Sélimɛ 4:4 - Cebaara Bible 2010

⁴ A Abɛli si kári ní wi bǎbèle pìiselibèle pèle, ní be sǐnmi myɛ ní. A Yawe fɔ̀lɔ Abɛli ní wi sárigaw na.

Sélimɛ 4:4 Iomraidhean Croise

Sélimɛ 15:17

A cángi ga too á yébiligi tɔ̀nɔ n sámaga n wɔ́ɔ, a wi fúru naàniganra ní naanyìnge nyaa, gee ni wírige da pye lè, a toro jée káari nínge ni, dee wi da yabala lè.

Sélimɛ 4:3

A làlaa ga kwɔ́ɔ, a Kayɛn kári ní tári yaliifálaraa ní n sáà wòlo sáriga Yawe ma.

1 Fànʔafɔbèle 18:24

Yele si yele kolocɔlɔw mɛ́ʔɛ yeri, mii si wɔ́ɔ Yawe mɛ́ɛgi yeri. Kolocɔlɔwee wi ga lóʔo lè níì náagi le, woro wi nyɛ Kolocɔlɔɔ. A syɛ́ɛnbèle myɛ jo: «Wo n fɔ̀lɔ gi na.»

1 Fànʔafɔbèle 18:38

Lǎli bee ni a Yawe náagi tìgi n sárigaw sórigo n fàra kàjeri, ní kàdɛnɛyi, ní támiigi na, ní wɔ́ɔ̀ wéegi lɔ̀ʔɔ sórigo n kwɔ́ɔ.

1 Cányi kèlē 21:26

A Davidi sáriga-wòlo-yafanʔa faan nɛɛ bee Yawe ma, níì sáriga-sórigoo ní pínɛnyɛnnɛgɛ sáriga wòlo. Níì Yawe mɛ́ɛgi yeri, a Yawe lóʔo wi ma ní náagi ní, gee gi yìri lè nyɛ̀ʔɛni na n baa too sáriga-sórigow sáriga-wòlo-yafanʔa na.

2 Cányi kèlē 7:1

Lǎli ni Salomɔn kwɔ́ɔ nyɛ́ɛrigi na lè a naà yìri nyɛ̀ʔɛni na n baa sáriga-sórigow ní sárigaw sórigo, á Yawe nìjangbɔɔri kpáagi nyìn.

Ŋúnuyi 20:3

Ki n yɛlɛ wi dɛ̀ɛmɛnɛ yìrige tɛɛcǎngi ma bi tórigo naa mɔ ma, wi mɔ sámaga cò ní fànʔa ní, gee ki a yìri Siyɔn ma lè.

Yirile 13:12

mɔ a ra nànbiiseligèle myɛ kaangi Yawe ma, àlí yaweeri wòʔolo myɛ ke a pye mɔ ma lè. Nànbiiseligèle myɛ i nyɛ Yawe wòʔolo.

Kàseegèle 3:9

Da Yawe kpɔ̀ʔɔrɔ́ ní mɔ kɔ́lɔ yáriri ní, ní mɔ yataari myɛ yaselire ní.

Syɛɛnjóow 4:4

Mii n gi nyaa ncan faligbanw myɛ, ní falinyɔɔgwɔɔw myɛ i nyɛ syɔɔn nyabɛɛnni wi syɛɛnnyɛnw kánma na. Koro wɔ́ɔ i nyɛ gbanzan, ní bi taʔa Káfalaga na da nɛnɛ.

Levii ye sáriga-wòlori 9:24

A naà yiri Yawe yɛ́ʔɛ ma n sáriga-sórigow, ní kaasǐnmi sórigo sáriga-wòlo-yafaangi na. A syɛ́ɛnbèle myɛ gee bee nyaa, níì yákpogèle wáa fundaanri báriga ni, níì too n be yɛ́ɛyi cíbele tári na.

Córolo 16:15

A Mowizi fúngi tanʔa gbanʔama. A wi gi joo Yawe ma níì jo: «Mɔ a kɔ́ fɔ̀lɔ be sárigaw na í. Alí mii ga jòfani nibin syɔɔ be ma í, mii ga kolo pe wàa ma í.»

Córolo 16:35

Nǎnbèle sirakele ní togoye siin ní kpɔrigɔw wi da pan ní nùndaanni yáriga ní lè, a Yawe naà yirige n be sórigo mɛnɛ mɛnɛ.

Córolo 18:12

Bee myɛ bi nyɛ lè sìnjǎnmi, ní wee myɛ wi nyɛ lè dùvɛɛnfɔnw wojaɔn, ní bilew wojaɔn, yaliiseliri bee pe ba ni kaangi Yawe ma lè, mii n toro myɛ kaan mɔ ma.

Córolo 18:17

Kàjáa mɔ a kɔ́ nyùnzyɔɔ-wáli syɔɔ nɔ̀ɔ pìiselio, wàlá byà pìiselio, wàlá sikaà pìiselio kéele na í. Níì cán pe i nyɛ yacanya. Mɔ a ra be sìsyaanw ŋuu sáriga-wòlo-yafaangi na, sáā be sǐnmi sórogi. Sáriga wii, wee náagi sórogi ni kwóo lè á wi núngi Yawe dɛ́nɛ.

Heburubèle 11:4

Tágali báriga ni Abɛli da sárigaw wòlo Kolocɔlɔɔ ma, a wi nyɔɔ n sɔ̀lɔ Kayɛn wów na. Amɛɛ si Kolocɔlɔɔ da fɔ̀lɔ Abɛli yakaanyi na lè, gee bee na wi séeraw kpéʔele Abɛli kéeli na níì jo wi n sín tágali báriga ni. Loro li gi kaan a Abɛli sèʔé i nyuu àlí n gi yaʔa wi n kùu n kwɔ́ɔ.

Heburubèle 9:22

Bi yɛlɛ ní Mowizi làlwaw syɛ́ɛnrɛ ní, sìsyaanw a gbǎn yáriri myɛ jée mùnu, kapye nibin nibin ban í. Kapeegèle kùsulugo si a wɔ́ɔ gbǎn syɔɔ sìsyaan sìnwo í.

Tɛ̀ɛnnɛ 13:8

Bele myɛ be nyɛ lè tári na, gee bee n jo syɔɔn o syɔɔn mɛ́ʔɛ gi nyɛ lè sìnzɛbɛ ni nlaa yaà dulunyanw sélimɛ na sìíw sɛ́bɛ ni wi nyɛ lè Bàpili ma, lee pe da kpóo lè, bele bee a ra yaweegi kpɔ̀ʔɔrɔ́.

Jàbɔbèle 6:21

Kàgbeeli li pye Yawe nyɛ̀ʔɛni tunduɔn kɔ́lɔ ni lè, a wi li fínaani taʔa káari ní levé fun búrupiigèle na, a naà yiri fálagi ni n káari ní levé fun búrupiigèle sórigo péw. Koro kàdoʔo ma wi ga níì Yawe nyɛ̀ʔɛni tunduɔn nyaa í.

1 Samyɛli 15:22

A Samyɛli jo: «A sáriga-sórigow ní sárigasanw kéele Yawe dɛ́nɛ lé n sɔ̀lɔ Yawe jóomi lóʔolo na? Wéle, lóʔoli n pɔ́rɔ n sɔ̀lɔ sárigaw na. Bi miyɛɛ jɛ́rɛw n pɔ́rɔ n sɔ̀lɔ bàpɔbèle sìnmɛ na.