Sélimɛ 3:19 - Cebaara Bible 2010

¹⁹ Mɔ yɛ́ɛcɔɔli kakpege na mɔ a ra líi fwɔɔ bi taa mɔ í ba lúru jée tári ni, beè mɔ yirige lè. Níì cán mɔ i nyɛ támiige, támiigi si ni mɔ a lúru jée.»

Sélimɛ 3:19 Iomraidhean Croise

Sélimɛ 18:27

A Abirahami níì jo: «Mii i nyɛ támiige ní cɔnʔɔ, níì fɔ̀lɔ ni nyuu ní mɔ ní, Kàfɔw.

Sélimɛ 2:7

A Yawe Kolocɔlɔɔ syɔɔn sámaga ní támiigi ní, níì ŋɔ́ngari le wi fínaagèle ni ní wi tiimaa nyɔ́ɔgi káfalaga ní, a syɔɔn fala n pye sìi na.

Sélimɛ 23:4

«Mii i nyɛ nibɔɔn ní i nyɛ wodɛ́ɛɔn ní yele níngi ni. Ki n yɛlɛ ye fɔ̀lɔ ye nyangbaa kaan mii ma wi pye mii wóo, koro ga pye mii í mii céw láa núngo niyɛɛ daana bi sa tɔ́n yaà beè.»

Sélimɛ 3:18

Wúuro ní solovinge a wɔ́ɔ ra fíin di na mɔ ma. Séyi yafálara ti a pye mɔ yaliiri.

Sélimɛ 5:5

Adami sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye kɔrɔni ní kpɔrigɔ, á wi kùu.

Zyɔbi 1:21

níì jo: «Mii n yiri mii nɔ́ɔw láʔa ni níbori, mii si a wɔ́ɔ lúru kári yaà níbori. Yawe wi gi kaan, Yawe si wi wɔ́ɔ̀ gi syɔɔ. Yawe mɛ́ɛgi gi yɛlɛ kaa kpɔ̀ʔɔrɔ́!»

Zyɔbi 10:9

Sɔ̀ngi mi taa gi na mi cán mɔ n mii sámaga àmɛɛ be cóoro fánʔari lè, mɔ si ní i caa lé bi mii lúrugo kàriga támiige?

Zyɔbi 19:26

Lǎli ni mii césaligi ga kálagi n kwɔ́ɔ lè, àlí mii céri a ní pye yaà í, mii a Kolocɔlɔɔ nyaa.

Zyɔbi 21:26

Pe n pínɛ ni sìnɛ́ támiigi ni, fyɛ́ɛnri si i be tɔ́ngi.

Zyɔbi 34:15

cere yáriri myɛ a dée kùu làla nibin ni, syɔɔn a dée lúru jée támiigi ni.

Zyɔbi 4:19

n náa kɔ́ɔ̀ yére bele kéele na pe nyɛ lè wodɛ́ɛnbéle ní cóori kpaaya ni, poro bele kàpɔɔn wi nyɛ lè támiigi na, poro bele be purugu àmɛɛ fyɛnʔɛ nyɛ lè.

Ŋúnuyi 103:14

Níì cán wi n gi cán yárigee ní woro wolo sámaga lè, wi i sɔ̀ngí ni taagi gi na ncan wolo i nyɛ támiige.

Ŋúnuyi 104:23

Syɔɔn n si yiri n kári wi fáliw ma n sa ni báara bi ba cángi kwɔ́ɔ.

Ŋúnuyi 104:29

Mɔ si ga mɔ yɛ́ɛgi làriga, ti myɛ fúnyo n curugo. Mɔ ga sìíw ŋɔ́ngara yirige di ni, ti n kùu, si lúru kàri támiige.

Ŋúnuyi 127:2

Yele i sɔ̀ɔ́ ni yìrigí nyǐngi nyɔ́ɔ na, ní i mɔngi sìnzinɛ ni, ní i fɔ̀rɔgí ní náa i yaliiri taagi ni líi. Yele i koro myɛ kpéʔele gbanzan. Wi i wi syɛɛn-nidaanmaw kaangi, àlí bi wi yaʔa ŋúnɔmi na.

