Sélimɛ 32:4 - Cebaara Bible 2010

⁴ Koro kàdoʔo ma a Zyakɔbi tundunbéle tórigo wiyɛɛ yɛ́ʔɛ ma wi yɛʔɛfɔw Ezau ma, wi pye lè Edɔmi sìnbirigi ni, Seyiiri tári ni.

Sélimɛ 32:4 Iomraidhean Croise

Sélimɛ 23:6

«Ki n yɛlɛ mi lóʔo wolo ma, ni kàfɔlɔ. Ncan mɔ i nyɛ Kolocɔlɔɔ syɛɛnkpɔɔɔ wolo níngi ni. Ki n yɛlɛ mi mɔ céw tɔ́n wolo nyányi tɛɛcànga ni. Wolo wàa faala a tée cée mɔ ma wi nyanga na mɔ céw tɔ́nnɔ na í.»

Sélimɛ 25:30

A wi Zyakɔbi pye: «Jànyɛɛnri bee tàa kaan mii ma mii í lìi, níì cán mii fǎngi n tɔ̀nɔ n kwɔ́ɔ.» Koro na pe wi mɛ́ɛgi le ni wi yiri Edɔmi.

Sélimɛ 27:29

Ki n yɛlɛ syɛɛnfeleyi í ba ra báara mɔ ma. Syɛɛnfeleyi í ba ra kpùmɔnɔ́ mɔ yɛ́ʔɛ ma. Mɔ si pye mɔ senyɛnbèle nyúngo na, ki n yɛlɛ mɔ laayirinyɛnbèle í ba ra kpùmɔnɔ́ mɔ yɛ́ʔɛ ma. Syɔ́ɔnwee wi ga ni mɔ dángi lè, ki n yɛlɛ wee bee í dánga. Wee si wi ga ni dùbaw kpéʔele mɔ ma lè, dùbaw í pye wee bee ma.»

Sélimɛ 27:37

A Izaaki wi yari: «Wéle, mii n wi télege n kwɔ́ɔ mɔ nyúngi na. Mii n wi senyɛnbèle myɛ kaan wi ma paa báara wi ma. Mii n lìíli ní dùvɛɛnfɔnw kaan wi ma. Nyàʔá si mii a ní gbǎn pye mɔ ma, dóō?»

Sélimɛ 31:41

Mii yɛ́ɛgèle toko wi wee mɔ tɛ́ɛgi ni. Mii n yɛ̀ʔɛlɛ kɛɛ ní sicɛrɛ báara mɔ ma mɔ piibèle siin kéele na, níì yɛ̀ʔɛlɛ kɔrɔni báara mɔ ma mɔ yaweegèle na. Kàjáa mɔ n mii sàraw fàli n taa tɔlɔyɔ kɛɛ.

Sélimɛ 32:18

A wi syɛ́ɛnri naa joo n gbàn wee má wi da pye yɛʔɛ̀ ma lè níì wi pye: «Mii yɛʔɛfɔw Ezau ga sáà mɔ fàra níì mɔ yíbe níì jo: ‹Wìí syɔ́ɔn wóo mɔ nyɛ? Sán mɔ syée? Yaweeree na mɔ taʔa lè dee, wìí syɔ́ɔn wóro dii?›

Sélimɛ 32:5

Níì syɛ́ɛnri naa joo n gbàn be ma níì jo: «Ye sa gi joo kánmi naa na mii kàfɔw Ezau ma, yé wi pye: ‹Mɔ falipyew Zyakɔbi n jo: Mii n sáà tɛ́ɛn ní Laban ní n mɔn yaà fwɔɔ n baa nan níjanʔa na.

Sélimɛ 33:14

Ni kàfɔlɔ, ki n yɛlɛ mi kíni maa syée mɔ falipyew yɛ́ʔɛ na wi lè mii, mii a ra táanri da syée yaweeri kurugo yɛrirɛ bi yɛlɛ ní yaweeri, ní pìíbèle tánʔaganma ní bi taa sa nan mɔ na Seyiiri tári na, ni kàfɔlɔ.»

Sélimɛ 33:8

A Ezau jo: «Kabiyi bee myɛ ní mii fàra lè, nyàʔá mɔ caa bi kpéʔele ní yoro ní?» A Zyakɔbi jo: «Dee bee i nyɛ jàngó mɔ í fɔ̀lɔ mii na, ni kàfɔlɔ.»

