Sélimɛ 39:14 - Cebaara Bible 2010

¹⁴ a wi fala n wi kpáagi falipyebèlē yeri ní baa be pye: «Ye wéle, wi n pan ní Heburuwaa ní wi ba wolo kpéʔele yakɔnʔɔgéle. Wi n baa too mii na bi sínɛ ní mii ní, a mii si yákpoli wáa gbanʔama.

Sélimɛ 39:14 Iomraidhean Croise

Sélimɛ 10:21

Zyafɛti yɛʔɛfɔw Sɛmi maa wɔ́ɔ̀ nànbiigéle see. Woro wi nyɛ Hebɛɛri yòdaʔayi myɛ tóolɛʔɛ.

Sélimɛ 14:13

A nànwaa fàn n syɔɔ n kári n sáà kéeli bee joo Abirami ma wi lè Heburuw. Abirami si maa pye wodɛ́ɛɔn ní Mamire syɛni tíiri nínge ni. Mamire wi da pye lè Amɔri ye wów, ní i nyɛ Ɛsyikɔli ní Anɛɛri senyɛnnɛ. Pe myɛ taanriw maa bɛ̀ɛ nibin na ní Abirami ní.

Sélimɛ 39:13

Lǎli ni wi gi nyaa lè a wi wi búrogi wòlo n yaʔa woro ma kɔ́gi ni níì fàn n yiri kàfugi na lè,

Sélimɛ 39:15

Lǎli ni wi gi nyaa a mii i yákpoli wáa ǹjogi ni lè ní i fúlo, a wi wi búrogi yaʔa yaà mii taana kpáagi ni níì fàn n yiri kàfugi na.»

Sélimɛ 39:17

A wi baa syɛ́ɛnri naa wonijanra joo wi nǎnw ma níì wi pye: «Heburupulow bee ní mɔ pan lè, wi n baa jée mii kurugo bi mii kpéʔele yakɔnʔɔnɔ.

Sélimɛ 39:7

Kérigèle bee kàdoʔo ma, a wi kàfɔw cɔ́ɔ i wi wéle, ní kɔ́ɔ̀ wi pye: «Sínɛ ní mii ní.»

Sélimɛ 40:15

Níì cán fànʔa na pe mii cò n yirige Heburubèle tára ni, àlí mii ga caa wɔ́ɔ̀ kàso kalele kpéʔele nɛɛ naa í.»

Ŋúnuyi 120:3

Nyàʔá ki a kaan mɔ ma? Nyàʔá mɔ a taa gi ni jànvaa nyínni?

Ŋúnuyi 35:11

Jànvaa-séerafɔbèle i yìrigí, kérigèle ge lè mii ga ge cán í, pe i mii yíbe gele bee na.

Ŋúnuyi 55:3

Líiyi cáan mii ma, mí mii nyɛ́ɛrigi lóʔo! Mii i curugu ni máari ní i ŋɔngi ni fɔ̀ngí, mii i cɛ̀lɛ́,

Kàseegèle 10:18

Wee wi paragi làragí lè, wi nyɔɔwari i jànvaaw jáari, ní wee wi mɛ́ɛkalagiri kpéʔele ni máari lè nilabalaɔ wii.

Ezayi 51:7

Ye lóʔo mii ma, yele bele ye sínni cán lè, syɛ́ɛnbèle, yele bele fúnyo ni mii làlwaw nyɛ lè! Yele a kɔ́ ra fɛ̀ɛgí syɛ́ɛnbèle faʔara na í, yele a kɔ́ ra cɛ̀lɛ́ be tɛʔɛlɛyi na í.

Ezayi 54:17

Kapɛɛnkpumɔn-yáriri myɛ di sámagi mɔ kánmi na lè, ki kàa a yafyɛn nyɔɔ í, ní nyinnɛ o nyinnɛ li yìri kútii na ní mɔ ní lè, mɔ a joo bi li péemi jáa. Koro ki a pye Yawe falipyebèle kɔ́rigɔ, loro li nyɛ sínni, lee li yìrigí mii ma ni maa be ma lè,» Yawe wi jo nya.

Ezekyɛli 22:5

Tɔ́ɔnrɔ wóbèle, ní léelige wóbèle a ra peyɛɛ nyɛ́nɛ mɔ na, mɔ wee mɛ́ʔɛ gi nɔ́nʔɔ lè, á mɔ nyìn kanyaʔamiri na.

Matye 26:59

A sáriga-wòlobèle kàfɔɔlɔ ní Sanedirɛnw myɛ i jànvaa séera kéelaa caa bi jo taʔa Zyezu na, koro ga pye poro í wi taa kpóo.

Matye 5:11

Lǎli ni pe ga ni yele teeri lè ní i yele wɔʔɔ, ní i jànvaaw syɛɛnpeere féleye myɛ nyuu ni wáa yele na mii kéeli na lè, lǎli bee ni yele i nyɛ dùba pìibēle.

Luki 23:2

n sa ni Pilati sɔ́ɔn wi na níì jo: «Wolo n nǎnw naa nyaa wi i wolo tári syɛ̀ɛnnɛ fáana ni pùuní, wi i be yéregi níì jo pe a kɔ́ ra nyǔnyi lɔ́rɔ kaangi Sezari ma í, ní wɔ́ɔ̀ jo woro tiimaa wi nyɛ Kirisi, ní i nyɛ fànʔafɔlɔ.»

2 Korɛnti ye 6:8

Pe i wolo kpɔ́ʔɔgi ní wɔ́ɔ i wolo faari, pe i wolo mɛ́ɛpɛɛnyi yiri, ní wɔ́ɔ i wolo mɛ́ɛtaanyi yiri. Pe i wolo córo jànvaafɔɔlɔ, bi gi taa wolo i nyɛ kányɛɛjoobéle.

1 Pyɛri 2:20

Pe ga ni yele kpúmɔn yele kapeebyeri kéele na, á yele gi kpàraco, wìí wi a yele sòolo gee bee na? Kàjáa yele ga ni wɔʔɔ yele kapyejǎngèle kéele na ní i gi kpàracó, gee bee gi nyɔɔ Kolocɔlɔɔ nyɛ́nɛ na.