Sélimɛ 32:7 - Cebaara Bible 2010

⁷ A tundunbèle lúru n pan Zyakɔbi ma ní baa wi pye: «Wolo n nan yaà mɔ yɛʔɛfɔw Ezau na. Wi si i yaà ni maa bi ba mɔ fàra ní nànbēle saala siin ní.»

Sélimɛ 32:7 Iomraidhean Croise

Sélimɛ 32:11

Kacǎnyee ní funviiw kèlē mɔ kpéʔele mii ma lè, mii wi lè mɔ falipyew, mii da nyɔɔ n yɛlɛ ní li làa wobile ní í. Níì cán kàgbeeli nibin ní mii Zyuridɛnw naa jeli. Tɔ́ɔliw ni mii si n kàri n pye kabiya siin.

Sélimɛ 32:3

Lǎli ni Zyakɔbi be nyaa lè, a wi jo: «Kolocɔlɔɔ tɛɛkòrogi gi nyɛ gee naa.» A wi tɛ́ɛgi bee mɛ́ʔɛ le ni gi yiri Mahanayimi.

Sélimɛ 32:8

Lǎli bee ni a Zyakɔbi fala n fyáa, a wi fúngi curugo wi na. Syɛ́ɛnbèle be pye ní wi ní lè, a wi be tíla kabiya siin, n fàra yaweeyiligèle, ní yaweekpologèle, ní fàlibaayi na.

Sélimɛ 33:1

A Zyakɔbi wi yɛ́ɛgi yìrige n wéle n Ezau nyaa wi i maa ní nǎnbèle saala siin ní. A wi fala n pìíbèle tíla tíla n kaan Leya, ní Arasyɛli, ní falipyecebèle siin ma.

Sélimɛ 35:3

Wolo a yìri bi lúgu kári Betɛli ma. Mii a sa sáriga-wòlo-yafanʔa kpéʔele yaà beè Kolocɔlɔɔ ma, woro wee wi mii nyɛ́ɛrigi lóʔo lè mii wɔʔɔgi làla ni, níì pye ní mii ní tánʔani làla ni, lee mii kpéʔele lè.»

Ŋúnuyi 107:6

N be yaʔa be fɔ̀rɔgi ni, a be yákpogèle wáa Yawe kurugo, a wi be syɔɔ pe wɔʔɔyi ma.

Ŋúnuyi 112:5

Syɔ́ɔnwee wi nyinimɛ taagi lè, ní i fwɔɔlɔ nii, wee bee i nyɛ dùba pyà, woro wee wi wi kérigèle cɔɔnri ní sínnɛ ní lè!

Ŋúnuyi 142:4

Lǎli ni mii pǐli fànʔa kwɔ́ɔ mii ni lè, mɔ tiimaa n mii kólogi cán. Kólogee ni mii táanri lè, pe n karinyanga le gi ni mii na.

Ŋúnuyi 31:13

Pe n fɛ̀ʔɛ mii na fúnyi ni àmɛɛ pe gáà fɛ̀ʔɛ kpóō kéele na lè, mii i nyɛ àmɛɛ kòdojaʔa nyɛ lè.

Ŋúnuyi 61:2

Ee Kolocɔlɔɔ, ki n yɛlɛ mi mii sùpili lóʔo, líiyi cáan mi mii nyɛ́ɛrigi lóʔo!

Yirile 14:10

Faraɔnw maa ni nùuní ni maa. A Isirayɛli ye ga yɛ́ɛyi yìrige n wéle n Ezyipiti ye nyaa pe i maa poro kurugo, a be fyáa gbanʔama ní i yákpogèle wáa Yawe kurugo.

Kàseegèle 2:11

Kérigèle cɛɛlɛlɛ a ra mɔ kɔ̀rɔsíi, kacánni a ra mɔ kpáaw wéle,

Ezayi 28:26

Wi Kolocɔlɔw wi gáà kóloyi bee tɛ̀ɛn wi na, si wɔ́ɔ tamani bee kaan wi ma.

Matye 10:16

«Ye wéle, mii i yele tórogi solomikaari nínge ni àmɛɛ bàala nyɛ lè. Koro na gi yɛlɛ yele í cìlige àmɛɛ wàbiyi nyɛ lè, si pye kajoolo fun àmɛɛ kàtogèle nyɛ lè.

Matye 8:26

A wi be pye: «Nyàʔá na yele fɛ̀ɛgí? Yele tágali n cɛ́rɛ.» A wi náà yìri n yére níì fúlo káfalagi ní lòkpɔɔgi na. A ti myɛ sámaga n yére.

Zyan 16:33

A mii kérigèle naa joo yele ma wii, koro ga pye yele í fûnnyingi taa mii ni. Yele a wɔʔɔli taa dulunyanw ni. Kàjáa ki n yɛlɛ ye soro, níì cán mii n dulunyanw jáa.»

Kapyegèle 14:22

n sa ni pìitamabèle zɔ̀nbēle nìrí, ní i be kɛɛlɛ níì jo be tágali cò kányɛʔɛ ni, ní wɔ́ɔ i gi nyuu be ma níì jo: «Wɔʔɔyɔ féleye saʔa a wo taa, wó náa jée Kolocɔlɔɔ fǎngi ni.»

2 Korɛnti ye 1:4

woro wee wi wolo kɛɛlɛ wolo wɔʔɔyi féleye myɛ ni lè, koro ga pye wolo í gbǎn ra pèle nikwɔɔlɔ kɛɛlɛ pe wɔʔɔyi myɛ ni kɛɛlɛganmee na woro wolo tiimaa kɛɛlɛ lè!

2 Timɔte 3:12

Bele myɛ si be caa lè bàā táanri Kolocɔlɔɔ yɛ́ɛgi fyáara na Kirisi Zyezu kólogi ni, pe a wɔ́ɔ ra be wɔʔɔ.