Sélimɛ 4:8 - Cebaara Bible 2010

⁸ A Kayɛn si kɔ́ɔ̀ joo ní wi cɔnɔw Abɛli ní. Amɛɛ be pye ségi ni lè, a Kayɛn yìri wi cɔnɔw Abɛli kurugo n wi kpúmɔn n kpóo.

Sélimɛ 4:8 Iomraidhean Croise

Sélimɛ 4:25

A Adami níì sínɛ ní wi céw ní, a wi nànbile see níì li mɛ́ɛgi le ni li yiri Sɛti, ncan wi maa jo: «Kolocɔlɔɔ n níì yòdaʔagaa nikwɔɔ kaan mii ma Abɛli sìndɛɛgi ni, woro wee Kayɛn kpóo lè.»

2 Samyɛli 14:6

Pìibēle siin maa pye mɔ pulocew ma, nànbēle. Cangaa a be siinw sáà tún sìnbirigi ni, wàa si da pye yaà bi be láʔala í, a wàa wàa kpúmɔn n kpóo.

2 Samyɛli 3:27

Lǎli ni Abinɛɛri lúru n pan Heburɔn ma lè, a Zyowabi baa wi kɔ́ri n kàri kɔlɔ̀ na, a be jée kpàánweeli ni n gi pye mɔ a jo woro i caa bi syɛɛnrɛ làrá joo wi ma. A Zyowabi sáà wi súu yaà beè fícɛnni nínge ni, a wi kùu. Kánmi bee na Zyowabi Abinɛɛri kpóo woro cɔnɔw Azayɛli sìsyaanw wolo kéele na.

2 Cányi kèlē 21:4

Lǎli ni Yorami wi tóow fànʔa láa lè, níì wi fǎngi kpɔ́ʔɔ, a wi wi senyɛnbèle myɛ kpóo ní ŋɔsée ní, n fàra Isirayɛli kùndigibèle pèle na wɔ́ɔgēle.

Nehemii 6:2

a Sanbala ní Gesyɛmi tun mii ma níì jo: «Da maa wo ba woyɛɛ nyaa wo joo Kefiirimi ni, Onɔ jǐnlɔgi ni.» Pe maa gi tímana bi kapeʔe kpéʔele mii na.

Zyɔbi 11:15

lǎli bee ni mɔ a mɔ yɛ́ɛgi yìrige fɔɔnrɔ fun, mɔ a sámaga yére, si pye fyáara fun.

Ŋúnuyi 139:19

Ee Kolocɔlɔɔ, mɔ maa yɛlɛ bi dée syɛɛnpeew kpóo! Yele syɛɛnkpoobèle, ye léeli mii na!

Ŋúnuyi 36:3

Níì cán wi i wiyɛɛ sòoló bi gi tɛ̀ɛn woro o nyɛ kakolobyeo í, jàngó faʔara a kɔ́ too woro na í.

Ŋúnuyi 55:21

Wi ní bele pe da pye lè bɛ̀ɛlɛ na, wi n kɔ́yi yìrige bele bee kánma na, wi n wi joogaanni kálagi.

Oze sɛ́bɛw 4:2

Yafyɛn o beè kapye jànvaa kàliyi, ní námaraw, ní syɛɛnkpoori, ní kàyuugi, ní kanɔnʔɔri ban í. Kapeeyi be kpéʔele, syɛ́ɛnbèle na be kòro ni kúu.

Misye 7:6

Níì cán nànbili i li tóow faari, calipili i yìrigí li nɔ́ɔw kánma na, céw i yìrigí wi nǎnw nɔ́ɔ kánma na. Syɔɔn narigbaagi wòolo a ba kàri wi nigoolo.

Córolo 35:20

Syɔɔn ga wi syɛɛnnyɛnnɛ círi ní paraga ní, wàlá n làra n wi sige níì wi wáa ní yarigaa ní, á wi kùu koro fúngo ni,

Matye 23:35

Koro na Kolocɔlɔɔ a ba yele yíbe syɛɛnsinbèle myɛ sìsyaan kéele na, wee wi wo lè tári na, n séli syɛɛnsinw Abɛli sìsyaanw na n baa nan Zakarii wów na, wi lè Barakii jáaw, wee yele da kpóo lè kpɔ̀ʔɔrɔli kpaʔa fúngo ni sáriga-wòlo-yafaangi taana.

Luki 11:51

Ki a séli Abɛli sìsyaanw na fwɔɔ bi taa sa nan Zakarii sìsyaanw na, woro wee pe da kpóo lè sáriga-wòlo-yafaangi, ní kpɔ̀ʔɔrɔli kpaʔa nínge ni. Mii a tɔ̀nɔ́ gi joo yele ma, wi a gi sìndɛɛgi wòlo lǎli naa syɛ̀ɛnnɛ ni.

Luki 22:48

A Zyezu si wi pye: «Zyudasi, a mɔ a Syɔɔn-pya le lé wi nigoobèle kɔ́yɔ ni ní syɔɔnrilɔ ní?»

Heburubèle 11:4

Tágali báriga ni Abɛli da sárigaw wòlo Kolocɔlɔɔ ma, a wi nyɔɔ n sɔ̀lɔ Kayɛn wów na. Amɛɛ si Kolocɔlɔɔ da fɔ̀lɔ Abɛli yakaanyi na lè, gee bee na wi séeraw kpéʔele Abɛli kéeli na níì jo wi n sín tágali báriga ni. Loro li gi kaan a Abɛli sèʔé i nyuu àlí n gi yaʔa wi n kùu n kwɔ́ɔ.

Heburubèle 12:24

Yele n nùuni Zyezu na wi lè Kolocɔlɔɔ joogaanvɔnni sámagafɔlɔ, ní wi sìsyaanw na, wee be nyari nyari lè, wee syɛ́ɛnrɛ di tɛ́nɛ n sɔ̀lɔ lè Abɛli sìsyaanw wóro na.

Zyudi 1:11

Wɔʔɔli a ba pye be na! Níì cán kólogee Kayɛn da ni táanri lè koro be láa, ní wɔ́ɔ̀ pwɔɔ sàraw kéele na níì tìn n jée Balaami pùununi kólogo ni, níì kálagi àmɛɛ Kore da céemi le wiyɛɛ ni níì kálagi lè.