Sélimɛ 4:14 - Cebaara Bible 2010

¹⁴ Wéle, mɔ n mii nɛnɛ n léeli tɛɛ̀falagi naa na níjanʔa a gi nyaa mii n yɛlɛ bi kári sa làra léelige mɔ na. Mii a pye ninyaari-mí-màʔaga, ní nifaalaga tári na. Syɔ́ɔnwee faala wi ga sáà mii nyaa lè, wi a mii kpóo.»

Sélimɛ 4:14 Iomraidhean Croise

Sélimɛ 3:24

A wi ga syɔɔn nɛnɛ n yirige n kwɔ́ɔ Edɛn nángwɔɔw ni, a wi syerubɛnbèle télege yaà nángwɔɔw ni canʔafolomɔ ma, n fàra naanyìnge ŋɔsée na, a woro i nyaari kàbanyi myɛ na ni sìíw tiige kpáa wéle.

Sélimɛ 4:13

A Kayɛn gi joo Yawe ma níì jo: «Mii kolomi wɔʔɔgɔ túgoro n líbe n tóro mii í gbǎn di tugo.

2 Samyɛli 14:7

A mɔ pulocew túlugo woolo myɛ si yìri wi kurugo níì jo: ‹Wee wi wi senyɛnw kpúmɔn n kpóo lè, wi le wolo kɔ́yi ni. Wolo i caa bi wi kpóo, wi senyɛnw kéele na, woro wee wi kpóo lè. Alí woro wee wi kòro lè kɔriliiw, woro wolo caa bi kpóo.› Ki ga kpéʔele ànbée, kàjenyungi gi kòro mii ma lè, koro pe a fígi si gi yaʔa mii nǎnw mɛ́ʔɛ í kwɔ́ɔ bi yiri tári ni. Yòdaʔaga a ní kòro wi ma í.»

Ŋúnuyi 109:10

Ki n yɛlɛ wi pìíbèle í pye nicurugo-mí-màʔaya sáā nyɛ́ɛri, pé yiri be gurubɛɛri ni, bi sa ra yaliiri caa tɛɛ̀leelige ni!

Ŋúnuyi 109:12

Syɔɔn faala a kɔ́ kacànna pye wi na í, syɔɔn faala a wɔ́ɔ kɔ́ nyinimɛ taa wi círibèle na í,

Ŋúnuyi 143:7

Wári mi lóʔo mii ma, Yawe! Mii pǐli n nan tɛɛ̀laʔali na. Mɔ a kɔ́ mɔ yɛ́ɛgi làriga mii na í! Kapye koro ban í, mii a pye àmɛɛ bele nyɛ be tíri weecurugi ni lè.

Kàseegèle 14:32

Syɛɛnpeew i tuun kapeegi kéele na wi kpéʔele lè, syɛɛnsinw si i tɛɛlarala taagi àlí wi kùúw làla ni.

Kàseegèle 28:1

Syɛɛnpeeo i fé bi gi taa wàa o nyɛ wi kurugo í, syɛɛnsinbèle n soro àmɛɛ càarabɔ-yɛlɛɔ nyɛ lè.

Ezayi 8:22

Koro kàdoʔo ma pe a ra wéle tári na, wéle, ki a pye fɔ̀rɔgɔ, ní yébilimɛ, ní wɔʔɔgi yébiliwɔɔlɔ. Pe a ŋɔrigɔ wáa yébiliwɔɔlɔ ni.

Zyeremii 52:3

Kérigèle bee n kpéʔele Zyerusalɛmi, ní Zyuda ye na Yawe fundanʔari kéele na fwɔɔ n taa a wi kɔ́ baa be nɛnɛ n núngo wiyɛɛ yɛ́ʔɛ ma. Sedesyasi si maa baa Babilɔni fànʔafɔw cée.

