Sélimɛ 4:26 - Cebaara Bible 2010

²⁶ A Sɛti wɔ́ɔ baa nànbile see níì li mɛ́ɛgi le ni li yiri Enɔsyi. Lǎli bee ni syɛ́ɛnbèle séli ni Yawe mɛ́ɛgi yiri.

Sélimɛ 4:26 Iomraidhean Croise

Sélimɛ 12:8

A Abirami ga yiri yaà beè, a wi fala nyanbeleyi kúlo kàbaan na Betɛli canʔafolomɔ ma, ní sáà wi fànikpaagi kóri, níì Betɛli yaʔa canʔajeemɛ kabangi na, Ayi si i nyɛ canʔafolomɔ kabangi na. A wi níì sáriga-wòlo-yafaangaa faan tɛ́ɛgi bee ni Yawe ma níì Yawe mɛ́ɛgi yeri.

Sélimɛ 26:25

A Izaaki sáriga-wòlo-yafanʔa faan tɛ́ɛgi bee ni níì Yawe mɛ́ɛgi yeri, níì wi fànikpaagi kóri yaà. A wi falipyebèle níì kɔ̀lɔ́waa túgu yaà.

1 Fànʔafɔbèle 18:24

Yele si yele kolocɔlɔw mɛ́ʔɛ yeri, mii si wɔ́ɔ Yawe mɛ́ɛgi yeri. Kolocɔlɔwee wi ga lóʔo lè níì náagi le, woro wi nyɛ Kolocɔlɔɔ. A syɛ́ɛnbèle myɛ jo: «Wo n fɔ̀lɔ gi na.»

Ŋúnuyi 116:17

Mii a ra bariga kaanna sáriga wóo mɔ ma sáā mɔ Yawe mɛ́ɛgi yiri.

Ezayi 44:5

Wàa a gi joo si jo: ‹Mii i nyɛ Yawe wóo.› Wàa nikwɔɔ sáā Zyakɔbi mɛ́ɛgi yiri wiyɛɛ na. Wàa nikwɔɔ si wɔ́ɔ gi sɛ́bɛ wi kɔ́gi na si jo: ‹Yawe wóo mii nyɛ,› sáā wiyɛɛ gbɔ́ʔɔgi ní Isirayɛli mɛ́ɛgi ní.»

Ezayi 48:1

«Ye gee naa lóʔo Zyakɔbi kpáagi wòolo, yele bele na Isirayɛli mɛ́ɛgi nyɛ lè, yele bele ye yiri Zyuda yòdaʔayi ni lè, yele bele ye kɛ̀ɛ́ Yawe mɛ́ɛgi na lè, ní i Isirayɛli Kolocɔlɔw mɛ́ʔɛ yiri lè, kányɛʔɛ ní sínnɛ si o yaà í!

Ezayi 63:19

Wolo i nyɛ, mɔ a jo bele be lè n téè láa yaà làridɔnnɔ ni, mɔ o nyɛ pe nyúngi na í, bele be lè mɔ mɛ́ɛgi o yiri be na í. Ee! Mɔ ga maa nyɛ̀ʔɛgèle yabi, ní mɔ ga maa ni tíri naa, nyanbeleyi a dée ra cɛ̀lɛ́ mɔ yɛ́ʔɛ ma.

Zyeremii 33:16

Cányi bee ni, Zyuda a syɔɔ, Zyerusalɛmi a pye ŋɔ́ndaala na wi tɛɛ̀tɛ́ɛnni ni. Mɛ́ɛgee si pe a ra yiri wi na lè koro gi nyɛ gee na: Yawe, wolo sínni.›

Sofonii 3:9

«Lǎli bee ni mii a syɛɛnfeleyi nyɔ́ɔwara jée mùnu koro ga pye pe myɛ í da Yawe mɛ́ɛgi yiri sáā báara wi ma ní fungo nibin ní.

Luki 3:38

Kayinan si i nyɛ Enɔsyi jáa, Enɔsyi si i nyɛ Sɛti jáa, Sɛti si i nyɛ Adami jáa, á Adami si i nyɛ Kolocɔlɔɔ jáa.

Kapyegèle 11:26

Lǎli ni wi sáà wi nyaa lè, a wi wi kɔ́ri n kári Antyɔsyi ma, a be sa ni peyɛɛ gbóʔoro ní Egiliziw ní, ní i syɛ̀ɛnnɛ saʔa tama n yɛɛlɛ nibin kwɔ́ɔ yaà. Antyɔsyi ni gi séli a be i pìitamabèle yiri Kiretyɛnbèle.

Kapyegèle 2:21

Lǎli bee ni syɔ́ɔnwee faala wi ga Kàfɔw mɛ́ʔɛ yeri lè, wee bee a syɔɔ.›

Wɔrɔmi ye 10:13

Níì cán «Syɔ́ɔnwee faala ga ni Kàfɔw mɛ́ʔɛ yiri lè, wee bee a syɔɔ.»

1 Korɛnti ye 1:2

wolo a sɛ́bɛw naa tórigo yele ma ye nyɛ lè Kolocɔlɔɔ Egiliziw Korɛnti ni, yele bele Kolocɔlɔɔ nyɛ́nɛ n wòlo lè jàngó yele í pye wi syɛɛncanbéle Kirisi Zyezu ni n fàra bele na be nyɛ lè tɛ́ɛyi myɛ ni ni nyɛ́ɛri Kolocɔlɔɔ ma Zyezu Kirisi mɛ́ɛgi na, wi lè wolo ní poro myɛ Kàfɔw.