Sélimɛ 4:15 - Cebaara Bible 2010

¹⁵ A Yawe wi yari: «Syɔ́ɔnwee wi ga mɔ Kayɛn kpóo lè, mɔ kpóoli kapeele gɔlɔ́ a wòlo wee bee na bi ba taa ki tɛɛyɛ kɔrɔsiin.» A Yawe fɛ̀ɛ kpúmɔn Kayɛn na koro ga pye syɔ́ɔnwee faala wi ga wi nyaa lè, wi a kɔ́ wi kpóo í.

Sélimɛ 4:15 Iomraidhean Croise

Sélimɛ 4:24

Kapye Kayɛn kpóoli kapeele gɔlɔ́ a wòlo gi tɛɛyɛ kɔrɔsiin, mii Lemɛki kpóoli kapeele gɔlɔ́-wòloro a pye tɔlɔyɔ togoye taanri ní kpɔrigɔ ní kɔrɔsiin.»

1 Fànʔafɔbèle 16:7

Yawe syɛ́ɛnri si maa nan Bayesya ní wi kpáagi wòlo na, dee wi da joo lè Hananii jáaw kanyaajoow Zyehu nyɔ́ɔgi ni, gee myɛ kéele na wi da kpéʔele a gi pee Yawe nyɛ́nɛ na lè n wi fúngi tanʔa gbanʔama ní wi kɔ́yi kapyele ní, ní baa pye àmɛɛ Zyerobowami kpáagi wòolo nyɛ lè, ní àmɛɛ wi wɔ́ɔ̀ kpáagi bee wòolo kpúmɔn n kpóo lè.

Ŋúnuyi 59:11

Mii Kolocɔlɔw wi lè funjànga fɔ́lɔ, wi i mii fàrá, wi a ba mii kaan mii í da fundaanra kpéʔele gee na ki a ba mii nigoobèle taa lè.

Ŋúnuyi 79:12

Ee Kàfɔw, faʔaree na wolo tɛ́ɛnnyɛnbèle mɔ faʔa lè, ki n yɛlɛ mi di tɛɛyɛ kɔrɔsiin lúrugo be ma.

Kàseegèle 6:31

Pe si ga wi taa n cò, wi a gi tɛɛyɛ kɔrɔsiin sàra. Wi a wi kpáagi lɔ́rɔ myɛ kaan.

Ezekyɛli 9:4

A Yawe wi pye: «Sɔ̀lɔ mi màʔa kěgi nínge ni, Zyerusalɛmi níngi ni, mi fɛ̀ɛ kpúmɔn syɛ́ɛnbèle gbáagéle na, bele be cɛ́ɛn lè, ní i nyaan yanɔnʔɔyi myɛ kéele na yi kpéʔele lè gi ni.»

Ezekyɛli 9:6

Yaa kúu ye be myɛ kwɔ́ɔ, n wolɛɛbèle pínɛ nìgɔcaribèle, ní nàngeele sinján pìcaabèle, ní pìíbèle, ní cébèle ni. Kàjáa wee na fɛ̀ɛ́w ga pye lè yele a kɔ́ tánga wee bee na í, ye séli mii tɛɛcǎngi na!» A be séli nǎnbèle na, wolɛɛbèle bee pe da pye lè kpáagi yɛ́ʔɛ ma.

Oze sɛ́bɛw 1:4

A Yawe wi pye: «Wi mɛ́ɛgi le paa wi yiri Zyizireyɛli. Níì cán cɛɛri ga pye mii a keele tɛ́ʔɛ Zyehu kpáagi wòolo na sìsyaanw kéele na be wo Zyizireyɛli ni lè, mii a Isirayɛli kpáagi fànʔa kwɔ́ɔ.

Levii ye sáriga-wòlori 26:18

Gee bee myɛ pyele kadoʔo ma, yele ga pye ye ga fɔ̀lɔ n lóʔo mii ma í, mii a yele kpúmɔn gi tɛɛyɛ kɔrɔsiin yele kapeegèle kéele na.

Levii ye sáriga-wòlori 26:21

Yele si ga ni cáan ní mii ní, yele ga fɔ̀lɔ ni lúro mii ma í, mii a yele kpúmɔn ki tɛɛyɛ kɔrɔsiin bi yɛlɛ ní yele kapeegèle ní.

Levii ye sáriga-wòlori 26:24

mii a wɔ́ɔ ra cáan ní yele ní. Mii a yele kpúmɔn ki tɛɛyɛ kɔrɔsiin, yele kapeegèle kéele na.

Levii ye sáriga-wòlori 26:28

lǎli bee ni mii fundanʔaratɔw a wɔ́ɔ ra cáan ní yele ní. Mii a yele kóro ki tɛɛyɛ kɔrɔsiin yele kapeegèle kéele na.

Matye 26:52

A Zyezu wi yari: «Mi mɔ ŋɔséew lúrugo mi le kpàfogi ni. Níì cán bele myɛ be ŋɔséebèle lée lè, pe a wɔ́ɔ bele bee kpóo ní ŋɔséebéle ní.

Tɛ̀ɛnnɛ 14:11

Pe wɔʔɔli naà wírige i lúru ǹjogi ni làla o làla kwɔ́ɔmɔ fun, bele be yaweegi ní gi niwirigi kpɔ̀ʔɔrɔ́ lè, wàlá wee faala na gi mɛ́ɛgi fɛ̀ɛ nyɛ lè, ŋɔ́ndaala o nyɛ pe wàa ma í, canʔa ní yébilige.»

Tɛ̀ɛnnɛ 14:9

A nyɛ̀ʔɛni tundun-daanri wóo taʔa bele siin na ní i gi nyuu ní yákpogbɔɔlɔ ní níì jo: «Syɔ́ɔnwee faala ga ni yaweegi ní gi niwirigi kpɔ̀ʔɔrɔ́ lè, níì fɔ̀lɔ a be gi fɛ̀ɛ́w kpúmɔn wi gbáali na, wàlá wi kɔ́gi na,