Sélimɛ 41:16 - Cebaara Bible 2010

¹⁶ A Zyozɛfu Faraɔnw yari: «Mii ban í. Kolocɔlɔɔ wi a gbǎn syɛɛnlurugori kaan mɔ ma, Faraɔn, dee di nyɔɔ lè.»

Sélimɛ 41:16 Iomraidhean Croise

Sélimɛ 37:14

A Isirayɛli wi pye: «Da syée mi sa mɔ yɛʔɛfɔbèle wéle, kapye pe n cólogo yaà, á yaweeyiligèle wɔ́ɔ̀ cólogo, mi ba koro joo mii ma.» Kánmi bee na wi wi yìrige Heburɔn jǐnlɔgi ni n tórigo. A Zyozɛfu kári Sisyɛmi ma.

Sélimɛ 40:8

A be wi pye: «Wolo n ŋúnɔ ní ŋúnɔyɔ ní bi gi taa syɔɔn faala o naa bi yi kɔ́rɔw joo wolo ma í.» A Zyozɛfu be yari: «Kolocɔlɔɔ má ban yi kɔ́rɔw joolo nyɛ ì? Koro na ye yi joo ye tɛ̀ɛn mii na.»

Sélimɛ 41:17

A Faraɔnw gi joo Zyozɛfu ma níì wi pye: «Mii n ŋúnɔ ní ŋúnɔgɔ ní n gi nyaa mii i nyɛ woyéreo ní Niili cábigi nyɔ́ɔ na,

Sélimɛ 41:25

A Zyozɛfu Faraɔnw yari: «Faraɔn, mɔ ŋúnɔyi kɔ́rɔ i nyɛ nibin. Gee Kolocɔlɔɔ a kpéʔele lè, koro wi tɛ̀ɛn mɔ na.

Sélimɛ 41:28

Amɛɛ mii gi joo mɔ ma lè Faraɔn, ànbée gi nyɛ. Gee Kolocɔlɔɔ a kpéʔele lè, koro wi tɛ̀ɛn mɔ na, Faraɔn.

2 Fànʔafɔbèle 6:27

A wi wi yari: «Yawe ga pye wi ga mɔ syɔɔ í, nyàʔá ní mii a mɔ syɔɔ? Ní kàsyɔɔgi yaliire ní lé láà ba fwɔɔ ɛrɛzɛn lógi tɛɛnùgugo lɔ̀ʔɔ ní?»

Danyɛli 2:47

A fànʔafɔw gi joo Danyɛli ma níì wi pye: «Kányɛʔɛ na yele Kolocɔlɔw tɔ̀nɔ́ wi nyɛ kolocɔlɔbèle Kolocɔlɔɔ, ní fànʔafɔbèle Kàfɔlɔ, ní kalaragèle tɛ̀ɛnfɔlɔ. Níì cán mɔ n gbàn n kalarali naa tɛ̀ɛn.»

Danyɛli 4:2

A mii ŋúnɔgɔ ŋúnɔ, a gi zɔ̀nviikɔnirɔ wáa mii na. N mii yaʔa mii yasinɛgi na, sɔ̀nguri di pye mii na lè, ní mii fúngi yanyaara, a toro fyáakpɔɔrɔ wáa mii na.

Zakarii 4:6

Lǎli bee ni a wi níì mii yari: «Syɛ́ɛnri di nyɛ dee naa, dee Yawe joo Zorobabɛli ma lè, wi n jo: ‹Sée báriga ni ban í, fànʔa báriga ni ban í, kàjáa mii Pǐli báriga ni wii,› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Córolo 12:6

A wi jo: «Ki n yɛlɛ ye mii syɛ́ɛnri sámaga ye lóʔo. Kanyaajoowaa ga pye yele níngi ni, yanyaʔa ni mii Yawe a niyɛɛ dɛ̀ɛn wi na, ŋúnɔgɔ na mii a joo ní wi ní.

Luki 19:42

níì jo: «Kérigèle gele ke a dée mɔ lége lè yɛɛ̀nyingi ni, mɔ tiimaa ga maa gele bee cán níjanʔa, koro mǎà dée pɔ́rɔ gbanʔama! Kàjáa tɔ́ɔliw ni ke n làra mɔ na.

Kapyegèle 3:12

A Pyɛri ga gee bee nyaa, a wi syɛ́ɛnbèle pye: «Yele Isirayɛli ye nyàʔá na yele káama kéeli naa na? Ba nyàʔá na yele wolo wéle mɔ a jo wolo bɛɛ wo nǎnw naa yìrige wi i táanri ní wolo tiimaa fǎngi ní, koro ga jáa àmɛɛ wolo fɛ̀ɛgí Kolocɔlɔɔ na lè, koro bárigaw ni wi yìri ni táanri?

Kapyegèle 3:7

Níì wi cò kàliige kɔ́gi na n yìrige. A wi yédefabiyi ní tɔzogugèle fala n fànʔa taa terire n nìri.

1 Korɛnti ye 15:10

Kolocɔlɔɔ kpɔ́ʔɔri báriga ni si mii baa pye kánmi naa na mii nyɛ lè níjanʔa, kpɔ́ʔɔri bee wi kaan mii ma lè, ti ga yiri gbanzan í. Níì cán mii n báara n sɔ̀lɔ pe myɛ na. Koro ní ki myɛ ní mii séew báriga ni ban koro kpéʔele í, Kolocɔlɔɔ kpɔ́ʔɔri di nyɛ mii ma.

2 Korɛnti ye 3:5

Ki o nyɛ mɔ a jo wolo i gi sɔ̀ngí wolo fúnyi ni n jo keelaa n kpéʔele wolo tiimaa báriga ni í, kàjáa Kolocɔlɔɔ wi séew kaangi wolo ma.