Sélimɛ 3:17 - Cebaara Bible 2010

¹⁷ A wi gi joo nǎnw ma níì jo: «Tíigee kéele mii da joo lè níì jo mɔ a kɔ́ gi yasangaa lìi í, àmɛɛ mɔ baa mɔ céw syɛ́ɛnrɛ lóʔo lè níì gi kàa lìi. Koro na tári n dánga mɔ kapeeli kéele na. Mɔ a ra wɔʔɔ gbanʔama si náa ra yaliire taagi di ni mɔ siiw canya myɛ ni.

Sélimɛ 3:17 Iomraidhean Croise

Sélimɛ 3:11

A Yawe Kolocɔlɔɔ si wi yíbe níì jo: «Wìí wi gi joo mɔ ma níì mɔ pye mɔ i nyɛ níbori? Tíigee yasanra mii da jo lè mɔ a kɔ́ lìi í, a mɔ tɔ̀ʔɔ̂ gi kàa lìi lé?»

Sélimɛ 3:18

Wúuro ní solovinge a wɔ́ɔ ra fíin di na mɔ ma. Séyi yafálara ti a pye mɔ yaliiri.

Sélimɛ 3:6

A céw gi nyaa tiisangi bee a pye lìijànna, á gi wɔ́ɔ̀ wélemɛ dɛ́nɛ, ní wɔ́ɔ i nyɛ bi gbǎn kérigèle sɛʔɛwelele sícilimɛ kaan syɔɔn ma, a wi fala n ki yasangaa cɔɔ n lìi, níì kàa kaan wi nǎnw ma wi pye yaà ní wi ní lè, a woro wɔ́ɔ̀ gi lìi.

Sélimɛ 5:29

A wi li mɛ́ɛgi le ni li yiri Nowe. Ncan wi maa jo: «Faligbanyi ní fɔ̀rɔyi myɛ na wolo nyɛ lè tári naa na, dee Yawe dánga lè, pìíw naa wi a ba wolo kpɛʔɛlɛ kérigèle bee na.»

Sélimɛ 8:21

A Yawe sárigaw nùndaanna taa níì gi joo wiyɛɛ fúngi ni níì jo: «Mii a ní tári dánga syɔɔn kéeli na í. Ki i nyɛ kányɛʔɛ ncan syɔɔn sɔnguri n tɔ̀nɔ n pee nlaa yaà wi cárimi làla ni. Kàjáa mii a ní sìi yáriri myɛ kálagi bi yɛlɛ ní gi ní àmɛɛ mii gi kpéʔele lè lǎli naa ni í.

Zyɔbi 14:1

«Syɔ́ɔnwee cɔlɔɔ see lè, wi sìíw n kpere, níì nyìn wɔʔɔgi na.

Zyɔbi 21:17

A ki i nyɛ lé tɔlɔyɔ saʔa syɛɛnpeebèle fètinnɛ i fíri, a fóomi i tuun be na, a Kolocɔlɔɔ i be lɛɛli kaangi be ma wi fundanʔari ni?

Ŋúnuyi 127:2

Yele i sɔ̀ɔ́ ni yìrigí nyǐngi nyɔ́ɔ na, ní i mɔngi sìnzinɛ ni, ní i fɔ̀rɔgí ní náa i yaliiri taagi ni líi. Yele i koro myɛ kpéʔele gbanzan. Wi i wi syɛɛn-nidaanmaw kaangi, àlí bi wi yaʔa ŋúnɔmi na.

Syɛɛnjóow 2:11

A mii sɔ̀ngi mii kɔ́yi falikpeʔeleo myɛ kéele na, ní fɔ̀rɔgee mii da taa jàngó bi wi foro lè. Wéle, gee bee myɛ maa pye gbanzan, ní bi taʔa káfalaga na da nɛnɛ, tɔ̀nɔ o nyɛ gi ni tári na í.

Syɛɛnjóow 2:17

Koro na sìíw kéele mii bɛɛn, níì cán mii má, fáliw myɛ syɔɔn kpéʔele lè tári na, wi n pee, ncan ki myɛ i nyɛ gbanzan, ní bi taʔa káfalaga na da nɛnɛ.

Syɛɛnjóow 5:17

Wéle, gee mii nyaa lè, koro gi nyɛ: Ki n tɔ̀nɔ n sámaga n nyɔɔ syɔɔn ma, waa líi sáā gbo sáā fundaanra kpéʔele fáliw myɛ nínge ni wi kpéʔele lè tári na, wi sìíw canya myɛ nyɔ́ɔ ni, yee Kolocɔlɔɔ kaan wi ma lè. Níì cán koro gi nyɛ wi lɛɛli.

Matye 22:12

A wi wi pye: ‹Ní tàannyɛnnɛ, mɛ̀ɛ́ mɔ pye níì jée naa cèpɔrigi búrogo fun?› Wi ga yafyɛn taa bi joo í.

Matye 25:45

Lǎli bee ni wi a be yari: ‹Mii a gi joo yele ma kányɛʔɛ ni, àmɛɛ gi nyɛ lè, yele ga gi kpéʔele bele naa wàa wobile ma í, ye gi cán yele ga wɔ́ɔ̀ gi kpéʔele mii ma í.›

Luki 19:22

A fànʔafɔw wi pye: ‹Mɔ i nyɛ falipyepeeo, mii a kútiiw kúun mɔ na mɔ tiimaa nyɔ́ɔgi syɛ́ɛnrɛ báriga ni. Mɔ da gi cán lè ncan mii n tanʔa n caanri, yárigee gi nyɛ lè mii ga gi tɛ́ʔɛ í, mii i gee bee lée, ní yaliiree di nyɛ lè mii ga di lùgu í, mii i dee bee lée,

Zyan 16:33

A mii kérigèle naa joo yele ma wii, koro ga pye yele í fûnnyingi taa mii ni. Yele a wɔʔɔli taa dulunyanw ni. Kàjáa ki n yɛlɛ ye soro, níì cán mii n dulunyanw jáa.»

Wɔrɔmi ye 3:19

Wolo n gi cán gee myɛ gi nyuu lè Mowizi làlwaw sɛ́bɛ ni, ki i nyuu bele ma be nyɛ lè làlwaw bee kólogo ni, koro ga pye Kolocɔlɔɔ í dulunyanw syɛ̀ɛnnɛ myɛ nyɔ́ɔyɔ tɔ́n, si kútiiw cáan pe myɛ na.

Heburubèle 6:8

Kàjáa wúuro ní solovinge ga fìin di ni, tári bee n pɛɛn, dángaw a ba too di na, ti kwɔ́ɔmi si ba pye sógulo.