Sélimɛ 4:10 - Cebaara Bible 2010

¹⁰ A Yawe jo: «Nyàʔá na mɔ koro pye? Mɔ cɔnɔw sìsyaan i yákpoli wáa tári na fwɔɔ a li i nangi mii na.

Sélimɛ 4:10 Iomraidhean Croise

Sélimɛ 18:20

Lǎli bee ni a Yawe gi joo Abirahami ma níì jo: «Sùpiigèle be wáa lè Sodɔmi ní Gomɔri ye kéeli na, sùpiiwáari bee n níì kpɔ́ʔɔ n baa sɔ̀lɔ. Pe kapeegèle n líbe n baa sɔ̀lɔ.

Sélimɛ 3:13

Lǎli bee ni a Yawe Kolocɔlɔɔ gi joo céw ma níì jo: «Nyàʔá na mɔ gee bee kpéʔele?» A céw jo: «Wàbigi gi mii fáana n pùuni a mii gi kàa lìi.»

Sélimɛ 9:5

Yele sìsyaanw wi nyɛ lè yele sìíw, mii a wɔ́ɔ ba yíbege kpéʔele wi kéeli na. Yaweʔe o yaweʔe ga syɔɔn kpóo, mii a yaweegi bee yíbe syɔ́ɔnw bee sìsyaan kéele na. Syɔɔn ga wɔ́ɔ̀ wi syɛɛnnyɛnnɛ kpóo, mii a wi yíbe wi syɛɛnnyɛnw sìsyaan kéele na. Mii a tɔ̀nɔ́ syɔɔn yíbe wi senyɛnw sìi kéele na.

2 Fànʔafɔbèle 9:26

‹Mii n Nabɔti sìsyaanw, ní wi jáabèle sìsyaan nyaa cànʔaniw.› Yawe wi jo nya. ‹Mii a gi felege kpéʔele mɔ na ségi naa wonijanga ni.› Yawe wi jo nya. ‹Koro na ki n yɛlɛ mi wi láa mi wáa ségi ni bi yɛlɛ ní Yawe syɛ́ɛnri ní.› »

2 Cányi kèlē 28:9

Yawe kanyaajoowaa si maa pye yaà pe maa ni wi mɛ́ɛgi yiri Odedi. A woro yiri n sáà kapɛɛnkpumɔnbèle fàra pe da yìri yaà n lúru ni maa Samarii ma lè, níì be pye: «Ye wéle, Yawe yele tóolɛɛbèle Kolocɔlɔɔ fúngi n tanʔa Zyuda ye kurugo, koro na wi be le yele kɔ́yi ni, a yele si be kpóo ní fundanʔara ní n baa sɔ̀lɔ fwɔɔ a gee bee nan nyɛ̀ʔɛni na.

Zyɔbi 16:18

Ee tára, mɔ a kɔ́ mii sìsyaanw tɔ́n í, mii sùpiiwáari sáā syée sìnyére ni!

Zyɔbi 24:12

Bele be nyɛ kùúw tɛ́ʔɛmɛ ni lè, be cɛ́ɛnmi i lúro kěgi ni, wogbalibèle pìigēle i sùpiigèle wáa. Kàjáa Kolocɔlɔɔ o kapeegi bee córo í.

Ŋúnuyi 50:21

Wéle, mɔ n kérigèle bee myɛ kpéʔele, mii ga joo í. Ki maa pye mɔ nyɛ́nɛ na mii i nyɛ mɔ félege, kàjáa mii si a fúlo mɔ na, si mɔ kolomi kèlē taʔala keyɛɛ na mɔ í ge nyaa.

Ŋúnuyi 72:14

Wi a be nyúnyi syɔɔ námaraw, ní tanʔari ma, wi a be sìsyaanw córo yakpɔʔɔ.

Ŋúnuyi 9:12

Yaa ŋúu Yawe ma, woro wee wi nyɛ lè wodɛ́ɛɔn ní Siyɔn ni. Kakpoloyi wi kpéʔele lè, yaa yi kéeli nyuu syɛɛnfeleyi myɛ nínge ni!

Ŋúnuyi 9:13

Níì cán wi i sìsyaan wolo gɔlɔ́ wóo. Wi i sɔ̀ngí ni taagi wi kéeli na, wi o fɛ̀ʔɛ́ fɔ̀rɔgɔfɔbèle sùpiiwáara na í.

