Sélimɛ 40:5 - Cebaara Bible 2010

⁵ Wee wi pye lè Ezyipiti fànʔafɔw yagbaʔa sámagala nyúngo na, ní wee wi pye lè wi búruw sámagala nyúngo na, poro bele pe da pye wodɔnbéle ní kàsow ni lè, a be myɛ siinw baa ŋúnɔ ní ŋúnɔyɔ ní yébilinijanga ni, yoro yee kɔ́rɔ wi da fàli lè.

Sélimɛ 40:5 Iomraidhean Croise

Sélimɛ 20:3

Kàjáa a ki ga pye yébiligi ni, a Kolocɔlɔɔ wiyɛɛ dɛ̀ɛn Abimelɛki na ŋúnɔgɔ na níì wi pye: «Wéle, mɔ a tɔ̀nɔ́ kùu céw naa kéele na, wee mɔ láa lè, níì cán nàɔn fɔ́lɔ wii.»

Sélimɛ 40:1

Kérigèle bee kpéʔelele kadoʔo ma, wee wi pye lè Ezyipiti fànʔafɔw yagbaʔa kaanna nyúngo na, ní wee wi pye lè wi búruw sámagala nyúngo na, a bele bee baa kapeele pye be kàfɔw na, wi lè Ezyipiti ye fànʔafɔw.

Sélimɛ 40:4

A gáridibèle kùndigi be yaʔa Zyozɛfu kɔ́lɔ na waa be kɔ̀rɔsíi sáā be màkow nyɔɔgi. A be kòro yaà kàsow ni n làlaa kwɔ́ɔ.

Sélimɛ 40:6

A ki ga pye nyǐngi nyɔ́ɔ na, a Zyozɛfu pan be ma n baa be wéle n gi nyaa a be yɛ́ɛyi tɔ̀nɔ n tanʔa.

Sélimɛ 40:8

A be wi pye: «Wolo n ŋúnɔ ní ŋúnɔyɔ ní bi gi taa syɔɔn faala o naa bi yi kɔ́rɔw joo wolo ma í.» A Zyozɛfu be yari: «Kolocɔlɔɔ má ban yi kɔ́rɔw joolo nyɛ ì? Koro na ye yi joo ye tɛ̀ɛn mii na.»

Sélimɛ 41:11

A wo myɛ siinw baa ŋúnɔ ní ŋúnɔyɔ ní yébilinijanga ni, yee kɔ́rɔ wi da fàli lè.

Ɛsitɛri 6:1

Yébiligi bee ni a ŋúnɔmi pɛ́ɛ fànʔafɔw na. A wi be pye paa maa ní sɔ̀ngudaari kèlē sɛ́bɛ ní wi lè fǎngi kèlē sɛ́bɛ, a pe baa wi wéle fànʔafɔw yɛ́ʔɛ ma.

Danyɛli 4:19

mɔ wii, ee fànʔafɔw, mɔ wi baa kpɔ́ʔɔ nya, níì nìri, mɔ n kpɔ́ʔɔ n yìri fwɔɔ n nan nyɛ̀ʔɛni na, mɔ fangi n kpɔ́ʔɔ n nan tári láʔagéle na.

Danyɛli 4:5

A Danyɛli pan poro kàdoʔo ma n baa yére mii yɛ́ʔɛ ma, pe wɔ́ɔ i wi yiri Bɛlitisyasari, mii kolocɔlɔw dɔʔɔma wii, kolocɔlɔcǎnbèle pìle i nyɛ wi ni.

Danyɛli 4:9

Ki wári maa nyɔɔ, a gi yasanri nɛʔɛ, a yáriri myɛ i lìile taagi gi ni. Sìnbirigi yaweere maa ni kòró ki nyínmi ni, féjɛɛngèle maa ni kòró ki káganyi ni, sìi yáriri myɛ maa ni di lìíli taagi gi ni.

Córolo 12:6

A wi jo: «Ki n yɛlɛ ye mii syɛ́ɛnri sámaga ye lóʔo. Kanyaajoowaa ga pye yele níngi ni, yanyaʔa ni mii Yawe a niyɛɛ dɛ̀ɛn wi na, ŋúnɔgɔ na mii a joo ní wi ní.