Sélimɛ 32:11 - Cebaara Bible 2010

¹¹ Kacǎnyee ní funviiw kèlē mɔ kpéʔele mii ma lè, mii wi lè mɔ falipyew, mii da nyɔɔ n yɛlɛ ní li làa wobile ní í. Níì cán kàgbeeli nibin ní mii Zyuridɛnw naa jeli. Tɔ́ɔliw ni mii si n kàri n pye kabiya siin.

Sélimɛ 32:11 Iomraidhean Croise

Sélimɛ 24:27

níì jo: «Kpɔ̀ʔɔrɔli n yɛlɛ Yawe na, woro wee wi lè mii kàfɔw Abirahami Kolocɔlɔw, woro wee wi kòro ni funjànga ní funviire kèlē kpéʔele lè mii kàfɔw ma. Yawe wi kíni mii yɛ́ɛgi na n pan mii kàfɔw syɛ̀ɛnnɛ tɛ́ʔɛ ma.»

Sélimɛ 27:41

A Ezau Zyakɔbi para, àmɛɛ poro tóow dùbaw kpéʔele wi ma lè. A Ezau gi joo wiyɛɛ fúngi ni níì jo: «Cɛɛri na mii tóow a kùu. Lǎli bee ni mii a mii cɔnɔw Zyakɔbi kpóo.»

Sélimɛ 27:42

Lǎli ni pe baa Erebeka pìilɛɛw Ezau sɔ̀nguri tɛ̀ɛn Erebeka na lè, a wi fala n wi pìisiin wów Zyakɔbi yeri ní baa wi pye: «Ki n yɛlɛ mi kɔ̀rɔsíi, mɔ yɛʔɛfɔw Ezau i caa bi mɔ kpóo bi woro gɔ̀lɔ́w wòlo mɔ na.

Sélimɛ 32:3

Lǎli ni Zyakɔbi be nyaa lè, a wi jo: «Kolocɔlɔɔ tɛɛkòrogi gi nyɛ gee naa.» A wi tɛ́ɛgi bee mɛ́ʔɛ le ni gi yiri Mahanayimi.

Sélimɛ 32:7

A tundunbèle lúru n pan Zyakɔbi ma ní baa wi pye: «Wolo n nan yaà mɔ yɛʔɛfɔw Ezau na. Wi si i yaà ni maa bi ba mɔ fàra ní nànbēle saala siin ní.»

Sélimɛ 33:4

A Ezau fàn n wi fàra, ní baa wi wáa n mígi yátiigi ni, níì wi syɔɔnri syɔɔnri. A be i nyaan.

2 Samyɛli 7:18

Lǎli bee ni a fànʔafɔw Davidi sáà yére Yawe yɛ́ʔɛ ma níì jo: «Kàfɔw Yawe, mii wi nyɛ wìí, ba mii kpáagi gi nyɛ nyàʔá, á mɔ kɔ́ɔ̀ mii láa fwɔɔ n baa nan nɛɛ naa?

Ŋúnuyi 119:134

Mii syɔɔ fǎngi ma, gee syɛ́ɛnbèle cáan mii na lè, koro ga pye mii í mɔ lalwaw kèlē cò!

Ŋúnuyi 142:6

Ee Yawe, mɔ kurugo mii yákpoli wáa. Mii n jo: «Mɔ wi nyɛ mii tɛɛlàragi, mɔ wi nyɛ mii lɛɛli niweebèle tára ni.»

Ŋúnuyi 16:1

Davidi tára-nyɔ́ɔ-na ŋúnugi. Ee Kolocɔlɔɔ, da mii kpáaw wéle! Níì cán mɔ taana mii fàn n làra.

Ŋúnuyi 25:20

Da mii sìíw kpáa wéle, mí mii syɔɔ! Fɛ̀ɛrɛ ga yɛlɛ di mii taa í, àmɛɛ mii mɔ kpéʔele lè mii tɛɛlàragi!

Ŋúnuyi 31:2

Ee Yawe, mɔ láari ni mii fàn n làra, fɛ̀ɛrɛ ga yɛlɛ di mii taa nyáana í! Mii syɔɔ mɔ sínni báriga ni!

Ŋúnuyi 43:1

Ee Kolocɔlɔɔ, ki n yɛlɛ mi mii kútiiw ceri, pínɛ ní mii ní syɛɛnfelegi kánma na ki lè nyinimɛ fun! Mii syɔɔ námarafɔbèle ma, be lè syɛɛnnaa-sìnzinbèle!

Kàseegèle 18:19

Senyɛnwee na be kapeele pye lè wi n gbàn n sɔ̀lɔ kènirige jáala na. Kàsiiw kèlē i nyɛ àmɛɛ fànʔafɔ-gbaʔa yasɔʔɔyɔ nyɛ lè.

Danyɛli 3:17

Ee fànʔafɔw, ki si ga caà pye bi kpéʔele nya, wolo Kolocɔlɔw, woro wee fáli wolo kpéʔele lè, woro a gbǎn wolo syɔɔ, wi a wolo syɔɔ fúruw naagbanga, ní mɔ kɔ́gi ma.

Oze sɛ́bɛw 10:14

Kàfulogbɔʔɔ a yìri mɔ syɛ́ɛnbèle nínge ni, mɔ keniriyi myɛ a tɔ́nʔɔnɔ àmɛɛ Syaliman Bɛti-Aribɛli tɔ́nʔɔnɔ kapɛɛnni canʔa na lè, beè be nafɔlɔ pulɔlɔ wi pìibēle na lè.

Matye 6:13

Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›

Làlwaw Kaanziin 22:6

Mɔ ga féjɛɛn-zyàara fàra n nyaa mɔ kólogi na tiige ni wàlá tári na, féjɛɛnbiiye wàlá féjɛɛn-jɛ̀nɛ si i nyɛ di ni, á féjɛɛnnɔɔw si i nyɛ wozinɛɔ ní féjɛɛnbiiyi wàlá féjɛɛn-járigèle na, mɔ a kɔ́ féjɛɛnnɔɔw pínɛ cò ní pìíbèle ní í.

1 Samyɛli 12:10

A be i yákpogèle wáa Yawe kurugo níì jo: ‹Wolo n kapeele pye, níì cán wolo n Yawe yaʔa ní i báara Baalibèle, ní Asitaritebèle ma. Tɔ́ɔliw ni wolo yirige wolo nigoobèle kɔ́yɔ ni, wolo a ra báara mɔ ma.›

1 Samyɛli 24:15

Wìí na Isirayɛli fànʔafɔw yiri n taʔa? Wìí na mɔ yiri n taʔa ni nɛnɛ? Pɔ̀nguulo lii. Kàcɛnʔɛ yagana gii.