Sélimɛ 39:8 - Cebaara Bible 2010

⁸ A wi cée níì gi joo wi kàfɔw cɔ́ɔ ma níì wi pye: «Wéle, yáriree di naa lè kpáagi ni, mii kàfɔw o waari di tàa faala ni ní mii ní í, wi n ti myɛ kàlifáa mii ma.

Sélimɛ 39:8 Iomraidhean Croise

Sélimɛ 39:23

Yáriri myɛ kàsokpaagi kàfɔlɔ da yaʔa Zyozɛfu kɔ́lɔ na lè, wi da ní ni gi kàa faala saanri ni wéle í. Níì cán Yawe maa pye ní Zyozɛfu ní ni wi kakpéʔelegèle myɛ nyɔɔgi.

Sélimɛ 39:4

A Zyozɛfu kéeli kpɔ́ʔɔ wi kàfɔw ma, woro wee má wi báara lè. A wi wi télege woro kpáagi kèlē nyúngo na, níì woro kɔ́lɔ yáriri myɛ kàlifáa wi ma.

Kàseegèle 1:10

Ni pyà, kapeebyebèle ga ni caa bi mɔ kárima, mɔ a kɔ́ fɔ̀lɔ í.

Kàseegèle 18:24

Syɔɔn a gbǎn wɔʔɔgɔ taa wi taannyɛnnɛ báriga ni. Kàjáa tàannyɛnwaa i nyɛ wi a pwɔɔ mɔ na bi sɔ̀lɔ mɔ senyɛnnɛ na.

Kàseegèle 2:10

Níì cán sícilimi a ba jée mɔ fúngi ni. Cánni a pye mɔ fúngi kanidaanna.

Kàseegèle 22:14

Nànjaacebèle nyɔ́ɔyɔ i nyɛ weecurugo. Yawe fúngi ga tanʔa syɔ́ɔnwee kurugo lè, woro a too gi ni.

Kàseegèle 6:29

Syɔ́ɔnwee wi syée wi syɛɛnnyɛnnɛ cɔ́ɔ kurugo lè, kánmi bee na syɔ́ɔnw bee nyɛ. Syɔ́ɔnwee wi ga tánga wi na lè, syɔ́ɔnw bee a gbǎn córo kolomɔ fun syɔ́ɔn í.

Kàseegèle 7:5

Koro ga pye ti mɔ syɔɔ nànjaacew ma, ní nibɔnjew ma wi syɛɛntaanri nyuu lè.