Sélimɛ 34:2 - Cebaara Bible 2010

² Hamɔri wi lè Hɛvi yòdaʔagaa, ní i nyɛ tɛ́nɛmi kàfɔlɔ, a woro jáaw Sisyɛmi sáà wi nyaa, níì wi cò fànʔa na n sínɛ ní wi ní n wi kálagi.

Sélimɛ 34:2 Iomraidhean Croise

Sélimɛ 10:17

n fàra Hɛvi ye, ní Ariki ye, ní Sinii ye,

Sélimɛ 20:2

Abirahami maa ni gi nyuu wi céw Sara kéeli na níì jo: «Wi i nyɛ mii senyɛnnɛ.» A Gerari fànʔafɔw Abimelɛki fala n tun a be sáà Sara láa n pan.

Sélimɛ 33:19

Tɛ́ɛgee ni wi bùguri kpúmɔn lè, a wi tɛ́ɛgi bee tára syɔɔ Sisyɛmi tóow Hamɔri yòdaʔayi ma, wálifiio támabéle dabata na.

Sélimɛ 34:27

A Zyakɔbi jáabèle sáà kúbèle ní kěgi lɔ́rɔ myɛ fuguri, níì cán pe maa poro cɔnɔw kálagi.

Sélimɛ 34:3

A wi tɔ̀nɔ n pwɔɔ Zyakɔbi jáaw Dina na ní wi fúngi myɛ ní. Pìcaaw kéele maa tɔ̀nɔ n wi dɛ́nɛ, a wi syɛɛntaanri jée pìcaaw fúngo ni.

Sélimɛ 34:30

A Zyakɔbi gi joo wi pìíbèle ma, be lè Simeyɔn ní Levii, níì jo: «Yele n tɔ̀nɔ n funjurugoro wáa mii na, ní wɔ́ɔ̀ gi kaan mii kéeli í tári naa syɛ̀ɛnnɛ bɛɛn, be lè Kanaan ye, ní Perezi ye. Pe a kpóʔoro pan ba kapɛɛnni kpúmɔn ní mii ní bi mii ní mii kpáagi wòolo kálagi, níì cán mii syɛ́ɛnbèle ga nɛʔɛ í.»

Sélimɛ 6:2

lǎli bee ni a Kolocɔlɔɔ pìíbèle i syɛ́ɛnbèle cálipiigéle wéle n gi nyaa ke n tɔ̀nɔ n nyɔɔ. A be si ge kèle nyɛ́nɛ n wòlo n pye be càbala.

2 Samyɛli 11:2

A Davidi si kɔ́ɔ̀ yìri wi yasinɛgi na cangaa cângwɔʔɔ nyɔ́ɔ na ni nyaari ni máari fànʔafɔ-gbaagi ǹjoʔo ni, a wi cewaa wéle n nyaa wi i wíri, wee wi da tɔ̀nɔ n nyɔɔ lè gbanʔama.

2 Samyɛli 11:4

A Davidi tundunbéle tun pe sa wi yeri. A wi pan wi ma a wi baa sínɛ ní wi ní. Koro n gi taa céw maa yégi wéli n kwɔ́ɔ terire, ki ga mɔn í. Koro kàdoʔo ma a wi lúru n kári wi kpaʔa ma.

2 Samyɛli 13:14

Kàjáa wi ga fɔ̀lɔ n lóʔo wi ma í. A wi sínɛ ní wi ní fànʔa na.

Zyɔbi 31:1

«Mii maa nyɔɔ fàli ní mii nyapiigèle ní níì jo, mii a tée mii nyapiigèle le nàngeele-sinján pìcaa ni í.

Zyɔbi 31:9

Kapye cɔlɔɔ kéele n mii fúngi kàriga, kapye mii n làra n sige mii syɛɛnnyɛnnɛ kpaaweele na,

Kàseegèle 13:20

Wee wi táanri ní sícilibèle ní lè, wi n baa pye sícilio, wee si wi kòró ní nilabalayi ní lè, wi n baa pee.

Matye 5:28

Mii si a gi joo yele ma si yele pye, syɔɔn o syɔɔn wi cɔlɔɔ wéle lè wélebeele na, wee bee n wi taa n kwɔ́ɔ wi fúngi ni.

Làlwaw Kaanziin 21:14

Ki si ga baa pye wi kéeli ga níì mɔ dɛ́nɛ í, mɔ a wi yaʔa waa syée wi nyɛnɛ̀ tɛ́ʔɛ ni. Mɔ a gbǎn wi pára wáli na í, wàlá bi wi kàriga puloo í, níì cán mɔ n faʔara wáa wi na.

Làlwaw Kaanziin 22:24

yele a yiri ní pe myɛ siinw ní kěgi kpàánweele ma bi sa be wábagi ní kàdɛnɛri ní bi kpóo. Pe a pìcaaw kpóo, níì cán ki n pye kěgi ni, wi si ga yákpoli wáa í. Pe a nǎnw kpóo àmɛɛ wi wi syɛɛnnyɛnw cɔ́ɔ kálagi lè. Kánmi bee na mɔ a kapeegi kwɔ́ɔ yirige yele níngi ni.

Làlwaw Kaanziin 22:29

nǎnwee wi sínɛ ní wi ní lè, wi a wálifiio támabéle togoye siin ní kpɔrigɔ kaan pìcaaw tóo ma. Amɛɛ wi wi kálagi lè wi a wi láa wi cɔɔ̀. Bi nǎnw yaʔa sìi na, wi a ní gbǎn wi yaʔa í.

Zyozuwe 9:7

A Isirayɛli nǎnbèle si Hɛvi ye yari: «Dɔ̀ʔɔ́ yele tɛɛkòrogi i nyɛ nɛɛ naa wolo taana. Ki ga pye nya, mɛ̀ɛ́ wolo a gbǎn joogaanna kpéʔele ní yele ní bi sɛ́ɛ?»

Jàbɔbèle 14:1

A Samisɔn tìgi n kári Timina ma, ní sáà cewaa nyaa yaà Filisitini ye calipiigèle nínge ni.

Jàbɔbèle 9:28

A Ebɛdi jáaw Gaali i gi nyuu níì jo: «Wìí wi nyɛ Abimelɛki? Ba wìí wi nyɛ Sisyɛmi, wolo si kɔ́ ra báara Abimelɛki ma? Yerubaali jáaw ban ì? Zebuli ban wi nyɛ wi kakarigaw ì? Yaa báara Hamɔri syɛ́ɛnbèle ma, wi lè Sisyɛmi tóow. Kàjáa wolo na, nyàʔá na wolo a ra báara Abimelɛki ma?