Oze sɛ́bɛw 13:3

Koro na pe a pye àmɛɛ nyǐngi nyɔ́ɔ fàfanʔa nyɛ lè, ní àmɛɛ nyǐngi nyɔ́ɔ kásaga nyɛ lè, gee gi kwóo lè, ní àmɛɛ nyàásige nyɛ, gee káfalagi lée kàsyɔʔɔ na ni syée lè, ní àmɛɛ wírige nyɛ, gee gi yirigi wírige tɛɛyirile ni lè.

Levii ye sáriga-wòlori 26:17

Mii a mii yɛ́ɛgi wáa yele ma, yele nigoobèle a yele jáa, yele parafɔbèle a tɛ́ɛn yele nyúngi na. Yele a ra fé bi gi taa wàa o nyɛ yele kurugo í.

Levii ye sáriga-wòlori 26:36

Bele pe ga kòro yele ni lè sìi na pe nigoobèle tára ni, mii a zɔ̀nviikɔnirɔ wáa bele bee na, fwɔɔ bi be kaan paa fé waganga tìnmɛ na. Pe a ra fé àmɛɛ syɔɔn gáā fé ŋɔsée na lè. Pe a ra tuun bi gi taa wàa o nyɛ be kurugo í.

Córolo 35:19

Sìsyaanw wolo gɔlɔ́-wòloo a syɛɛnkpóow kpóo. Wi ga wi fàra n nyaa wi a wi kpóo.

Córolo 35:21

wàlá wi ga wi para níì wi kpúmɔn ní wi kɔ́gi ní, á wi kùu koro fúngo ni, pe a kpúmɔnfɔw kpóo, syɛɛnkpóō wii. Sìsyaanw wolo gɔlɔ́-wòloo ga wi fàra n nyaa, wi a wi kpóo.

Córolo 35:27

sìsyaanw wolo gɔlɔ́-wòloo ga wi fàra n nyaa kàsuro-jée-kěgi kàdoʔo ma, wi ga syɛɛnkpóow kpóo, syɛɛnkpóoro kolomɔ a córo wi ma í.

Matye 25:41

Lǎli bee ni wi a gi joo wi kàmɔnɔ wóbèle ma: ‹Ye núngo mii taana yele dángaw fɔ̀ɔlɔ, ye sa jée bànvigi náagi ni, gee Kolocɔlɔɔ sámaga lè Dàzɔɔnw ní wi màdebèle kéele na.

Matye 25:46

Bele bee myɛ a sa jée wɔʔɔli ni, lee li lè, li a kwɔ́ɔ bi nyaa í, syɛɛnsinbèle si sa jée sìibangwɔɔw ni.»

Làlwaw Kaanziin 28:64

Yawe a yele cariga bi lége syɛɛnfeleyi myɛ nínge ni, bi séli tári láʔalee ma bi taa sa nan lee na. Nɛɛ bee mɔ a ra kolocɔlɔbèle pèle nikwɔɔlɔ kpɔ̀ʔɔrɔ́ pe lè mɔ ní mɔ tóolɛɛbèle da be cán í, poro bele be sámaga lè ní tiire, ní kàdɛnɛrɛ ní.

Làlwaw Kaanziin 28:65

Bi mɔ yaʔa syɛɛnfeleyi bee nínge ni, mɔ a yɛɛ̀nyinge taa í, mɔ a tée tɛɛ̀ŋɔ́ndaala taa beè mɔ a nyɔ̌nni tɛ́ʔɛ lè í. Yawe a zɔ̀nviige yaʔa kaa mɔ kɔɔn, mɔ nyapiigèle fánʔa a kwɔ́ɔ, mɔ a ra wɔʔɔ fúngi ni.

2 Tesaloniki ye 1:9

Pe wɔʔɔli li a pye bàngwɔɔ kálagili, Kàfɔw a be nɛnɛ bi léeli wiyɛɛ na, ní wi séew nìjangbɔɔrɔ na,