Sélimɛ 32:10 - Cebaara Bible 2010

¹⁰ A Zyakɔbi jo: «Ee, Kolocɔlɔɔ, mɔ wi lè mii tóolɛɛgi Abirahami ní mii tóow Izaaki Kolocɔlɔw. Ee, Yawe, mɔ wee wi gi joo mii ma lè níì jo: ‹Lúru maa syée mɔ tári ma mɔ senyɛnbèle kurugo, mii a kacànna kpéʔele mɔ na.›

Sélimɛ 32:10 Iomraidhean Croise

Sélimɛ 18:27

A Abirahami níì jo: «Mii i nyɛ támiige ní cɔnʔɔ, níì fɔ̀lɔ ni nyuu ní mɔ ní, Kàfɔw.

Sélimɛ 24:12

A wi nyɛ́ɛrigi naa nyɛ́ɛri níì jo: «Yawe, mɔ wi lè mii kàfɔw Abirahami Kolocɔlɔw, mii i mɔ nyɛ́ɛri, mi mii yaʔa mii í gi fàrá taa níjanʔa, gee mii caa lè, nyɔɔ kánmi bee na mii kàfɔw Abirahami na.

Sélimɛ 24:27

níì jo: «Kpɔ̀ʔɔrɔli n yɛlɛ Yawe na, woro wee wi lè mii kàfɔw Abirahami Kolocɔlɔw, woro wee wi kòro ni funjànga ní funviire kèlē kpéʔele lè mii kàfɔw ma. Yawe wi kíni mii yɛ́ɛgi na n pan mii kàfɔw syɛ̀ɛnnɛ tɛ́ʔɛ ma.»

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 28:15

Wéle, mii i nyɛ ní mɔ ní. Tɛʔɛ o tɛʔɛ ni mɔ ga kári lè, mii a ra mɔ kɔ̀rɔsíi bi ní mɔ lúrugo pan tári naa ma. Níì cán mii a tée mɔ yaʔa í, fwɔɔ bi taa gee mii joo mɔ ma lè, mii í gi foro.»

Sélimɛ 30:43

A Zyakɔbi tɔ̀nɔ n lɔrɔ taa gbanʔama, yaweeyiligēle saʔa maa pye wi ma. A falipyecabala, ní falipyenànbēle wɔ́ɔ̀ pye wi ma, n fàra fàlibaaya, ní jòfanibēle na.

Sélimɛ 31:3

A Yawe gi joo Zyakɔbi ma níì wi pye: «Lúru maa syée mɔ tóobèle tára ma, mɔ kpaʔa wóbèle ma, mii a pye ní mɔ ní.»

Sélimɛ 32:5

Níì syɛ́ɛnri naa joo n gbàn be ma níì jo: «Ye sa gi joo kánmi naa na mii kàfɔw Ezau ma, yé wi pye: ‹Mɔ falipyew Zyakɔbi n jo: Mii n sáà tɛ́ɛn ní Laban ní n mɔn yaà fwɔɔ n baa nan níjanʔa na.

Sélimɛ 32:7

A tundunbèle lúru n pan Zyakɔbi ma ní baa wi pye: «Wolo n nan yaà mɔ yɛʔɛfɔw Ezau na. Wi si i yaà ni maa bi ba mɔ fàra ní nànbēle saala siin ní.»

2 Samyɛli 17:24

Davidi maa nan Mahanayimi na lǎli ni Abisalɔmi Zyuridɛnw jeli lè, woro ní Isirayɛli nǎnbèle myɛ ní be pye ní wi ní lè.

2 Samyɛli 7:18

Lǎli bee ni a fànʔafɔw Davidi sáà yére Yawe yɛ́ʔɛ ma níì jo: «Kàfɔw Yawe, mii wi nyɛ wìí, ba mii kpáagi gi nyɛ nyàʔá, á mɔ kɔ́ɔ̀ mii láa fwɔɔ n baa nan nɛɛ naa?

Zyɔbi 17:9

Syɛɛnsinw si n sámaga n kòro wi kólogi ni. Wee kɔ́yɔ yi nyɛ lè fɔɔnrɔ fun, wi i kàa fàrá wiyɛɛ fǎngi na ni syée.

Zyɔbi 8:7

Mɔ kanzelimi a córo yapiipiile, pi ga tímana ní kanvɔnmee ní mɔ a ba taa lè.

Ŋúnuyi 16:2

Mii n gi joo Yawe ma níì wi pye: «Yawe, mɔ wi nyɛ mii Kàfɔw, yacanga ní o nyɛ mii ma n sɔ̀lɔ mɔ na í!»

Ŋúnuyi 18:35

Woro wi mii kɔ́yi tama kapɛɛnni na, fwɔɔ a mii kɔ́diriyi gbàn ni kanyɛɛnri sedege kíle.

