Sélimɛ 3:21 - Cebaara Bible 2010

²¹ A Yawe Kolocɔlɔɔ saliga búroyo sámaga nǎnw ní wi céw ma n le be na.

Sélimɛ 3:21 Iomraidhean Croise

Sélimɛ 3:20

A nǎnw wi céw mɛ́ʔɛ le ni wi yiri Ɛvi, níì cán woro wi pye niweebèle myɛ nɔ́ɔ.

Sélimɛ 3:22

A Yawe Kolocɔlɔɔ jo: «Wéle, tɔ́ɔliw ni syɔɔn n kàri n pye àmɛɛ wolo wàa nyɛ lè n kacǎngèle ní kapeegèle cán. Ki si n yɛlɛ wo wi yérige wi a kɔ́ wi kɔ́gi sánʔa bi wɔ́ɔ sìíw tíige yasangaa cɔɔ bi lìi si kòro beè sìi na làla o làla í.»

Sélimɛ 3:7

Lǎli bee ni a pe myɛ siinw nyapiigéle fala n múgu, a be gi cán poro i nyɛ níboribéle, a be fala n děsyaan-wára jɔli tiyɛɛ na n pye fànnanya, n lúgo.

Ezayi 61:10

Mii i fundaangbɔɔrɔ kpéʔele Yawe ni, mii fúngi i muguri mii Kolocɔlɔw ni. Níì cán wi n syɔɔli búroyo le mii na, wi n sínni burogbɔʔɔ tɛ́ʔɛ n mii tɔ́n àmɛɛ cefɔɔn fɔ́lɔ wiyɛɛ vèré ní kpɔʔɔrɔ nyùndɔnnɔ ní lè, àmɛɛ cefɔɔn wiyɛɛ vèré ní wi fèreri yárira ní lè.

Wɔrɔmi ye 3:22

Kolocɔlɔɔ sínni li kaangi syɛ́ɛnbèle ma lè tágali báriga ni, poro bele myɛ be tága Zyezu Kirisi na lè. Níì cán wi o wàa yirigi wàa ni í,

1 Korɛnti ye 12:23

Wolo céri tɛ́ɛyɛ wolo sɔ̀ngí lè yi ga yɛlɛ ní kpɔʔɔrɔ ní í, wolo si n kpɔ́ʔɔri myɛ taʔa yi na. Tɛ́ɛyee si wolo làragí lè fɛ̀ɛ́ri kéele na, wolo i yee bee kpɔ́ʔɔgi n sɔ̀lɔ wozanyi na.

2 Korɛnti ye 5:21

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.