Sélimɛ 39:3 - Cebaara Bible 2010

³ A wi kàfɔw gi nyaa Yawe i nyɛ ní wi ní. Keele o keele wi kpéʔele lè, a Yawe i ke myɛ nyɔɔgi wi kɔ́gi ni.

Sélimɛ 39:3 Iomraidhean Croise

Sélimɛ 21:20

A Kolocɔlɔɔ pye ní nànbili ní, a li baa yìri n lɛɛ níì tɛ́ɛn fìími tára ni. A wi baa pye sedeŋɔɔ-sànbali.

Sélimɛ 21:22

Lǎli bee ni Abimelɛki pan Abirahami ma, woro ní Pikɔli ní wi lè wi kapɛɛnkpumɔnbèle kàfɔlɔ. A wi baa Abirahami pye: «Kolocɔlɔɔ tɔ̀nɔ́ i nyɛ ní mɔ ní kérigèle myɛ ni mɔ kpéʔele lè.

Sélimɛ 21:23

Koro na tɔ́ɔliw ni ki n yɛlɛ mi kàli mii ma nɛɛ naa Kolocɔlɔɔ mɛ́ɛgi na bi gi tɛ̀ɛn mii na mɔ a tée mii jànváa í. Mɔ a wɔ́ɔ mii pìíbèle ní mii pìíbèle pìibēle jànváa í. Kàjáa kánmee na mii kacànna pye mɔ na lè, ki n yɛlɛ mɔ í wɔ́ɔ kacànna pye mii na, si wɔ́ɔ kacànna pye tári naa na, dee ni mɔ tɛ́ɛn lè.»

Sélimɛ 26:24

A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Sélimɛ 26:28

A be Izaaki yari: «Wolo n gi kɔ̀rɔsíi n gi nyaa Yawe i nyɛ ní mɔ ní. A wolo si jo ki n yɛlɛ wolo ní mɔ wo pínɛ wo bɛ̀ɛlɛ joogaanna kpéʔele ní woyɛɛ ní, ní kàliga ní.

Sélimɛ 30:27

A Laban jo: «Mii i caa mɔ í nyɔɔ mii na si lóʔo mii ma. Mii kolocɔlɔbèle n gi tɛ̀ɛn mii na ncan Yawe n tɔ̀nɔ n dùbaw taʔa mii kɔ́lɔ yáriri na mɔ kéeli na.

Sélimɛ 30:30

Yáriri di pye mɔ ma sáni mii í pan lè, ti da nɛʔɛ í. Toro si ti baa nɛʔɛ dee. Nlaa mii baa nyɔ̌nnɔ cáan mɔ tɛ́ɛgi ni lè, a Yawe tɔ̀nɔ n dùbaw taʔa mɔ na. Tɔ́ɔliw ni doò, làlìí ni mii a kɔ́ mii tiimaa kpáagi fáli kpéʔele?»

Sélimɛ 39:2

Yawe maa pye ní Zyozɛfu ní, a wi kérigèle myɛ i nyɔɔgi. A wi pye wi kàfɔw kpaʔa ni, wi lè Ezyipiti ye nǎnw.

Sélimɛ 39:21

A Yawe pye ní Zyozɛfu ní, níì kacànga kpéʔele wi na n gi yaʔa a wi kéeli kpɔ́ʔɔ kàsokpaagi kàfɔlɔ ma.

Sélimɛ 39:23

Yáriri myɛ kàsokpaagi kàfɔlɔ da yaʔa Zyozɛfu kɔ́lɔ na lè, wi da ní ni gi kàa faala saanri ni wéle í. Níì cán Yawe maa pye ní Zyozɛfu ní ni wi kakpéʔelegèle myɛ nyɔɔgi.

2 Fànʔafɔbèle 18:7

A Yawe pye ní wi ní, kérigèle myɛ wi kpéʔele lè a ke i nyɔɔgi. A wi Asirii fànʔafɔw cée. Wi ga níì fɔ̀lɔ n wiyɛɛ gaan wi ma í.

1 Cányi kèlē 22:13

Gee ki a mɔ kapyegèle yaʔa kaa nyɔɔgi lè, koro gi nyɛ làlwaw kèlē ní kajoodɛɛngèle Yawe joo Mowizi ma lè Isirayɛli ye kéeli na, mɔ í gele bee sámaga cò sáā ge kpéʔele. Ki n yɛlɛ mi lòmaana le mí wɔ́ɔ nìrimɛ le. Mɔ a kɔ ra fɛ̀ɛgí í. Fyáara a kɔ́ mɔ cò í.

