Sélimɛ 3:4 - Cebaara Bible 2010

⁴ Lǎli bee ni a wàbigi céw yari: «Yele a kùu nyáana í.

Sélimɛ 3:4 Iomraidhean Croise

Sélimɛ 3:13

Lǎli bee ni a Yawe Kolocɔlɔɔ gi joo céw ma níì jo: «Nyàʔá na mɔ gee bee kpéʔele?» A céw jo: «Wàbigi gi mii fáana n pùuni a mii gi kàa lìi.»

Sélimɛ 3:3

Kàjáa tíigee gi nyɛ lè nángwɔɔw nínge ni, gee gi koro yasanri kéele kwɔ́ɔ lè, Kolocɔlɔɔ n jo: ‹Yele a kɔ́ gi kàa lìi í. Yele a caa kɔ́ tánga gi kàa na í, kapye koro ban í, yele a kùu.› »

2 Fànʔafɔbèle 1:16

A wi sáà wi pye: «Yawe n jo: ‹Amɛɛ mɔ tundunbéle tun lè pe sa Baali-Zebubi yíbe wi lè Ekurɔn kěgi kolocɔlɔɔ, a gee bee jo lé Kolocɔlɔɔ o nyɛ Isirayɛli ni, wee mɔ a dée gbǎn yíbe lè í? Awá yasinɛgi na mɔ nyɛ lè gee, mɔ a yìri gi na í, níì cán mɔ a tɔ̀nɔ́ kùu wii.› »

2 Fànʔafɔbèle 1:4

Koro na Yawe n jo: ‹Yasinɛgi na mɔ nyɛ lè gee, mɔ a yìri gi na í, níì cán mɔ a tɔ̀nɔ́ kùu wii.› » Koro kàdoʔo ma a Elii kári.

2 Fànʔafɔbèle 1:6

A be wi yari: «Nànwaa wi sáà wolo fàra níì wolo pye: ‹Ye lúru yaa syée fànʔafɔw ma, wee wi yele tun lè, ye sa wi pye: Yawe n jo: A gee bee jo lé Kolocɔlɔɔ o nyɛ Isirayɛli ni í, fwɔɔ mɔ í náa tun pe sa Baali-Zebubi yíbe wi lè Ekurɔn kěgi kolocɔlɔɔ? Koro na yasinɛgi na mɔ nyɛ lè gee, mɔ a yìri gi na í, níì cán mɔ a tɔ̀nɔ́ kùu wii.› »

2 Fànʔafɔbèle 8:10

A Elize wi yari: «Da syée mi sa wi pye: ‹Ɛɛn mɔ a pɔʔɔ.› Kàjáa Yawe si n tɔ́ɔ̀ gi tɛ̀ɛn mii na n jo wi a tɔ̀nɔ́ kùu.»

2 Cányi kèlē 18:21

A li wi yari: ‹Mii a yiri bi sa pye jànvaa pìle wi kanyaajoobèle myɛ nyɔ́ɔyɔ ni.› A Yawe jo: ‹Mɔ a wi kárima, mɔ a tɔ̀nɔ́ gbǎn wi kárima. Yìri mi sa gi kpéʔele nya!›

Ŋúnuyi 10:11

Wi i gi nyuu wiyɛɛ fúngi ni níì jo: «Kolocɔlɔɔ o sɔ̀ngí ni taagi gi na í! Wi i wi yɛ́ɛgi làragí, wi o yafyɛn wéle í!»

Zyan 8:44

Màdebèle kàfɔlɔ wi nyɛ yele tóow, gee bee na yele sɔ̀ngí bàā yele tóow nyɛ́nɛ kèlē kpéʔele. Nlaa gi sélimi na woro wi syɛ́ɛnbèle kúu, wi o téē yèré kányɛʔɛ ni í, níì cán wi o nyɛ kányɛʔɛfɔlɔ í. Wi ga ni jà finɛ lǎlee ni lè, wi n ni wi tiimaa fúngi syɛ́ɛnrɛ nyuu. Wi i nyɛ jànvaafɔlɔ, ní wɔ́ɔ i nyɛ jànvaaw sélimafɔlɔ.

2 Korɛnti ye 11:3

Kánmee na wàbigi da Ɛvi fáana ní gi sícilibeemi ní lè, mii i fɛ̀ɛgí níì jo dɔ̀ʔɔ́ yele yákiriw a wɔ́ɔ kɔ́ kàri kánmi bee na yele í láʔa funviiri ní funjǎnyi na Kirisi kàbangi na.

2 Korɛnti ye 2:11

koro ga pye Sutanaw a kɔ́ fànʔa taa wolo na í, níì cán wolo o nyɛ wi karinyanyi kéele sinján ni í.

Làlwaw Kaanziin 29:19

Yawe a fɔ̀lɔ bi wi kùsulugi syɔɔ í. Kàjáa Yawe fundanʔari ní wi yejaagi a cò nǎnw bee kánma na. Dánga kérigèle ge sɛ́bɛ sɛ́bɛw naa ni lè, gele bee myɛ a nan wi na. Yawe a wi mɛ́ɛgi kurugo yirige yaà nyɛ̀ʔɛni láara ni.

1 Timɔte 2:14

Adami si ban Sutanaw da fáana n pùuni í, céw wi da fáana n pùuni a wi Kolocɔlɔɔ kajooli kálagi.