Sélimɛ 36:8

A Ezau sáà tɛ́ɛn Seyiiri nyanbelegi na Ezau wi nyɛ Edɔmi.

Sélimɛ 36:9

Edɔmi ye tóolɛɛgi gi lè Ezau, woro yòdaʔayi yi nyɛ yee naa, woro wee wi da sáà tɛ́ɛn lè Seyiiri nyanbelegi na.

Sélimɛ 4:7

Mɔ ga ni síngi mɔ a mɔ nyúngi yìrige. Mɔ si ga pye mɔ o síngi í, kapeeli li lee mɔ kpaaweeli na, li i caa bi tɛ́ɛn mɔ nyúngi na, mɔ má si gi nyɛ mɔ í pye li nyúngi na.»

1 Fànʔafɔbèle 20:32

A be gɔ̀nvaʔayi tɛ́ʔɛ n peyɛɛ mígele sárigèle ni níì mɛ́ɛngèle le peyɛɛ yátiiyi ni níì pan Isirayɛli fànʔafɔw ma n baa jo: «Mɔ falipyew Bɛn-Hadadi n jo: ‹Mii yaʔa sìi na.› » A Akabi jo: «A wi sèʔé i yaà lé sìi na? Wi i nyɛ mii senyɛnnɛ̀.»

Yirile 32:22

A Aarɔn wi yari: «Ni kàfɔlɔ, mɔ fúngi ga yɛlɛ bi tanʔa sɔ̀lɔ í. Mɔ tiimaa n syɛ́ɛnbèle naa cán, kapeʔe pyele sɔngurɔ di nyɛ be ni.

Kàseegèle 15:1

Fûnnyingi syɛɛnlurugoro i fundanʔari yéregi, joo-mí-kpàliw si i fundanʔari yìrigí.

Kàseegèle 25:15

Kpàracogi báriga ni syɔɔn a gbǎn kútiijooo fúngo kàriga, nyinjànna si i kaceleye kabagi.

Kàseegèle 6:3

ni pyà, ki n yɛlɛ mi gee naa kpéʔele tɔ́ɔliw ni bi miyɛɛ zyɔɔ, níì cán mɔ n jée mɔ syɛɛnnyɛnnɛ kɔ́yɔ ni. Da syée mi sa tìgi mi too mi mɔ syɛɛnnyɛnw nyɛ́ɛri gbanʔama.

Syɛɛnjóow 10:4

Wee wi nyɛ kùndigiri na lè, wi fúngi ga yìri mɔ kurugo, mɔ a kɔ́ núngo mɔ tɛ́ɛgi ni í. Níì cán pyèrigi i kapeekpoloyo yéregi.

Ezayi 21:11

Joogbanna Duma kéeli na. Pe i yákpoli wáa Seyiiri ni, ni mii yeri, níì jo: «Kpaàwelew, sán yébiligi nan? Kpaàwelew sán yébiligi nan?»

Luki 14:11

Níì cán syɔɔn o syɔɔn wi wiyɛɛ gbɔ́ʔɔgi lè, pe a ba wee bee cɛ́rɛ. Wee si wi wiyɛɛ jɛ́rɛgi lè, pe a ba wee bee kpɔ́ʔɔ.»

1 Pyɛri 3:6

àmɛɛ Sara da ni lúro Abirahami ma lè ní i wi yiri woro kàfɔlɔ. Kapye yele i kacǎngèle kpéʔele, yele si o fɛ̀ɛgí yarigaa faala na í, ye gi cán yele n náà pye Sara pìibēle.

Jàbɔbèle 5:4

Ee Yawe, lǎli ni mɔ yiri yaà lè Seyiiri ma, lǎli ni mɔ yiri yaà Edɔmi sìnbirigi ni ni maa lè, a tári i cɛ̀lɛ́, a nyɛ̀ʔɛgèle i nyangi ni ŋuu, a fàfaanyi i nyangi ni ŋuu lɔ̀ʔɔ.

1 Samyɛli 26:17

A Sawuli Davidi yákpoli cán níì jo: «Mɔ yákpoli lé li lee, ni pyà Davidi?» A Davidi wi yari: «Mii yákpoli lii, ee fànʔafɔw, ni kàfɔlɔ!»