1 Cányi kèlē 9:20

Fineyasi si wi lè Eleyazari jáaw, woro wi da pye be nyúngi na booma ni. Yawe si maa pye ní wi ní.

2 Cányi kèlē 1:1

A Davidi jáaw Salomɔn fǎngi tɔ̀nɔ n báriga. Yawe wi Kolocɔlɔw maa pye ní wi ní, níì wi yìrige njoʔo ma gbanʔama.

2 Cányi kèlē 26:5

Wi maa wiyɛɛ yaʔa Kolocɔlɔɔ caali na Zakarii wéemi làla ni, woro wee má Kolocɔlɔɔ yanyaari kɔ́rɔ cánna da pye lè. N wi yaʔa Yawe caali na, a Kolocɔlɔɔ wi kapyegèle yaʔa ke i nyɔɔgi.

Nehemii 2:20

A mii syɛɛnlurugori naa kaan be ma, níì jo: «Nyɛ̀ʔɛni Kolocɔlɔɔ wi a wolo yaʔa wo fànʔa taa. Wolo wo nyɛ lè wi falipyebèle, wolo a yìri bàā faanri. Yele si na, lɛɛlɛ, ní tànʔa, ní sɔ̀ngudaara kéele o nyɛ yele ma Zyerusalɛmi ni í.»

Ŋúnuyi 1:3

Wi i nyɛ àmɛɛ tiige nyɛ, gee be cɔ́rɔ lókologo nyɔ́ɔ na lè, ki i sangi ki làrizanni ni, ki wári si wɔ́ɔ o fánagi í, keele o keele wi kpéʔele lè, li i nyɔɔgi.

Zakarii 8:23

Yawe wi lè Nyɛ̀ʔɛni Sùlasiibéle Kafɔlɔɔ, wi n jo: «Cányi bee ni, nànbēle kɛɛ a yiri tári syɛɛnfeleye syɛɛnfelere myɛ joofɔɔlɔ ni bi pan ba Zyefunàɔn nibin cò wi buronyɔɔw na, si jo: ‹Wolo a kári ní yele ní, níì cán wolo n gi lóʔo Kolocɔlɔɔ i nyɛ ní yele ní.› »

Matye 5:16

Kánmi bee na gi yɛlɛ yele í yele gbɛ̀ɛ́nmi yaʔa paa nyín paa yirigi syɛ́ɛnbèle ma, jàngó paa yele kapyejǎngèle nyaagi, sáā yele Tóow kpɔ̀ʔɔrɔ́, wi lè nyɛ̀ʔɛni na.

1 Korɛnti ye 16:2

Koro gi nyɛ cégboolo o cégboolo cânzeligi na, yele myɛ nibin nibin n yɛlɛ bi wáliwaa tɛ́ʔɛ tɛ́ʔɛ yele kpáayi ni bi yɛlɛ ní yele taaganmi ní, koro ga pye yele a kɔ́ yére lǎli ni mii ga nan yaà lè si náa wáliw bee kpóʔoro í.

Làlwaw Kaanziin 2:7

Níì cán Yawe mɔ Kolocɔlɔw n dùbaw taʔa mɔ na mɔ kɔ́yi fáli myɛ ni. Wi n mɔ kpáaw wéle mɔ tánʔani làla ni fìimɛ tákpɔɔri naa ni. Ki yɛ̀ʔɛlɛ togoye siin wi wee Yawe mɔ Kolocɔlɔw i nyɛ ní mɔ ní, yarigaa faala ga mɔ fɔ̀n í.

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»

Tɛ̀ɛnnɛ 3:9

Wéle, bele be nyɛ lè Sutanaw sérikpaʔa woolo ní si i finɛ, ní i peyɛɛ yiri Zyefubéle, bi gi taa pe o nyɛ Zyefubéle í, mii a be kɔ́ri koro ga pye pe ba kpùmɔnɔ mɔ taana bàā mɔ kpɔ̀ʔɔrɔ́, jàngó pe gi cán bi cán mii n tàmaga le ní mɔ ní.

1 Samyɛli 18:14

Davidi kapyegèle myɛ maa ni nyɔɔgi, Yawe si i nyɛ ní wi ní.

1 Samyɛli 18:28

A Sawuli gi nyaa ní wɔ́ɔ̀ gi cán ncan Yawe n pye ní Davidi ní. Davidi kéeli si maa Sawuli jáaw Mikali dɛ́nɛ.

1 Samyɛli 3:19

Samyɛli maa ni leegi, a Yawe pye ní wi ní, wi si da ni wi syɛɛnraa faala yaari ti i tuun tári na í.