Sélimɛ 39:2 - Cebaara Bible 2010

² Yawe maa pye ní Zyozɛfu ní, a wi kérigèle myɛ i nyɔɔgi. A wi pye wi kàfɔw kpaʔa ni, wi lè Ezyipiti ye nǎnw.

Sélimɛ 39:2 Iomraidhean Croise

Sélimɛ 21:20

A Kolocɔlɔɔ pye ní nànbili ní, a li baa yìri n lɛɛ níì tɛ́ɛn fìími tára ni. A wi baa pye sedeŋɔɔ-sànbali.

Sélimɛ 21:22

Lǎli bee ni Abimelɛki pan Abirahami ma, woro ní Pikɔli ní wi lè wi kapɛɛnkpumɔnbèle kàfɔlɔ. A wi baa Abirahami pye: «Kolocɔlɔɔ tɔ̀nɔ́ i nyɛ ní mɔ ní kérigèle myɛ ni mɔ kpéʔele lè.

Sélimɛ 26:24

A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Sélimɛ 26:28

A be Izaaki yari: «Wolo n gi kɔ̀rɔsíi n gi nyaa Yawe i nyɛ ní mɔ ní. A wolo si jo ki n yɛlɛ wolo ní mɔ wo pínɛ wo bɛ̀ɛlɛ joogaanna kpéʔele ní woyɛɛ ní, ní kàliga ní.

Sélimɛ 28:15

Wéle, mii i nyɛ ní mɔ ní. Tɛʔɛ o tɛʔɛ ni mɔ ga kári lè, mii a ra mɔ kɔ̀rɔsíi bi ní mɔ lúrugo pan tári naa ma. Níì cán mii a tée mɔ yaʔa í, fwɔɔ bi taa gee mii joo mɔ ma lè, mii í gi foro.»

Sélimɛ 39:23

Yáriri myɛ kàsokpaagi kàfɔlɔ da yaʔa Zyozɛfu kɔ́lɔ na lè, wi da ní ni gi kàa faala saanri ni wéle í. Níì cán Yawe maa pye ní Zyozɛfu ní ni wi kakpéʔelegèle myɛ nyɔɔgi.

Sélimɛ 39:3

A wi kàfɔw gi nyaa Yawe i nyɛ ní wi ní. Keele o keele wi kpéʔele lè, a Yawe i ke myɛ nyɔɔgi wi kɔ́gi ni.

2 Fànʔafɔbèle 18:7

A Yawe pye ní wi ní, kérigèle myɛ wi kpéʔele lè a ke i nyɔɔgi. A wi Asirii fànʔafɔw cée. Wi ga níì fɔ̀lɔ n wiyɛɛ gaan wi ma í.

1 Cányi kèlē 9:20

Fineyasi si wi lè Eleyazari jáaw, woro wi da pye be nyúngi na booma ni. Yawe si maa pye ní wi ní.

2 Cányi kèlē 1:1

A Davidi jáaw Salomɔn fǎngi tɔ̀nɔ n báriga. Yawe wi Kolocɔlɔw maa pye ní wi ní, níì wi yìrige njoʔo ma gbanʔama.

Ŋúnuyi 1:3

Wi i nyɛ àmɛɛ tiige nyɛ, gee be cɔ́rɔ lókologo nyɔ́ɔ na lè, ki i sangi ki làrizanni ni, ki wári si wɔ́ɔ o fánagi í, keele o keele wi kpéʔele lè, li i nyɔɔgi.

Ŋúnuyi 46:11

Wi n jo: «Ye yére, ye gi cán mii wi nyɛ Kolocɔlɔɔ, mii wi nyɛ syɛɛnfeleyi nyúngo na, mii wi nyɛ tári nyúngo na.»

Ŋúnuyi 46:7

Syɛɛnfeleyi i kaana, fǎnyi i cúngu, wi n wi yákpoli wáa, a tári nyan.

Ŋúnuyi 91:15

Wi a mii mɛ́ɛgi yeri, mii a lóʔo wi ma. Mii a pye ní wi ní wɔʔɔgi làla ni, mii a wi syɔɔ si wi kpɔ́ʔɔ.

Ezayi 41:10

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.

Ezayi 43:2

Mɔ ga ni lǒyi jeligi lǎli ni lè, mii a pye ní mɔ ní, ní cábiyi, yi a tée mɔ wáa í. Mɔ ga ni táanri náagi ni, mɔ a miyɛɛ sórigo gi ni í, naanyǐngi a mɔ sórigo í.

Zyeremii 15:20

Mii a mɔ kpéʔele kanyɛɛnrɛ kàkɔlɔgɔ syɛ́ɛnbèle naa ma, gee gi nìri lè. Pe a ra kapɛɛnni kpúmɔn ní mɔ ní, kàjáa pe a fànʔa taa mɔ na í. Níì cán mii i nyɛ ní mɔ ní bàā mɔ syoo, bàā mɔ yirigi be kɔ́yi ni,» Yawe wi jo nya.

Matye 1:23

«Wéle, nàngeele sinján pìcaaw a ba fícɛnnɛ taa bi pyà see nàɔn, pe si a ra wi mɛ́ɛgi yiri Emanuwɛli. Ki kɔ́rɔw wi nyɛ, Kolocɔlɔɔ i nyɛ ní wolo ní.»

Kapyegèle 8:31

A nǎnw wi pye: «Mɛ̀ɛ́ mii a gbǎn di cán bi sɛ́ɛ, kapye wàa ga di kɔ́rɔw tɛ̀ɛn mii na í?» Níì Filipi pye wi woro pɔʔɔ wí lúgu wi tɛ́ɛn woro taana.

1 Timɔte 6:1

Bele myɛ be nyɛ lè púlobèle, ki n yɛlɛ paa be tiimaa kàfɔbèle córo bi cán pe n yɛlɛ ní kpɔ́ʔɔri myɛ ní, koro ga pye Kolocɔlɔɔ mɛ́ɛgi ní wi tamani a kɔ́ ba kálagi í.

Zyozuwe 1:5

Mɔ siiw canya myɛ ni syɔɔn faala a gbǎn fànʔa taa bi yére mɔ sige í. Mii i nyɛ ní mɔ ní àmɛɛ mii da pye ní Mowizi ní lè. Mii a tée mɔ yaʔa í, mii a tée mɔ cáan yaʔa í.

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»

Zyozuwe 6:27

Yawe maa pye ní Zyozuwe ní, woro wee mɛ́ʔɛ ki da yiri lè tári myɛ ni.

1 Samyɛli 16:18

A falipye-nìgɔcariwaa syɛ́ɛnri láa n gi joo níì jo: «Izayi wi lè Bɛtilehɛmi ye wów, mii n wi jaawaa nyaa, wee wi gbàn kɔ̀ríw na lè gbanʔama ní wɔ́ɔ i nyɛ nànniri-sànbaliɔ, ní kapɛɛnkpumɔɔn. Wi n joomi cán, ní i nyɛ nìjàɔn, Yawe si i nyɛ ní wi ní.»

1 Samyɛli 18:14

Davidi kapyegèle myɛ maa ni nyɔɔgi, Yawe si i nyɛ ní wi ní.

1 Samyɛli 18:28

A Sawuli gi nyaa ní wɔ́ɔ̀ gi cán ncan Yawe n pye ní Davidi ní. Davidi kéeli si maa Sawuli jáaw Mikali dɛ́nɛ.

1 Samyɛli 3:19

Samyɛli maa ni leegi, a Yawe pye ní wi ní, wi si da ni wi syɛɛnraa faala yaari ti i tuun tári na í.