Ŋúnuyi 61:7

Kàa fàra fànʔafɔw sìi canya na. Ki n yɛlɛ wi yɛ̀ʔɛlɛ saʔa taa, bi nan yìrigēle saʔa syɛɛnnɛ na,

Ŋúnuyi 8:5

Syɔɔn si i nyɛ nyàʔá, á mɔ kɔ́ɔ̀ sɔ̀ngi n taa wi na? Syɔɔn pya wi nyɛ nyàʔá, á mɔ wi kéeli láa?

Ŋúnuyi 84:7

Pe ga tánʔa n sɔ̀lɔ Baka jǐnlɔgi ni, pe n gi kàriga pùnweegéle tɛ́ʔɛ, zěseligi n wɔ́ɔ̀ dùbaw tɛ́ʔɛ n gi tɔ́n.

Ŋúnuyi 85:10

Kányɛʔɛ na, bele be fɛ̀ɛgí wi na lè, wi syɔɔli n nùuni bele bee na koro ga pye nìjangbɔɔri í ba kòro wolo tári ni.

Kàseegèle 4:18

Syɛɛnsinbèle kóbile i nyɛ àmɛɛ canvolovɔ́ngɔ gbɛɛnmɛ nyɛ, bee na kàa taari lè bi taa cángi í ba tɛ́ɛn nyùngo ni.

Ezayi 6:5

Lǎli bee ni a mii jo: «Wɔʔɔlɔ i nyɛ mii na! Mii n pùuni, níì cán mii i nyɛ syɔɔnwaa, wee nyɔ́ɔwara di nɔ́nʔɔ lè, mii i nyɛ syɛ́ɛnbèle pèle nínge ni, bele nyɔ́ɔwara di nɔ́nʔɔ lè, á mii nyapiigèle si Fànʔafɔw Yawe nyaa, woro wee wi lè Nyɛ̀ʔɛni Sùlasiibéle Kafɔlɔ.»

Ezayi 63:7

Mii a ní lúru Yawe funjǎngi kapyegèlē kurugo bi ge joo ke lè Yawe sòololi wòʔolo, bi yɛlɛ ní kacǎnyi myɛ ní Yawe kpéʔele wolo na lè. Wi funjàngbɔɔgi kèlē, Isirayɛli kpáagi wòolo ma, gee bee n jo kacǎnyi wi kpéʔele be na lè n yɛlɛ ní wi nyinigbɔɔmi ní, n wɔ́ɔ̀ yɛlɛ ní wi funjǎngi kapyenɛʔɛrɛ ní.

Misye 7:20

Mɔ a gi tɛ̀ɛn Zyakɔbi na àmɛɛ mɔ nyɛ lè tágala syɔ́ɔn, bi gi tɛ̀ɛn Abirahami na àmɛɛ mɔ nyɛ lè funjàngafɔlɔ, àmɛɛ mɔ da gi joo ní kàliga ní wolo tóolɛɛbèle ma lè booma ni yaà.

Luki 17:10

Anbée si gi wɔ́ɔ̄ nyɛ yele ma. Gee Kolocɔlɔɔ joo yele í kpéʔele lè, lǎli ni yele gee bee myɛ kpéʔele n kwɔ́ɔ lè, ki n yɛlɛ yele í sèʔé jo: ‹Wolo i nyɛ tɔ̀nɔ fun falipyebèlē, gee wolo da yɛlɛ bi kpéʔele lè, gee bee yagana wolo kpéʔele.› »

Luki 5:8

Amɛɛ Siimɔn Pyɛri gee bee nyaa lè, a wi kpùmɔnɔ Zyezu taana níì jo: «Ni Kàfɔlɔ, léeli mii na, àmɛɛ mii nyɛ lè kapeebyeo.»

2 Korɛnti ye 12:11

Yele ye mii ŋàʔana a mii baa pye mɔ a jo nilabalaga gii. Ki mǎà dée yɛlɛ yele í da mii mɛ́ɛtaangi yiri. Níì cán mii ga cɛ́rɛ pìitun-gbólobèle bee na keelaa faala ni í, àlí ki ga wírè pye mii o nyɛ yafyɛn í.

Làlwaw Kaanziin 8:18

Sɔ̀ngi mi taa Yawe mɔ Kolocɔlɔw na, woro wee wi lɔ́ri bee taala sée kaan mɔ ma lè, koro ga pye nyɔɔfaligi wi kpéʔele mɔ tofɔlɛɛyi ma lè, wi gi kpéʔele nya àmɛɛ gi nyɛ lè níjanʔa.

1 Pyɛri 5:5

Kánmi bee wonijanma na, yele wojáribèle, ki n yɛlɛ yaa lúro wolɛɛbèle ma. Ye myɛ ye màámi le yeyɛɛ na burogo, yáā bi kpéʔele yeyɛɛ ma, níì cán «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle, wi i nyɔɔgi bele bee na.»