Ŋúnuyi 22:15

Mii i nyɛ àmɛɛ lɔ̀ʔɔ nyɛ, gee gi ŋuu lè, mii kaceleyi myɛ n wɔ̀rɔ n yiri yiyɛɛ ni. Mii zɔ̌nw n kàri n pye àmɛɛ sékuro nyɛ lè, wi i nyangi mii fúngi ni.

Ŋúnuyi 22:29

Níì cán fǎngi i nyɛ Yawe wóʔo, wi i nyɛ wodɛ́ɛɔn ní syɛɛnfeleyi nyúngo na.

Ŋúnuyi 90:3

Mɔ i syɔɔn lúrugu ni légi támiigi ni, ní i gi nyuu níì jo: «Yele Adami pìíbèle, ye lúru yaa syée beè yele yìri lè!»

Kàseegèle 21:16

Syɔ́ɔnwee wi pùuni n sícilimi kólogo yaʔa lè, wee bee a sa tɛ́ɛn kúbèle syɛɛnkpoʔolomɔ ni.

Syɛɛnjóow 1:13

Mii n gi sámaga n sɛʔɛ fûnnyinge na sícilimi báriga ni, gee myɛ gi kpéʔele lè nyɛ̀ʔɛni láara ni. Tugolibere dii, dee Kolocɔlɔɔ taʔa syɔɔn ye na lè ni be kùrú.

Syɛɛnjóow 1:3

Gee myɛ na syɔɔn wiyɛɛ fɔ̀rɔgí lè tári na, tɔ̀nɔwìí félege wi a taa gee bee ni?

Syɛɛnjóow 12:7

sáni támiigi í lúru jée tári ni, beè ki da pye lè, pǐli si lúru kári li kaanfɔw Kolocɔlɔɔ ma.

Syɛɛnjóow 3:20

Pe myɛ i syée tɛɛnijanga ma. Pe myɛ n yiri támiigi ni, pe myɛ si a ní lúru jée támiigi ni.

Syɛɛnjóow 5:15

Koro wɔ́ɔ i nyɛ bɔ̀nɔkpɔɔɔ àmɛɛ syɔɔn a tɔ̀nɔ́ lúru kánmee na wi da pan lè. Nyàʔá gi nyɛ wi tɔ̀nɔw fáliw ni wi kpéʔele n wáa káfalagi kurugo lè?

Danyɛli 12:2

Bele be ŋúnɔ lè támiigi ni, poro pèle saʔa a nyán, pe pèle a nyán sìibangwɔɔw kánma na, pèle si nyán faʔari, ní bàngwɔɔ fɛ̀ɛ́ri kánma na.

1 Korɛnti ye 15:47

Syɛɛnseliw n yiri tári ni, wi i nyɛ tári wóo. Syɛɛnsiin wów si n yìri nyɛ̀ʔɛni na.

Efɛzi ye 4:28

Wee wi yúu lè, ki ga yɛlɛ wi ní da yúu í, fwɔɔ gee gi pɔ́rɔ lè, ki n yɛlɛ waa báara ní wi tiimaa kɔ́yi ní wáā kacàngēle kpéʔele koro ga pye wee màko ga pye yárigee na lè, kàa í pye wi ma bi gbǎn kaan syɔ́ɔnw bee ma.

1 Tesaloniki ye 2:9

Ni senyɛ̀nnɛ, yele i sɔ̀ngí ni taagi wolo fáliw, ní wolo fɔ̀rɔyi kéele na, wolo maa ni Kolocɔlɔɔ Syɛɛnjóocǎnri nyuu yele ma, ní wɔ́ɔ i báara canʔa ní yébilige jàngó wolo a kɔ́ pye tugoro yele wàa na í.

2 Tesaloniki ye 3:10

Níì cán lǎlee ni wolo da sèʔê pye yaà ní yele ní lè, wolo maa dee naa joo n gbàn yele ma níì jo: «Syɔɔnwaa ga pye wi o caa bàā báara í, ki ga wɔ́ɔ̀ yɛlɛ waa líi í.»

Heburubèle 9:27

Amɛɛ gi kɔ̀rirɔ n tímana lè syɔɔn o syɔɔn ma wi kùu tɔlɔgɔ nibin, kútiiw si náa ba joo,