Sélimɛ 4:2 - Cebaara Bible 2010

² Koro kàdoʔo ma a wi Kayɛn cɔnɔw Abɛli see. A Abɛli baa pye bànaʔaɔ, Kayɛn si i nyɛ tèfalaɔ.

Sélimɛ 4:2 Iomraidhean Croise

Sélimɛ 3:23

Koro na Yawe Kolocɔlɔɔ syɔɔn nɛnɛ n yirige Edɛn nángwɔɔw ni, koro ga pye táree ni wi yirige lè, wi sa ra dee bee fála.

Sélimɛ 37:13

A Isirayɛli kɔ́ɔ̀ gi joo Zyozɛfu ma níì wi pye: «Mɔ yɛʔɛfɔbèle o yaà bele ni yaweeri nàʔá Sisyɛmi ma ì? Da maa, mii i caa bi mɔ tun be ma.» A Zyozɛfu baa wi pye: «Mii wi wee.»

Sélimɛ 4:1

A Adami wi céw Ɛvi cán wi cɔɔ̀, a wi fícɛnnɛ taa n Kayɛn see. A wi jo: «Mii n nàɔn see Yawe bárigaw ni.»

Sélimɛ 4:3

A làlaa ga kwɔ́ɔ, a Kayɛn kári ní tári yaliifálaraa ní n sáà wòlo sáriga Yawe ma.

Sélimɛ 47:3

A Faraɔnw Zyozɛfu yɛʔɛfɔbèle yíbe níì jo: «Nyàʔá gi nyɛ yele fáliw?» A be Faraɔnw yari: «Mɔ falipyebèle i nyɛ yaweeyiligēle naʔafɔɔlɔ àmɛɛ wolo tóobèle da wɔ́ɔ̀ pye lè.»

Sélimɛ 9:20

A Nowe tári vàlá séli, níì ɛrɛzɛn tírire cɔ́rɔ.

Ŋúnuyi 127:3

Wéle, pìíbèle i nyɛ kɔrigɔ gee Yawe kaangi lè, ceseegi i nyɛ tɔ̀nɔ.

Yirile 3:1

Mowizi maa pye ni wi céw tóo Zyeturo yaweeyiligèle nàʔá, Zyeturo wi pye lè Madyan sáriga-wòlow. A wi yaweeyiligèle kɔ́ri n fala ní ge ní fìími tára maʔama na, Kolocɔlɔɔ nyanbelegi ma ki lè Horebi.

Amɔsi 7:15

Kàjáa Yawe n mii cò n lúrugo yaweeri kurugo, Yawe si n mii pye: ‹Da syée mi sa ra kérigèle nyaagi maa nyuu mii syɛ́ɛnbèle ma, pe lè Isirayɛli ye.›

Luki 11:50

Koro ga pye kanyaajoobèle sìsyaan wi téē ŋuu lè nlaa yaà dulunyanw sélimɛ na, wi a gi sìndɛɛgi wòlo lǎli naa syɛ̀ɛnnɛ ni.

Luki 11:51

Ki a séli Abɛli sìsyaanw na fwɔɔ bi taa sa nan Zakarii sìsyaanw na, woro wee pe da kpóo lè sáriga-wòlo-yafaangi, ní kpɔ̀ʔɔrɔli kpaʔa nínge ni. Mii a tɔ̀nɔ́ gi joo yele ma, wi a gi sìndɛɛgi wòlo lǎli naa syɛ̀ɛnnɛ ni.

Zyan 8:44

Màdebèle kàfɔlɔ wi nyɛ yele tóow, gee bee na yele sɔ̀ngí bàā yele tóow nyɛ́nɛ kèlē kpéʔele. Nlaa gi sélimi na woro wi syɛ́ɛnbèle kúu, wi o téē yèré kányɛʔɛ ni í, níì cán wi o nyɛ kányɛʔɛfɔlɔ í. Wi ga ni jà finɛ lǎlee ni lè, wi n ni wi tiimaa fúngi syɛ́ɛnrɛ nyuu. Wi i nyɛ jànvaafɔlɔ, ní wɔ́ɔ i nyɛ jànvaaw sélimafɔlɔ.

1 Zyan 3:10

Kánmi naa na Kolocɔlɔɔ pìíbèle ní Dazɔɔnw wòolo i cángi ni láʔala peyɛɛ na. Syɔ́ɔnwee faala wi nyɛ lè wi o kasingéle kpéʔele í, wàlá wee wi nyɛ lè wi ga tàmaga le ní wi senyɛnnɛ ní lè í, wee bee o nyɛ Kolocɔlɔɔ wóo í.

1 Zyan 3:12

Ki ga yɛlɛ yele í kɔ́ pye àmɛɛ Kayɛn da pye lè í, woro wee wi da pye lè Wobeew wóo, níì wi cɔnɔw kpóo. Nyàʔá na wi da wi kpóo? Níì cán wi tiimaa kapyegèle maa pee á wi cɔnɔw wòʔolo sín.

1 Zyan 3:15

Syɔ́ɔnwee faala senyɛnnɛ kéele li wi bɛɛn lè wee bee i nyɛ syɛɛnkpóō. Yele si n gi cán sìibangwɔɔw o nyɛ syɛɛnkpoowaa faala ni í.