Sélimɛ 33:4 - Cebaara Bible 2010

⁴ A Ezau fàn n wi fàra, ní baa wi wáa n mígi yátiigi ni, níì wi syɔɔnri syɔɔnri. A be i nyaan.

Sélimɛ 33:4 Iomraidhean Croise

Sélimɛ 29:11

Koro kàdoʔo ma a Zyakɔbi Arasyɛli syɔɔnri syɔɔnri, níì fala ni nyaan ni yígi.

Sélimɛ 29:13

Lǎli ni Laban tɛ́nɛ̀ wi cɔnɔw pyà Zyakɔbi panni kéele lóʔo lè, a wi fala n fàn n kári n sáà wi fàra, níì wi wáa n mígi níì wi syɔɔnri syɔɔnri níì wi kɔ́ri n kári woro kpaʔa ma. Gee myɛ gi Zyakɔbi taa lè, a wi gi joo n tɛ̀ɛn Laban na.

Sélimɛ 32:11

Kacǎnyee ní funviiw kèlē mɔ kpéʔele mii ma lè, mii wi lè mɔ falipyew, mii da nyɔɔ n yɛlɛ ní li làa wobile ní í. Níì cán kàgbeeli nibin ní mii Zyuridɛnw naa jeli. Tɔ́ɔliw ni mii si n kàri n pye kabiya siin.

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

Sélimɛ 43:30

A Zyozɛfu wi syɛ́ɛnri ceri n yaʔa àmɛɛ wi cɔnɔw Bɛnzyamɛ tàmagi da tɔ̀nɔ n kpɔ́ʔɔ n sɔ̀lɔ wi fúngi ni lè. A nyɛnigi láa wi taa, a wi jée kelekele kpaafungi ni n sáà nyɛni yaà.

Sélimɛ 43:34

Yaliiree ti da pye Zyozɛfu wóri lè, a Zyozɛfu toro tàa wòlo wiyɛɛ taana n kaan wi senyɛnbèle ma. Wi si maa Bɛnzyamɛ wóri yaʔa a di nɛʔɛ n sɔ̀lɔ wi senyɛnbèle myɛ wóro na ki tɛɛyɛ kagunɔ. A be gbaa, á pe myɛ pínɛ n pye fundaanra na.

Sélimɛ 45:2

Wi si maa ni nyaan ni yákpoli wáa. A Ezyipiti ye gi lóʔo, a Faraɔnw kpaʔa wòolo wɔ́ɔ̀ gi lóʔo.

Sélimɛ 46:29

A Zyozɛfu wi wòtorow sámaga n kári wi tóow Isirayɛli tɛɛfaragi ni Gosyɛn ma. Wi tɛ́nɛ̀ wi nyaa lè a wi wi wáa n mígi yátiigi ni, níì kòro wi na n nyɛni n mɔn.

2 Samyɛli 14:33

A Zyowabi kári fànʔafɔw ma n sáà syɛ́ɛnri joo n tɛ̀ɛn wi na. A fànʔafɔw tun a be sáà Abisalɔmi yeri, a wi pan wi ma n baa too n yɛ́ɛgi cíbele tári na wi taana n wi kpɔ́ʔɔ. A fànʔafɔw Abisalɔmi syɔɔnri syɔɔnri.

Nehemii 1:11

Ee! Kàfɔw, koro na ki n yɛlɛ mi mɔ líiyi cáan mí mɔ falipyew nyɛ́ɛrigɛ lóʔo, ní mɔ falipyebèle bele be caa bàā fɛ̀ɛgí mɔ mɛ́ɛgi na lè, poro nyɛ́ɛrigi. Mii i mɔ nyɛ́ɛri, mɔ falipyew yaʔa wi kataanna taa níjanʔa, mí gi yaʔa nǎnw naa í nyɔɔ wi na.» Mii si maa pye lǎli bee ni fànʔafɔw yagbaʔa kaanfɔlɔ.

Zyɔbi 2:12

N be yaʔa léelige, a be nyapiigèle yìrige n le wi ni, pe ga níì wi wéle n cán í. A pe i nyaan ni yákpogèle wáa. A pe be búroyi sulugu ní i támiigi koli ni wáa ǹjogi ni peyɛɛ nyúnyi ni.

Ŋúnuyi 34:4

Ye pínɛ ní mii ní waa Yawe kpɔ́ʔɔri kéele nyuu! Wo pínɛ waa wi mɛ́ɛgi kpɔ́ʔɔgi!

Kàseegèle 16:7

Syɔɔn tánʔaganmi ga Yawe dɛ́nɛ, àlí wi n wi nigoobèle yaʔa pe n pye bɛ̀ɛlɛ na ní wi ní.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Luki 15:20

Níì fala n yìri ni syée wi tóow ma. N wi yaʔa tɛɛ̀leelige ni, a wi tóow wi wéle n nyaa, a wi nyínimi wi taa, a wi fala n fàn n sáà wi wáa n mígi níì wi syɔɔnri syɔɔnri.

Kapyegèle 20:37

A pe myɛ i nyaan gbanʔama, níì Pɔli mígi yátiigi ni, níì wi syɔɔnri syɔɔnri.

1 Samyɛli 20:41

A nìgɔcariw ga kári, a Davidi yìri yaà wòrogulo kàbangi na, níì wiyɛɛ do n cáan n yɛ́ɛgi cíbele tári na, níì kpùmɔnɔ n yɛ́ɛgi cíbele tɔlɔyɔ taanri. A pe baa peyɛɛ zyɔɔnri, níì pínɛ ni nyaan, á Davidi wógi si tóro.