Sélimɛ 39:9 - Cebaara Bible 2010

⁹ Wàa faala ga kpɔ́ʔɔ n sɔ̀lɔ mii na kpáagi naa ni í. Wi ga mii yérige yarigaa faala na í kapye mɔ nibin na ban í. Níì cán mɔ wi nyɛ wi céw. Mɛ̀ɛ́ si mii a gbǎn kapeegi naa félege kpéʔele bi kapeele pye nya Kolocɔlɔɔ na?»

Sélimɛ 39:9 Iomraidhean Croise

Sélimɛ 13:13

Sodɔmi syɛ́ɛnbèle si maa tɔ̀nɔ n pee. Pe maa ni kapeegèle kpéʔele Yawe yɛ́ʔɛ ma.

Sélimɛ 20:3

Kàjáa a ki ga pye yébiligi ni, a Kolocɔlɔɔ wiyɛɛ dɛ̀ɛn Abimelɛki na ŋúnɔgɔ na níì wi pye: «Wéle, mɔ a tɔ̀nɔ́ kùu céw naa kéele na, wee mɔ láa lè, níì cán nàɔn fɔ́lɔ wii.»

Sélimɛ 20:6

A Kolocɔlɔɔ gi joo wi ma ŋúnɔgi na níì wi yari: «Mii n tɔ̀nɔ n gi cán mɔ fúngi n fílige kéeli naa pyele na. Koro na mii tiimaa wɔ́ɔ̀ mɔ yérige jàngó mɔ a kɔ́ kapeele pye mii na í. Koro na mii gi yaʔa mɔ a kɔ́ tánga wi na í.

Sélimɛ 20:9

Koro kàdoʔo ma a Abimelɛki Abirahami yeri ní baa wi pye: «Nyàʔá mɔ kpéʔele wolo na gee? Kapeelìí félege mii pye mɔ na, a koro mɔ kaan mɔ í mii ní mii fǎngi wáa kapeekpɔɔgi naa pyele na? Gee mɔ pye mii na lè, ki o nyɛ pyemɛ í.»

Sélimɛ 24:2

Cangaa a Abirahami kɔ́ɔ̀ gi joo wi falipyenǎnwee ma wi lɛɛ n sɔ̀lɔ wi kpáagi falipyebèlē na lè, woro wee wi da pye lè Abirahami kɔ́lɔ yáriri myɛ nyúngo na, níì wi pye: «Ki n yɛlɛ mi mɔ kɔ́gi le mii céekpɔɔli láara ni,

Sélimɛ 39:10

Wi maa ni nyuu kéeli bee na canʔa o canʔa ní Zyozɛfu ní. Kàjáa Zyozɛfu ga fɔ̀lɔ n wi syɛ́ɛnri lóʔo níì sínɛ wi taana bi pínɛ ní wi ní í.

Sélimɛ 41:40

Mɔ wi a tɛ́ɛn mii kpáagi nyúngo na. Mii tári syɛ̀ɛnnɛ a ra lúro mɔ ma. Fàngoli yagana kéele li a mii kpɔ́ʔɔ mɔ na.»

Sélimɛ 42:18

A ki ga pye candaanri wógi na, a Zyozɛfu be pye: «Ki n yɛlɛ ye gee naa kpéʔele koro ga pye yele í koro sìi na. Níì cán mii i fɛ̀ɛgí Kolocɔlɔɔ na.

2 Samyɛli 11:27

Lǎli ni kùúgi káyaʔa canya kwɔ́ɔ lè, a Davidi tun a be sáà wi kɔ́ri n pan, a wi baa wi lége woro kpáagi ni. A wi baa pye wi cɔɔ̀. A wi nànbile see wi ma. Gee si Davidi da kpéʔele lè, ki da Yawe dɛ́nɛ í.

2 Samyɛli 12:13

A Davidi Natan pye: «Mii n kapeele pye Yawe na.» A Natan Davidi pye: «Yawe n mɔ kapeeli kùsulugo syɔɔ, mɔ a kùu í.

Nehemii 5:15

Guvɛrinɛɛri-sélibèle be pye mii yɛ́ʔɛ ma lè, poro maa gi gbàn syɛ́ɛnbèle na, ni yaliiri, ní dùvɛɛnw syoo be ma n fàra wálifiio támabéle togoye siin-ziin na. Alí be falipye-nìgɔcaribèle maa ni fǎngi kpéʔele syɛ́ɛnbèle na. Mii si ga koro kàa kpéʔele í, àmɛɛ mii fɛ̀ɛgí Kolocɔlɔɔ na lè.

Nehemii 6:11

A mii wi yari: «Mii félege syɔ́ɔn si fàn lé? Ba nànwìí wi a pye àmɛɛ mii nyɛ lè si jée kpɔ̀ʔɔrɔli kpaʔa ni si ní gbǎn kòro sìi na? Mii a jée yaà í.»

Zyɔbi 31:23

Níì cán wɔʔɔgi gi yìrigí Kolocɔlɔɔ ma lè, ki maa ni fyáakpɔɔrɔ cáan mii na, mii a gbǎn yafyɛn pye wi kpɔʔɔgbɔɔri yɛ́ʔɛ ma í.

Ŋúnuyi 51:4

Mii wéli mi mii kolomi myɛ láʔa mii na, mii kapeeli jée mi láʔa mii na.

Yirile 20:14

Mɔ a kɔ́ kanɔnʔɔrɔ kpéʔele í.

