Sélimɛ 39:4 - Cebaara Bible 2010

⁴ A Zyozɛfu kéeli kpɔ́ʔɔ wi kàfɔw ma, woro wee má wi báara lè. A wi wi télege woro kpáagi kèlē nyúngo na, níì woro kɔ́lɔ yáriri myɛ kàlifáa wi ma.

Sélimɛ 39:4 Iomraidhean Croise

Sélimɛ 15:2

A Abirami jo: «Kàfɔw Yawe, nyàʔá si mɔ a zǐn kaan mii ma? Mii wi syée wee pyà fun ni. Wee wi a mii kpáagi kɔ́rigɔ lìi lè, woro wi nyɛ Eliyezɛɛri wi lè Damasi ye wów.»

Sélimɛ 18:3

Níì jo: «Ni kàfɔlɔ, mii i mɔ nyɛ́ɛri ki n yɛlɛ mi nyɔɔ mii na, mɔ a kɔ́ sɔ̀lɔ mɔ púlow na bi fala í.

Sélimɛ 19:19

Mii i mɔ nyɛ́ɛri mii wi lè mɔ púlow, mii n kpɔʔɔrɔ taa mɔ ma, mɔ n tɔ̀nɔ n nyɔɔ mii na, níì mii yaʔa sìi na. Mii si a gbǎn fàn bi syɔɔ bi sa nan nyanbelegi na í, kapeegi í kòro mii sìndaa ni kólogi na bi mii kpóo í.

Sélimɛ 24:2

Cangaa a Abirahami kɔ́ɔ̀ gi joo wi falipyenǎnwee ma wi lɛɛ n sɔ̀lɔ wi kpáagi falipyebèlē na lè, woro wee wi da pye lè Abirahami kɔ́lɔ yáriri myɛ nyúngo na, níì wi pye: «Ki n yɛlɛ mi mɔ kɔ́gi le mii céekpɔɔli láara ni,

Sélimɛ 32:5

Níì syɛ́ɛnri naa joo n gbàn be ma níì jo: «Ye sa gi joo kánmi naa na mii kàfɔw Ezau ma, yé wi pye: ‹Mɔ falipyew Zyakɔbi n jo: Mii n sáà tɛ́ɛn ní Laban ní n mɔn yaà fwɔɔ n baa nan níjanʔa na.

Sélimɛ 33:10

A Zyakɔbi jo: «Eʔe, mii i mɔ nyɛ́ɛri, kapye mɔ n fɔ̀lɔ mii na, ki n yɛlɛ mi mii kpɔ́ʔɔri syɔɔ, níì cán àmɛɛ mii ní mɔ baa woyɛɛ nyaa lè, ki n pye mii ma àmɛɛ syɔɔn Kolocɔlɔɔ yɛ́ɛgi nyaa lè, á mɔ mii fàra ní fundaanra ní.

Sélimɛ 33:8

A Ezau jo: «Kabiyi bee myɛ ní mii fàra lè, nyàʔá mɔ caa bi kpéʔele ní yoro ní?» A Zyakɔbi jo: «Dee bee i nyɛ jàngó mɔ í fɔ̀lɔ mii na, ni kàfɔlɔ.»

Sélimɛ 39:8

A wi cée níì gi joo wi kàfɔw cɔ́ɔ ma níì wi pye: «Wéle, yáriree di naa lè kpáagi ni, mii kàfɔw o waari di tàa faala ni ní mii ní í, wi n ti myɛ kàlifáa mii ma.

1 Fànʔafɔbèle 16:9

Wi falipyew Zimirii wi pye lè wòtorobèle tíla kùndigi, a woro nyɔɔ kúun wi na. Ela maa pye Tiirisa ni, ni gbo Arisa kpáagi ni n pye àmɛɛ singbaadiɔn nyɛ lè, Arisa wi pye lè fànʔafɔw kpaʔa falipyebèlē nyúngo na Tiirisa ni,

Ɛsitɛri 2:9

A pìcaaw kéele tɔ̀nɔ n wi dɛ́nɛ, a wi i funjànga kpéʔele ní wi ní. Céri nìjanra sìnmɛ, ní lìíli lɛɛlɛ li yɛlɛ bi kaan wi ma lè a wi toro kaan wi ma kelekele, n fàra fànʔafɔ-gbaagi falipye-pìcaala kɔrɔsiin na pe da yɛlɛ bi kaan wi ma lè, níì wi lége ní wi falipye-picaabèle ní cébèle kpaʔa tɛɛcàndelege ni.

Kàseegèle 14:35

Falipyewee wi kérigèle sámagi ni cɔɔnri lè, fànʔafɔw i fɔ̀lɔ́ wee bee na, wee si wi fɛ̀ɛ́ri kèlē kpéʔele lè, wi fúngi a ra taanri wee bee kurugo.

Kàseegèle 16:7

Syɔɔn tánʔaganmi ga Yawe dɛ́nɛ, àlí wi n wi nigoobèle yaʔa pe n pye bɛ̀ɛlɛ na ní wi ní.

Kàseegèle 17:2

Falipyewee wi cìlige lè wi i jaafɔw kàragí, wee wi fɛ̀ɛ́ri kèlē kpéʔele lè, si lɛɛlɛ taa kɔ́rigi ni senyɛnbèle nínge ni.

Kàseegèle 22:29

Mɔ ga nànwaa nyaa wee wi cìlige wi fáliw pyele ni lè wi a yére fànʔafɔɔlɔ yɛ́ʔɛ ma. Wi a yére yébilimɛ syɛ̀ɛnnɛ yɛ́ʔɛ ma í.

Kàseegèle 27:18

Wee wi děsyaantiige kɔ̀rɔsíi lè, wi a ra líi gi yasanri na, wee wi wi kàfɔlɔ kpáa wéle lè, pe a wi kpɔ́ʔɔ.

Kàseegèle 3:4

Kánmi bee na mɔ a kpɔʔɔrɔ, ní kacànna taa Kolocɔlɔɔ ní syɛ́ɛnbèle ma.

Kapyegèle 20:28

Yaa yeyɛɛ kɔ̀rɔsíi, ye wɔ́ɔ yaa bǎbèle myɛ kɔ̀rɔsíi, bele yɛ́ʔɛ na Pìicǎnni yele kínige lè, jàngó yele í pye Kolocɔlɔɔ Egiliziw nàʔafɔɔlɔ, wee wi syɔɔ lè wi tiimaa sìsyaanw báriga ni.

Wuruti 2:6

Falipyew wi pye lè yaliilaabèle kɔ̀rɔsiifɔlɔ, a woro wi yari: «Mowabi ye cepìíw wi yìri Mowabi tári ma n pan ní Nowemii ní lè woro wii.

1 Samyɛli 16:22

A Sawuli tun pe sa Izayi pye: «Mii i mɔ nyɛ́ɛri mɔ í Davidi yaʔa mii ma, níì cán wi kéeli n mii dɛ́nɛ.»

1 Samyɛli 2:26

Pìíw Samyɛli si maa ni leegi ni syée, a wi kéeli i Yawe dàán, n wɔ́ɔ ni syɛ́ɛnbèle dàán.