Sélimɛ 3:6 - Cebaara Bible 2010

⁶ A céw gi nyaa tiisangi bee a pye lìijànna, á gi wɔ́ɔ̀ wélemɛ dɛ́nɛ, ní wɔ́ɔ i nyɛ bi gbǎn kérigèle sɛʔɛwelele sícilimɛ kaan syɔɔn ma, a wi fala n ki yasangaa cɔɔ n lìi, níì kàa kaan wi nǎnw ma wi pye yaà ní wi ní lè, a woro wɔ́ɔ̀ gi lìi.

Sélimɛ 3:6 Iomraidhean Croise

Sélimɛ 3:12

A nǎnw jo: «Céwee mɔ kaan mii ma wi pye mii pínɛnyɛnnɛ lè, woro wi tíigi bee yasangaa kaan mii ma a mii lìi.»

Sélimɛ 3:17

A wi gi joo nǎnw ma níì jo: «Tíigee kéele mii da joo lè níì jo mɔ a kɔ́ gi yasangaa lìi í, àmɛɛ mɔ baa mɔ céw syɛ́ɛnrɛ lóʔo lè níì gi kàa lìi. Koro na tári n dánga mɔ kapeeli kéele na. Mɔ a ra wɔʔɔ gbanʔama si náa ra yaliire taagi di ni mɔ siiw canya myɛ ni.

Sélimɛ 39:7

Kérigèle bee kàdoʔo ma, a wi kàfɔw cɔ́ɔ i wi wéle, ní kɔ́ɔ̀ wi pye: «Sínɛ ní mii ní.»

Sélimɛ 6:2

lǎli bee ni a Kolocɔlɔɔ pìíbèle i syɛ́ɛnbèle cálipiigéle wéle n gi nyaa ke n tɔ̀nɔ n nyɔɔ. A be si ge kèle nyɛ́nɛ n wòlo n pye be càbala.

2 Samyɛli 11:2

A Davidi si kɔ́ɔ̀ yìri wi yasinɛgi na cangaa cângwɔʔɔ nyɔ́ɔ na ni nyaari ni máari fànʔafɔ-gbaagi ǹjoʔo ni, a wi cewaa wéle n nyaa wi i wíri, wee wi da tɔ̀nɔ n nyɔɔ lè gbanʔama.

1 Fànʔafɔbèle 13:19

A Kolocɔlɔɔ syɔ́ɔnw lúru n kári ní wi ní n sáà yaliire lìi wi kpáagi ni níì gbaa.

Zyɔbi 31:1

«Mii maa nyɔɔ fàli ní mii nyapiigèle ní níì jo, mii a tée mii nyapiigèle le nàngeele-sinján pìcaa ni í.

Ezekyɛli 24:16

«Syɔɔn-pya, wéle, mii a mɔ nyapiigèle yanidaanmaga láʔa mɔ na làrinijanna ni. Mɔ a kɔ́ kùlege kpéʔele í, mɔ a kɔ́ nyɛni í, mɔ nyatinmi a kɔ́ ra ŋuu í.

Ezekyɛli 24:21

‹Ki joo Isirayɛli kpáagi wòolo ma mí be pye: Kàfɔw Yawe wi syɛ́ɛnri naa joo níì jo: Wéle, mii a mii tɛɛcǎngi kálagi, ki lè yele nɛ̀ɛgbɔʔɔgi fànʔa, ní yele nyapiigèle yanidaanmaga, ní yele fúnyi tàmaga yáriga. Yele nànbiigèle ní yele calipiigèle yele kári níì yaʔa lè, ŋɔséew a ge kpóo cáan.

Ezekyɛli 24:25

Mɔ si na, syɔɔn-pya, tága gi na cángee na mii a gi syɔɔ lè be ma, gee gi nyɛ lè be fǎngi, ní be fundaanri, ní be fèreri, ní be nyapiigèle yanidaanmaga, ní be fúnyi ki laànitaʔa yáriga, ní be nànbiigèle, ní be calipiigèle,

Oze sɛ́bɛw 6:7

«N yɛlɛ ní syɔɔn ye kánmi ní, pe n joogaanni kálagi. Nɛɛ bee pe mii jànváa.

Matye 5:28

Mii si a gi joo yele ma si yele pye, syɔɔn o syɔɔn wi cɔlɔɔ wéle lè wélebeele na, wee bee n wi taa n kwɔ́ɔ wi fúngi ni.

1 Timɔte 2:14

Adami si ban Sutanaw da fáana n pùuni í, céw wi da fáana n pùuni a wi Kolocɔlɔɔ kajooli kálagi.

Zyozuwe 7:21

Mii n Syineyari búrogbɔɔ-càngaa nyaa kapɛɛnni yataara ni n fàra wálifiio támabéle sirakele na, ní tɛɛ̀nyinnɛ nibin, lee li cúlo tíla kwɔ́ɔ lè, a di nyabɛɛnni pye mii na, a mii di láa. Ti i yaà dee wolarigara ní tári ni, mii fànikpaagi fúngo ni. Wálifiiw si i yaà di láari ni.»

1 Zyan 2:16

Níì cán yáriri myɛ di nyɛ lè dulunyanw ni, céri ki laànitaʔa yárira yoo, ní dee myɛ syɔɔn wéle lè ní nyabɛɛnnɛ ní, n fàra kpɔ́ɔmi kèlē na, dee bee tàa faala ga yìri Tofɔw ma í, fwɔɔ dulunyanw ma.

Jàbɔbèle 14:17

A wi i nyaan wi na lìigbɔɔli canya kɔrɔsiinw myɛ fúngo ni. A ki ga pye can-kɔrɔsiin wógi na, a wi li kɔ́rɔw joo wi ma, níì cán wi maa kɔ́ɔ̀ wi fɔ̀rɔ n baa sɔ̀lɔ. A wi sáà kàseeli kɔ́rɔ joo wi syɛ́ɛnbèle pìibēle ma.