Sélimɛ 39:12 - Cebaara Bible 2010

¹² Lǎli bee ni a céw wi cò wi búrogi na níì wi pye: «Sínɛ ní mii ní.» A Zyozɛfu wi búrogi wòlo n yaʔa wi ma kɔ́gi ni níì fàn n yiri kàfugi na.

Sélimɛ 39:12 Iomraidhean Croise

Sélimɛ 39:10

Wi maa ni nyuu kéeli bee na canʔa o canʔa ní Zyozɛfu ní. Kàjáa Zyozɛfu ga fɔ̀lɔ n wi syɛ́ɛnri lóʔo níì sínɛ wi taana bi pínɛ ní wi ní í.

Sélimɛ 39:11

Cangaa a Zyozɛfu jée kpáagi ni bi wi fáliw kpéʔele. Kpáagi falipyewaa faala si da pye yaà í.

Sélimɛ 39:13

Lǎli ni wi gi nyaa lè a wi wi búrogi wòlo n yaʔa woro ma kɔ́gi ni níì fàn n yiri kàfugi na lè,

Sélimɛ 39:8

A wi cée níì gi joo wi kàfɔw cɔ́ɔ ma níì wi pye: «Wéle, yáriree di naa lè kpáagi ni, mii kàfɔw o waari di tàa faala ni ní mii ní í, wi n ti myɛ kàlifáa mii ma.

2 Samyɛli 13:11

Amɛɛ wi nùuni wi na ní i yi kaangi wi ma wi káa lè, a wi wi cò níì wi pye: «Ba sínɛ ní mii ní, ni senyɛnnɛ̀.»

Kàseegèle 1:15

Ni pyà, mɔ a kɔ́ kologo pínɛ ní be ní í. Mɔ tɔ́lɔgi yirige be kólogi ni.

Kàseegèle 5:8

Mɔ kólogi yaʔa gi léeli wi na. Mɔ a kɔ́ nùuni wi kpaaweeli na í.

Kàseegèle 6:5

Miyɛɛ zyɔɔ àmɛɛ wogaà syoo tòzoo ma lè, ní àmɛɛ féjɛɛnnɛ syoo parà levɔlɔ ma lè.

Syɛɛnjóow 7:26

Céwee wi lè karinyanga, woro wee fúngo gi lè cɔ̀ɔ, woro wee kɔ́yɔ yi nyɛ lè yapwɔɔrɔ, mii n wi kéeli nyaa a li soro n sɔ̀lɔ kùúw na. Syɔ́ɔnwee kéele li Kolocɔlɔɔ dɛ́nɛ lè, wi i syoo céw bee félege ma, wi si i kapeebyew có.

1 Korɛnti ye 15:33

Yele a kɔ́ tíi wàa í yele fáana pùuni í, nyaarinyɛnbeebèle i funjǎnyi kálagi.

2 Timɔte 2:22

Tɔ́ɔliw ni ki n yɛlɛ maa fé nìgɔpii-kérigèle ki laànitaʔa kele yɛ́ʔɛ na, bele be Kàfɔw mɛ́ʔɛ yiri lè ní funviire ní, maa táanri bele bee tánʔaganma na, sínni, ní tágali, ní tàmagi, ní bɛ̀ɛ́li na.

1 Pyɛri 2:11

Mii syɛɛn-nidaanmabèle, àmɛɛ yele nyɛ lè kùsɛɛbéle ní nibɔɔnnɔ, mii i yele nyɛ́ɛri níì jo yele í da còʔoró céri ki laànitaʔa kele na ge kapɛɛnni kpúmɔn ní syɔɔn pǐli ní lè.

1 Samyɛli 15:27

Amɛɛ Samyɛli kolo n kàri lè bàā syée, a Sawuli wi nyáma n láa burogbɔɔgi búronyɔɔ na, a gi sulu.