Sélimɛ 30:1 - Cebaara Bible 2010

¹ A Arasyɛli ga gi nyaa woro ga pyà taa Zyakɔbi ma í, a wi yɛʔɛfɔw nyabɛɛnnɛ pye wi na. A wi gi joo Zyakɔbi ma níì jo: «Pìibēle kaan mii ma, kapye koro ban í, mii a kùu.»

Sélimɛ 30:1 Iomraidhean Croise

Sélimɛ 29:31

A Yawe ga gi nyaa Leya kéeli ga Zyakɔbi dɛ́nɛ í, a wi wi ceseegi múgu, á Arasyɛli si pye cenaa-sìnzeeo.

Sélimɛ 37:11

A wi nyabɛɛnni pye wi yɛʔɛfɔbèle na, kàjáa wi tóow maa kòro ni sɔ̀ngí ni taagi ŋúnɔyi bee kèlē na làla o làla.

1 Fànʔafɔbèle 19:4

Woro si na, wi maa kári fìími tára ni n canʔa nibin tánʔana kpéʔele, ní sáà tɛ́ɛn zyenɛ tiipiige láara ni ní i wiyɛɛ kùúw nyɛ́ɛri níì jo: «Ki n sɔ̀lɔ ki dǎnw na! Tɔ́ɔliw ni Yawe mii sìíw kwɔ́ɔ nya. Níì cán mii ga pɔ́rɔ n sɔ̀lɔ mii tóolɛɛbèle na í.»

Zyɔbi 13:19

Wìí wi caa bi pye kútii na ní mii ní? Lǎli bee ni mii a fɔ̀lɔ́ pyèri si kùu.

Zyɔbi 3:11

Nyàʔá na mii ga kùu mii nɔ́ɔw láʔa ni í? Ba nyàʔá na mii ga kùu mii làrizeeli ni í?

Zyɔbi 5:2

Kányɛʔɛ na fundanʔagbɔɔri i nidoligo kúu, nyabɛɛnni si i kanaa-sìnjáɔn kúu.

Ŋúnuyi 106:16

N be yaʔa be tɛɛkòrogi ni, a Mowizi ní Yawe wojanw Aarɔn nyabɛɛnni pye be na.

Kàseegèle 14:30

Fúngee gi nyíngi lè, koro i nyɛ céri sìi, nyabɛɛnni si i nyɛ yaama, bee bi kaceleyi kúu lè.

Kàseegèle 30:16

Kúbèle tɛɛkòrogo, ní cenaa-sìnzeeo láagi, ní táree di lè ti o tíngi lǒgi na í, ní náagi gi lè ki a tée jo: ‹Ki n yɛlɛ nya!› í.

Syɛɛnjóow 4:4

Mii n gi nyaa ncan faligbanw myɛ, ní falinyɔɔgwɔɔw myɛ i nyɛ syɔɔn nyabɛɛnni wi syɛɛnnyɛnw kánma na. Koro wɔ́ɔ i nyɛ gbanzan, ní bi taʔa Káfalaga na da nɛnɛ.

Córolo 11:15

Sáni mɔ í mii cò kánmi naa na lè, mɔ ga jo bi nyɔɔ mii na ján mi mii kpóo, koro ga pye mii a kɔ́ ba mii wɔʔɔgi nyaa í.»

Córolo 11:29

A Mowizi wi yari: «A nyabɛɛnnɛ i nyɛ lé mɔ ni, mii kéeli na? Alí ki n caà yɛlɛ Yawe syɛ́ɛnbèle myɛ í pye kanyaajoobéle, Yawe í wi Pǐli taʔa be na.»

Zyan 4:3

lǎli bee ni a wi yiri Zyude ni n lúru ni syée Galile ma.

Zyan 4:8

Wi pìitamabèle si maa jée kěgi ni bi sa lìile caa syɔɔ.

1 Korɛnti ye 3:3

níì cán yele sèʔé i nyɛ céri kôdanʔabéle. Amɛɛ nyabɛɛnni ní kàsiiw yaà lè yele níngi ni, koro ga gi tɛ̀ɛn n jo yele i nyɛ céri kôdanʔabéle ì? Yele o táanri àmɛɛ dulunyanw syɛ̀ɛnnɛ nyɛ lè ì?

2 Korɛnti ye 7:10

Níì cán funbɛɛnri di yɛlɛ ní Kolocɔlɔɔ kínidɛnɛgi ní lè, dee bee di syɛ́ɛnbèle kaangi a be i kàdoʔo wáa be kapeegèle ma, ní i syɔɔli taagi, syɔɔn a gbǎn kɔ́ ba mii-ga-ra-cán joo kàdowaari bee kéele na í, funbɛɛnri si di nyɛ lè dulunyanw wóro, dee bee di kùúw kaangi.

Galasi ye 5:21

ní paragi, ní singbaadinri, ní kakolobyeri ní, n fàra kérigèle kèle nikwɔɔlɔ na, gele ge nyɛ lè sèjira ní gele naa ní. Mii a gi joo yele ma àmɛɛ mii da sélì gi joo lè níì jo: Kérigèle bee kpéʔelefɔɔlɔ a gbǎn Kolocɔlɔɔ fǎngi kɔ́rigɔ lìi í.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

Zyaki 3:14

Kàjáa yele fúnyi ga nyìn nyabɛɛnni ní fungbɔɔgi na, ki ga yɛlɛ yaa yeyɛɛ nyɛ́nɛ ní yele sícilimi bee ní í, yele ga ni koro kpéʔele, ye gi cán yele n kányɛɛgi cée.

Zyaki 4:5

A yele i gi sɔ̀ngí lé Kolocɔlɔɔ syɛɛnsɛbɛri n gi joo nyùngo fun, àmɛɛ gi joo lè níì jo: «Pìígèle Kolocɔlɔɔ le wolo ni lè, ke kéeli n wi dɛ́nɛ gbanʔama fwɔɔ n nan yejaʔa na?»

1 Samyɛli 1:10

N wi yaʔa funbɛɛnw ni, a wi i Yawe nyɛ́ɛri ní i nyaan gbanʔama.