Sélimɛ 32:9 - Cebaara Bible 2010

⁹ Wi maa ni gi nyuu wiyɛɛ fúngi ni níì jo: «Ezau ga pan n baa too kabigaa nibin na, kabisangee nibin a syɔɔ.»

Sélimɛ 32:9 Iomraidhean Croise

Sélimɛ 17:7

Mii a mii joogaanni yaʔa li kòro mii ní mɔ níngi ni, si wɔ́ɔ ba kòro mii ní mɔ yodaʔayi nínge ni mɔ kadoʔo ma. Li a kòro mii ní be làrigèle myɛ syɛ̀ɛnnɛ nínge ni bàā syée yaà làla o làla. Kánmi bee na mii a pye mɔ Kolocɔlɔw, si wɔ́ɔ ba pye mɔ yodaʔayi Kolocɔlɔɔ mɔ kadoʔo ma.

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 28:15

Wéle, mii i nyɛ ní mɔ ní. Tɛʔɛ o tɛʔɛ ni mɔ ga kári lè, mii a ra mɔ kɔ̀rɔsíi bi ní mɔ lúrugo pan tári naa ma. Níì cán mii a tée mɔ yaʔa í, fwɔɔ bi taa gee mii joo mɔ ma lè, mii í gi foro.»

Sélimɛ 31:13

Mii wi nyɛ Kolocɔlɔɔ, wee wi wiyɛɛ dɛ̀ɛn mɔ na lè Betɛli ni. Tɛ́ɛgi ni mɔ sǐnmi wo lè kàdɛnɛgi gàánna na, ní beè mɔ nyɔ́ɔgi fàli mii ma lè, ki n yɛlɛ mi yìri lǎli naa ni mi yiri tári naa ni mi lúru mi kári mɔ táseeri ma.› »

Sélimɛ 31:29

Fànʔa i nyɛ mii ma bi gbǎn kapeʔe kpéʔele yele na. Kàjáa mɔ tóow Kolocɔlɔɔ wi gi joo mii ma cànʔaniw níì jo: ‹Ki n yɛlɛ maa miyɛɛ kɔ̀rɔsíi. Mɔ a kɔ́ yarigaa faala joo Zyakɔbi ma àmɛɛ gi mɔ dɛ́nɛ lè í.›

Sélimɛ 31:3

A Yawe gi joo Zyakɔbi ma níì wi pye: «Lúru maa syée mɔ tóobèle tára ma, mɔ kpaʔa wóbèle ma, mii a pye ní mɔ ní.»

Sélimɛ 31:42

Mii tóolɛɛgi Abirahami Kolocɔlɔw, woro wee na mii tóow Izaaki da ni fɛ̀ɛgí lè, kapye wi da pye ní mii ní í, mɔ mǎà dée mii tórigo ní kɔwaayi ní. Kolocɔlɔɔ si n mii wɔʔɔgi ní mii faligbanw nyaa, koro na wi fúlo mɔ na yébiligi ni mii kéeli na.»

Sélimɛ 31:53

Ki n yɛlɛ Abirahami Kolocɔlɔw, ní Nahɔri Kolocɔlɔw, ní be tóow Kolocɔlɔɔ í pye kútiijoow wo níngi ni.» A Zyakɔbi kàli Kolocɔlɔɔ na, woro wee na wi tóow Izaaki da ni fɛ̀ɛgí lè.

Sélimɛ 32:8

Lǎli bee ni a Zyakɔbi fala n fyáa, a wi fúngi curugo wi na. Syɛ́ɛnbèle be pye ní wi ní lè, a wi be tíla kabiya siin, n fàra yaweeyiligèle, ní yaweekpologèle, ní fàlibaayi na.

Sélimɛ 49:25

Mɔ tóow Kolocɔlɔɔ bárigaw ni, woro wee wi nyɛ lè mɔ dɛɛmɛfɔw, Séew Myɛ Kàfɔlɔ báriga ni, woro wee wi a dùbaw taʔa mɔ na lè dùbawee wi yìrigí lè nyɛ̀ʔɛni ma, ní dùbawee wi yirigi lè weekpɔɔ-cùrugi ni, yíregèle na be ŋɔri lè koro dùbaw, ní nafɔlɔ láagi dùba.

2 Cányi kèlē 20:12

Ee wolo Kolocɔlɔw, mɔ a mɔ kútiiw cáan be na ì ? Níì cán wolo i nyɛ fànʔafun syɛɛnnɛʔɛtelemi bee yɛ́ʔɛ ma bi sɛ̀ʔɛrɛ́ ni maa wolo kánmi na lè. Wolo si ga gi cán gee wolo a kpéʔele lè í. Kàjáa mɔ ni wolo nyapiigèle nyɛ.»

2 Cányi kèlē 20:6

Wi n jo: «Yawe, wolo tóolɛɛbèle Kolocɔlɔɔ, mɔ ban wi nyɛ Kolocɔlɔɔ nyɛ̀ʔɛgèle ni ì? Mɔ ban wi nyɛ syɛɛnfeleyi fànya myɛ nyúngo na ì? Fǎngi ní séew i nyɛ mɔ kɔ́gi ni. Wàa faala a gbǎn yére mɔ sige í.

2 Cányi kèlē 32:20

Ezekyasi wi lè fànʔafɔw, ní kanyaajoow Ezayi, wi lè Amɔsi jáaw, a poro i nyɛ́ɛri kéeli bee na, ní i yákpogèle wáa nyɛ̀ʔɛni kurugo.

Ŋúnuyi 50:15

Ki n yɛlɛ mi mii mɛ́ɛgi yeri wɔʔɔgi canʔa na, mii a mɔ syɔɔ mɔ sáā mii kpɔ̀ʔɔrɔ́.»

Ŋúnuyi 91:15

Wi a mii mɛ́ɛgi yeri, mii a lóʔo wi ma. Mii a pye ní wi ní wɔʔɔgi làla ni, mii a wi syɔɔ si wi kpɔ́ʔɔ.

Yirile 3:6

Ní níì jo: «Mii wi nyɛ mɔ tóow Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.» A Mowizi wi yɛ́ɛgi làriga, níì cán wi maa ni fɛ̀ɛgí bàā Kolocɔlɔɔ wéle.

Zyeremii 32:16

«A mii ga ségi syɔɔlɔ sɛ́bɛ kaan Baruki ma n kwɔ́ɔ, a mii nyɛ́ɛrigi naa nyɛ́ɛri Yawe ma níì jo:

1 Samyɛli 30:6

A gi tɔ̀nɔ n pye Davidi na wɔʔɔgbɔʔɔ, níì cán syɛ́ɛnbèle maa jo poro a wi wábagi ní kàdɛnɛri ní. Pe myɛ nibin nibin maa tɔ̀nɔ n pye funbɛɛnrɛ na pe nànbiigèle ní be calipiigèle kéele na. Kàjáa Davidi maa nìrimɛ le Yawe wi Kolocɔlɔw báriga ni.