Sélimɛ 32:13 - Cebaara Bible 2010

¹³ Mɔ si n gi joo mii ma níì jo: ‹Mii a kacànna kpéʔele mɔ na, si mɔ yodaʔayi yaʔa yi nɛʔɛ bi pye àmɛɛ sólomi lɔ̀ʔɔ nyɔ́ɔ táminyɔɔ nyɛ lè, wi lè wi a gbǎn córo í.› »

Sélimɛ 32:13 Iomraidhean Croise

Sélimɛ 13:16

Mii a mɔ yodaʔayi kpéʔele yi nɛʔɛ bi pye àmɛɛ támiigi nyɛ lè. Syɔɔn ga pye bi gbǎn támiigi córo, pe a wɔ́ɔ gbǎn mɔ yodaʔayi córo.

Sélimɛ 15:5

A wi Abirami kɔ́ri n yiri kàfugi na, ní baa wi pye: «Ki n yɛlɛ mi nyɛ̀ʔɛni sámaga mi wéle mí ŋɔripiigèle córo kapye mɔ fánʔa i nyɛ ge na bi gbǎn ge córo. A wi níì wi pye: Kánmi bee na si mɔ piibèle a ba nɛʔɛ.»

Sélimɛ 18:2

Wi maa wi yɛ́ɛgi yìrige n wéle n nànbēle taanri nyaa wiyɛɛ daana woyérebéle ní. Lǎli ni si wi be nyaa lè, a wi yìri wi fànikpaagi kpaaweele na n fàn n sáà be fàra, níì tìgi n kpùmɔnɔ tári na.

Sélimɛ 22:17

níì jo mii a tɔ̀nɔ́ dùbaw taʔa mɔ na. Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní àmɛɛ sólomi lɔ̀ʔɔ nyɔ́ɔ táminyɔɔ nyɛ lè. Mɔ yodaʔayi a yi nigoobèle kèye fáliga syɔɔ taa.

Sélimɛ 32:14

A Zyakɔbi syɔ́ɔn tɛ́ɛgi bee ni, níì tàa wòlo yáriri ni di pye wi ma lè bi pye kpɔʔɔrɔ wi yɛʔɛfɔw Ezau ma.

Sélimɛ 33:10

A Zyakɔbi jo: «Eʔe, mii i mɔ nyɛ́ɛri, kapye mɔ n fɔ̀lɔ mii na, ki n yɛlɛ mi mii kpɔ́ʔɔri syɔɔ, níì cán àmɛɛ mii ní mɔ baa woyɛɛ nyaa lè, ki n pye mii ma àmɛɛ syɔɔn Kolocɔlɔɔ yɛ́ɛgi nyaa lè, á mɔ mii fàra ní fundaanra ní.

Sélimɛ 33:8

A Ezau jo: «Kabiyi bee myɛ ní mii fàra lè, nyàʔá mɔ caa bi kpéʔele ní yoro ní?» A Zyakɔbi jo: «Dee bee i nyɛ jàngó mɔ í fɔ̀lɔ mii na, ni kàfɔlɔ.»

Sélimɛ 42:6

Zyozɛfu si wi da tɛ́ɛn tári nyúngo na, woro wi da be pye pe i bilew pára tátɛɛyi syɛ̀ɛnnɛ myɛ ma. A wi yɛʔɛfɔbèle si pan n baa tìgi n too wi yɛʔɛ̀ ma n yɛ́ɛyi cíbele tári na.

Sélimɛ 43:11

A be tóow Isirayɛli si be pye: «Ki si i lè nya, koro na ki n yɛlɛ ye gee naa kpéʔele. Koro gi nyɛ, ye tári yacanraa láa ye le yele túgori ni ye sa nǎnw bee kpɔ́ʔɔ, gee bee n jo céyaa-sìnmaa cɛɛri, ní sárigā cɛɛri, ní aromati, ní míiri, n fàra pisitasyi, ní amandi na.

Sélimɛ 43:26

A Zyozɛfu ga baa nan kpaʔa na, kpɔ́ʔɔree ti da pye be ma lè, a pe di kaan wi ma kpáagi ni níì tìgi n too wi taana tári na.

Nehemii 4:13

A mii mɛ́ɛkpoloyi fɔ̀ɔlɔ, ní kútiijoobèle, ní syɛɛnsanbèle pye: «Fáliw n kpɔ́ʔɔ, a wi tɛ́ɛyi caʔana yiyɛɛ na, á wolo cariga tǒw kurugo n léeli woyɛɛ na.

Kàseegèle 17:8

Námara kpɔ́ʔɔri i nyɛ àmɛɛ lɔgbanra kadɛnɛgɛ nyɛ lè di kaanfɔlɔ ma. Wi ga fíige kàbanga o kàbanga na, wi kérigèle i nyɔɔgi.

Kàseegèle 18:16

Syɔɔn yakaanri i kólogi múru wi ma fáa, ní i tɛɛ̀tɛ́nʔɛ kaangi wi ma wogbolobèle taana.

Kàseegèle 19:6

Syɛ̀ɛnnɛ saʔa i cànma caa mɛ́ʔɛfɔlɔ ma. Wee si wi kaangi lè, wi i nyɛ syɛ́ɛnbèle myɛ tàannyɛnnɛ.

Kàseegèle 21:14

Làrami yakanʔa i fundanʔari yéregi, bi námara kpɔ́ʔɔrɔ kaan burogbɔɔgi láara ni, koro i fundanʔagbɔɔri yéregi.

1 Samyɛli 25:27

Tɔ́ɔliw ni kpɔ́ʔɔree ní mɔ pulocew pan lè, ni kàfɔlɔ, ti syɔɔ mi lɛɛ nìgɔcaribèle na be nyɛ mɔ kurugo lè ni Kàfɔlɔ.

1 Samyɛli 25:8

Mɔ nigɔcaribèle yíbe kéeli bee na, pe a gi joo mɔ ma. Koro na ki n yɛlɛ mi nyɔɔ mii nìgɔcaribèle na. Níì cán fɛ́tii canʔa ni wolo baa bɛ̀ɛ. Koro na mii i mɔ nyɛ́ɛri níì jo yárigee mɔ ga taa lè, mi gi kaan mɔ falipyebèle ní mɔ jáaw Davidi ma.› »