

Koro na yele ban ye mii tórigo nɛɛ naa í, kàjáa Kolocɔlɔɔ wi mii tórigo naa. Wi n mii télege mii í pye Faraɔnw tóo, si pye Faraɔnw kpaʔa myɛ kàfɔlɔ, si wɔ́ɔ pye Ezyipiti tári myɛ nyúngo na.

Ɛsitɛri 10:3

Níì cán zyefuw Maridosye wi da kpɔ́ʔɔ n taʔa fànʔafɔw Asyerusi na. Wi maa pye syɛɛnkpɔɔɔ Zyefubèle nínge ni. Wi kéeli maa wi senyɛnnɛʔɛmi dɛ́nɛ. Wi maa ni wi syɛ́ɛnbèle nyɔɔmɔ caa, ní i wi syɛɛnfelegi myɛ kacànna caa.

Ŋúnuyi 105:21

Wi maa tɛʔɛ kaan wi ma wi pye woro kpáagi kùndigi, níì wi télege woro kɔ́lɔ yáriri myɛ nyúngo na,

Kàseegèle 17:2

Falipyewee wi cìlige lè wi i jaafɔw kàragí, wee wi fɛ̀ɛ́ri kèlē kpéʔele lè, si lɛɛlɛ taa kɔ́rigi ni senyɛnbèle nínge ni.

Kàseegèle 22:29

Mɔ ga nànwaa nyaa wee wi cìlige wi fáliw pyele ni lè wi a yére fànʔafɔɔlɔ yɛ́ʔɛ ma. Wi a yére yébilimɛ syɛ̀ɛnnɛ yɛ́ʔɛ ma í.

Syɛɛnjóow 4:14

Níì cán pìíw bee a gbǎn yiri kàsow ni bi tɛ́ɛn fǎngi na, àlí wi ga maa see foomɔfɔlɔ wi fǎngi ni.

Danyɛli 2:48

A fànʔafɔw fala n Danyɛli lúrugo ǹjoʔo ma gbanʔama, níì lɔrɔ yárira saʔa kaan wi ma, níì wi télege Babilɔni tári myɛ nyúngo na, n wi kpéʔele Babilɔni sícilibèle myɛ kùndigikpɔɔɔ.

Danyɛli 6:3

A wi kùndigibéle taanri télege tári kacɔɔnribéle nyúngo na. Danyɛli si maa pye kùndigibèle bee taanri ni, poro má tári kacɔɔnribéle da yɛlɛ bàā be fáliw kèlē nyuu, jàngó gàlagí faala a kɔ́ nan fànʔafɔw na í.

Matye 28:18

A Zyezu ga nan be na, a wi gi joo be ma níì jo: «Nyɛ̀ʔɛni ní tári sée myɛ n kaan mii ma.

Kapyegèle 7:10

ni wi yirigi wi wɔʔɔyi myɛ ni, níì kpɔ́ʔɔri, ní sícilimi kaan wi ma, a wi kéeli Faraɔnw dɛ́nɛ, wi pye lè Ezyipiti fànʔafɔw, a Faraɔn wi télege Ezyipiti tári, ní woro tiimaa kpáagi myɛ nyúngo na.