Sélimɛ 34:3 - Cebaara Bible 2010

³ A wi tɔ̀nɔ n pwɔɔ Zyakɔbi jáaw Dina na ní wi fúngi myɛ ní. Pìcaaw kéele maa tɔ̀nɔ n wi dɛ́nɛ, a wi syɛɛntaanri jée pìcaaw fúngo ni.

Sélimɛ 34:3 Iomraidhean Croise

Sélimɛ 34:2

Hamɔri wi lè Hɛvi yòdaʔagaa, ní i nyɛ tɛ́nɛmi kàfɔlɔ, a woro jáaw Sisyɛmi sáà wi nyaa, níì wi cò fànʔa na n sínɛ ní wi ní n wi kálagi.

Sélimɛ 34:4

A Sisyɛmi gi joo wi tóow Hamɔri ma níì jo: «Ki n yɛlɛ mi pìcaaw naa nyɛ́ɛri mi kaan mii ma, mii í wi pɔri.»

Sélimɛ 50:21

Koro na tɔ́ɔliw ni ki ga yɛlɛ yaa fɛ̀ɛgí í. Mii a ra yele màkow myɛ nyɔɔgi n fàra yele pìíbèle wóo na.» A wi be kpɛʔɛlɛ n be fúnyi tìrige.

2 Samyɛli 19:7

Bele mɔ kéeli bɛɛn lè, poro kéele li mɔ dɛ́nɛ, bele mɔ kéeli dɛ́nɛ lè, á poro kéeli mɔ bɛɛn. Níì cán mɔ n gi tɛ̀ɛn níjanʔa n jo kùndigibéle ní falipyebèlē kéele o nyɛ mɔ ma yafyɛn í. Mii n gi cán níjanʔa ncan Abisalɔmi ga maa kòro sìi na, á wolo myɛ kùu, koro ki a dée yɛlɛ mɔ ma.

2 Cányi kèlē 30:22

Levii wóbèle bele myɛ má Yawe kérigèle cánwalila pye lè, a Ezekyasi lòmaana le bele bee ni, a be canya kɔrɔsiin pye sériw lìile na, ní i pínɛnyɛnnɛgi sáriga wóo, ní i Yawe kpɔ̀ʔɔrɔ́ wi lè pe toolɛɛbèle Kolocɔlɔɔ.

Ezayi 40:2

Ye Zyerusalɛmi fúngi tìrige, ye yákpogèle wáa ye gi joo wi ma wi kapɛɛnkpumɔnri n kwɔ́ɔ, wi kolomi kùsulugo n syɔɔ, yé jo Yawe kɔ́gi n wi kapeegèle myɛ sàra kaan wi ma ki tɛɛyɛ siin.

Oze sɛ́bɛw 2:14

Mii a wi ɛrɛzɛn tíriri, ní wi děsyaantiiri kálagi, dee kéele na wi da ni gi nyuu lè níì jo: ‹Bele mii kéeli dɛ́nɛ lè, sàraw be kaan mii ma lè, woro wii!› Mii a di kàriga kɔligɔ, sìnbirigi yaweere a di lìi.

Oze sɛ́bɛw 2:16

«Gee bee na wéle, mii a wi lɛ́ɛlɛ bi kɔ́ri kári fìími tára ni, bi sa wi fúngi kàriga ní syɛɛnrɛ ní.

Jàbɔbèle 19:3

A wi nǎnw yìri n kári wi kurugo bi sa joo ní wi ní jàngó wi lúru pan. Wi falipyew si maa pye ní wi ní n fàra jòfanibēle siin na. A céw sáà wi tìrige n lége wi tóow kpaʔa ni. Lǎli ni cepiiw tóo wi nyaa lè, a wi wi fàra ní fundaanra ní.

Wuruti 1:14

A be ní i nyaan ni yákpogèle wáa, á Oripa wi nǎnw nɔ́ɔ syɔɔnri syɔɔnri, níì lúru. Kàjáa Wuruti maa tan wi na.

1 Samyɛli 18:1

Lǎli ni Davidi tɛ́nɛ̀ joo n kwɔ́ɔ ní Sawuli ní lè, a Davidi kéeli fala n kpɔ́ʔɔ Zyonatan ma, a wi kéeli tɔ̀nɔ n Zyonatan dɛ́nɛ àmɛɛ woro tiimaa wiyɛɛ dɛ́nɛ lè.