Yirile 3:7

A Yawe jo: «Mii syɛ́ɛnbèle bele be nyɛ lè Ezyipiti ni, fɔ̀rɔgee gi nyɛ be na lè, mii n gee bee nyaa, ní àmɛɛ be sùpiigèle wáa be wɔʔɔfɔbèle kɔ́yɔ ni lè, mii n gee bee lóʔo. Níì cán mii n tɔ̀nɔ n be wɔʔɔyi kèlē cán.

Ezayi 5:7

Yawe wi lè Nyɛ̀ʔɛni Sùlasiibéle Kafɔlɔ, wi ɛrɛzɛn ségi gi nyɛ Isirayɛli kpáagi, Zyuda nǎnbèle si i nyɛ wi ɛrɛzɛn tíriri, dee kéele li da wi dɛ́nɛ lè. Wi sɔ̀ngumi maa pye kányɛɛgi na be ma, kàjáa wéle, kanaa-sìnbyeyi yi yaà! Wi maa ni sínnɛ wéle yaà, kàjáa wéle, wɔʔɔgɔ supiiwáara di yaà!

Córolo 35:33

Táree ni yele a sa pye lè, yele a kɔ́ di nɔ́nʔɔ í, níì cán sìsyaanw i tári nɔ́ɔnri. Sìsyaanwee wi ga wo tári ni lè, yafyɛn a gbǎn wi woli kapeele kusulugo fáli kpéʔele tári kéele na í, kapye wi wovɔw tiimaa sìsyaan ban í.

Kapyegèle 5:3

A Pyɛri wi yari: «Ananyasi, nyàʔá na mɔ Sutanaw yaʔa a wi mɔ fúngi nyìn nya a mɔ Pìicǎnni fáana, níì tári lɔ́raa wòlo n yaʔa miyɛɛ ma?

Kapyegèle 5:9

A Pyɛri wi pye: «Mɛ̀ɛ́ gi pye n sɛ́ɛ á yele pínɛ n tímana n bɛ̀ɛ gi na ní i caa bi Kàfɔw Pìle pye wéle? Wéle, bele be sáà mɔ nanw tɔ́n lè, poro tánʔami mɔ lúro bee kpaaweeli na. Pe a wɔ́ɔ mɔ yirige yaà.»

Làlwaw Kaanziin 21:1

«Táree Yawe mɔ Kolocɔlɔw a kaan mɔ ma lè mɔ í di syɔɔ taa, syɔɔn ga nyaa wogboojáaɔn ní sìnbirige ni, wi kpóofɔw si ga cán í,

Heburubèle 11:4

Tágali báriga ni Abɛli da sárigaw wòlo Kolocɔlɔɔ ma, a wi nyɔɔ n sɔ̀lɔ Kayɛn wów na. Amɛɛ si Kolocɔlɔɔ da fɔ̀lɔ Abɛli yakaanyi na lè, gee bee na wi séeraw kpéʔele Abɛli kéeli na níì jo wi n sín tágali báriga ni. Loro li gi kaan a Abɛli sèʔé i nyuu àlí n gi yaʔa wi n kùu n kwɔ́ɔ.

Heburubèle 12:24

Yele n nùuni Zyezu na wi lè Kolocɔlɔɔ joogaanvɔnni sámagafɔlɔ, ní wi sìsyaanw na, wee be nyari nyari lè, wee syɛ́ɛnrɛ di tɛ́nɛ n sɔ̀lɔ lè Abɛli sìsyaanw wóro na.

Zyaki 5:4

Yaliilaabèle be yele séyi yaliire lée lè, á yele cée pe sàraw na, pe i yákpogèle wáa ní yele mɛ́ɛyi ní sàraw bee kéele na, a Kolocɔlɔɔ pe yákpowáari lóʔo, woro wee wi nyɛ lè Nyɛ̀ʔɛni Sùlasiibéle Kafɔlɔ.

Zyozuwe 7:19

A Zyozuwe Akan pye: «Ni pyà, Yawe kpɔ́ʔɔganmi kéele córo, wi lè Isirayɛli ye Kolocɔlɔw, mí wi kpɔ́ʔɔ. Gee mɔ kpéʔele lè, ki joo mii ma, mɔ a kɔ́ gi làriga mii na í.»

1 Samyɛli 13:11

A Samyɛli jo: «Nyàʔá mɔ kpéʔele?» A Sawuli wi yari: «Amɛɛ mii da gi nyaa lè syɛ́ɛnbèle i caragi mii na ni syée, ní wɔ́ɔ̀ gi nyaa mɔ ga pan làridɛ̀ɛ́nni ni í, á Filisitini ye si peyɛɛ gbóʔoro Mikimasyi ma,