Kàseegèle 6:29

Syɔ́ɔnwee wi syée wi syɛɛnnyɛnnɛ cɔ́ɔ kurugo lè, kánmi bee na syɔ́ɔnw bee nyɛ. Syɔ́ɔnwee wi ga tánga wi na lè, syɔ́ɔnw bee a gbǎn córo kolomɔ fun syɔ́ɔn í.

Kàseegèle 6:32

Syɔ́ɔnwee si wi kanɔnʔɔrɔ kpéʔele ní cɔlɔɔ ní lè, syɔ́ɔnw bee i nyɛ sícilimɛ-fùnvɔlɔ. Wee wi wiyɛɛ kálagili caa lè woro wi koro kpéʔele.

Syɛɛnjóow 7:26

Céwee wi lè karinyanga, woro wee fúngo gi lè cɔ̀ɔ, woro wee kɔ́yɔ yi nyɛ lè yapwɔɔrɔ, mii n wi kéeli nyaa a li soro n sɔ̀lɔ kùúw na. Syɔ́ɔnwee kéele li Kolocɔlɔɔ dɛ́nɛ lè, wi i syoo céw bee félege ma, wi si i kapeebyew có.

Zyeremii 28:16

Gee bee na Yawe dee naa joo níì jo: ‹Wéle, mii a mɔ nɛnɛ wee bi yirige tári ni, mɔ a kùu níyɛɛlɛ, níì cán mɔ syɛ́ɛnri i nyɛ céemɛ Yawe kánmi na.› »

Zyeremii 50:7

Bele myɛ pe da ni be nyaagi lè, pe maa ni be káa, pe kàsiitun-nyɛnbèle si i gi nyuu níì jo: ‹Wolo ga kolo í. Ncan pe n kapeele pye Yawe na, wi lè sínni tɛɛkòrogo, Yawe na wi lè pe toolɛɛbèle sɔ̀ngumɔ tɛɛtaʔaga.›

Levii ye sáriga-wòlori 20:10

Nǎnwee wi ga kanɔnʔɔrɔ kpéʔele ní cèpɔriɔ ní lè, wi ga kanɔnʔɔri kpéʔele ní wi syɛɛnnyɛnw cɔ́ɔ ní, pe a kanɔnʔɔbyenǎnw, ní kanɔnʔɔbyecew pínɛ kpóo.

Levii ye sáriga-wòlori 6:2

«Syɛ́ɛnri naa joo mi gbàn Aarɔn ní wi jáabèle ma mí jo: ‹Sáriga-sórigow làlwa wi nyɛ wee naa: Sáriga-sórigow a kòro kàjeri na sáriga-wòlo-yafaangi na bi syɔ́ɔn, fwɔɔ bi ba nan nyǐngi nyɔ́ɔ na, sáriga-wòlo-yafaangi náa si kòro bàā nyín.

Córolo 32:23

Yele si ga pye ye ga gi pye nya í, ye wéle, kapeele yele a pye Yawe na, ye si gi cán yele kapeeli a pye yele kurugo.

Luki 12:48

Kàjáa wee wi ga pye lè wi ga wi kàfɔw nyɛ́nɛ kèlē cán í, níì keelaa kpéʔele n yɛlɛ ní kpumɔnrɔ ní, pe a wee bee kpúmɔn cɛɛri. Pe ga saʔa kaan syɔ́ɔnwee ma lè, pe a ba ra saʔa caa wee bee ma, pe ga wɔ́ɔ̀ saʔa kàlifáa syɔ́ɔnwee ma lè, pe a tɔ̀nɔ́ ba saʔa yíbe wee bee ma.

1 Korɛnti ye 4:2

Ki si n yɛlɛ kacɔɔnriɔ í pye tágala syɔ́ɔn.

Tiiti 2:10

koro ga jáa bàā yúu be ma í, fwɔɔ be peyɛɛ dɛ̀ɛn tágala syɛɛnnɛ kányɛʔɛ ni, koro ga pye pe kapyegèle myɛ í da kpɔʔɔrɔ taari wolo Syɔɔfɔw Kolocɔlɔɔ tamani na.

Heburubèle 13:4

Ki n yɛlɛ cèpɔrigi kéele í kpɔ́ʔɔ yele myɛ ma, ki yasinɛgi si pye fɔɔnrɔ fun. Níì cán Kolocɔlɔɔ a ba kútiiw kúun kanɔnʔɔbyebèle, ní ceyuubèle, ní nànyuubèle na.

1 Zyan 3:9

Syɔ́ɔnwee faala wi nyɛ lè Kolocɔlɔɔ pyà, wee bee a ní kòro bàā kapeegèle kpéʔele í, níì cán sìíw sée wi yiri Kolocɔlɔɔ ni lè, wee bee i nyɛ syɔ́ɔnw bee ni, wi a gbǎn kòro bàā kapeegèle kpéʔele í, àmɛɛ wi nyɛ lè Kolocɔlɔɔ pyà.

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

Tɛ̀ɛnnɛ 22:15

Bele si be kòro lè kàfugi na, poro be nyɛ pɔ́nbèle, ní dɛ̀ɛ́bèle, ní kanɔnʔɔbyebèle, ní syɛɛnkpoobèle, ní yasunzunbèle ní, n fàra bele myɛ na jànvaaw dɛ́nɛ lè, a be i finɛ.