Sélimɛ 3:16 - Cebaara Bible 2010

¹⁶ A wi gi joo céw ma níì jo: «Mii a ceseegi wɔʔɔgɔ gbàn mɔ na gbanʔama. Mɔ a ra wɔʔɔ fícɛnni yáala báriga ni. Mɔ sɔnguri a ra mɔ kíle mɔ nanw kàbaan na, woro si pye mɔ nyúngi na.»

Sélimɛ 3:16 Iomraidhean Croise

Sélimɛ 4:7

Mɔ ga ni síngi mɔ a mɔ nyúngi yìrige. Mɔ si ga pye mɔ o síngi í, kapeeli li lee mɔ kpaaweeli na, li i caa bi tɛ́ɛn mɔ nyúngi na, mɔ má si gi nyɛ mɔ í pye li nyúngi na.»

1 Cányi kèlē 4:9

Yayebɛsi mɛ́ɛgi maa yiri n sɔ̀lɔ wi senyɛnbèle wóyo na. Wi nɔ́ɔw maa wi mɛ́ɛgi le ni wi yiri Yayebɛsi, níì jo: «Mii n wi see wɔʔɔgɔ ni.»

Ɛsitɛri 1:20

Lǎli ni pe ga kajooli bee lóʔo, lee fànʔafɔw a jáari lè wi fǎngi tɛ́ɛyɛ myɛ ni, gee gi kpɔ́ʔɔ lè, cébèle myɛ a ra be nǎnbèle kpɔ́ʔɔgi, n wogbolobèle fàra woyilibèle na.»

Ŋúnuyi 48:6

A be sáà gi wéle ní i káama, a fyáari be cò a be fàn.

Ezayi 13:8

Fyáakpɔɔrɔ n be cò. Fɔ̀rɔgɔ ní yaagbɔɔmɔ n be cò. Pe a kùru àmɛɛ fícɛnnɛ gáà fícɛnnɛfɔlɔ yìrige lè. Pe a ra peyɛɛ wéle ní fûnnyaʔamiya ní. Pe yɛɛcɔɔgèle a nyɛ́nɛgɛ àmɛɛ naà nyɛ lè.

Ezayi 21:3

Koro na mii sárigèle i mii yáa gbanʔama. Yayaaya i mii có, àmɛɛ fícɛnnɛ cɔlɔɔ yáa, wee wi a see lè. Gee mii lúro lè, ki i mii fúngi nyáʔami. Gee mii nyaagi lè, ki i fyáakpɔɔrɔ wáa mii na.

Ezayi 53:11

Wi fúngi wɔʔɔgɔ kadoʔo ma, gee wi a nyaa lè koro a wi yɛlɛ. Mii falipyew wi sín lè, wi a syɛɛnnɛʔɛmɛ kpéʔele syɛɛnsinbéle, wi cánni báriga ni pe a taa lè, si wi nyúngi le be kolomi kèlē láara ni.

Zyeremii 13:21

Nyàʔá mɔ a joo, lǎli ni pe ga pan ba keele tɛ́ʔɛ mɔ na lè, bele mɔ tiimaa da tama lè? A káagali a kòro lé li a too mɔ na í àmɛɛ cɔlɔɔ nyɛ wee wi nyɛ seeli na lè?

Zyeremii 22:23

Mɔ wee wi mɔ tɛɛkòrogi pye Liban na lè, mɔ wee wi mɔ zyaari tɛ́ʔɛ sɛdiri tíiri ni lè, mɔ a tɔ̀nɔ́ ba ra cɛ́ɛn lǎli ni wɔʔɔyi ga nan mɔ na lè, àmɛɛ cɔlɔɔ nyɛ, wee wi nyɛ seeli na lè.»

Zyeremii 4:31

Mii i yákpowáara lúro, mɔ a jo cɔlɔɔ yákpowáara dii, wee wi nyɛ seeli na lè, wɔʔɔgɔ yákpowáara, mɔ a jo wee wi nyɛ pìiselio seele na lè. Calipili Siyɔn yákpoli lii. Li i cɛ́ɛn, li i kɔ́yi sáanri níì jo: «Wɔʔɔgɔ i mii na, mii i tuun syɛɛnkpoobèle kúruyo láara ni.»

Zyeremii 49:24

Damasi bárigaw n kwɔ́ɔ, wi n kolo n lúru bàā fé, cúngoli n fànʔa taa wi na, fúngi wɔʔɔgɔ, ní káagala n too wi na, àmɛɛ cɔlɔɔ nyɛ, wee wi nyɛ pyà seele na lè.

Zyeremii 6:24

Wolo n kéeli bee lóʔo, a wolo kɔ́yi fànʔa kwɔ́ɔ, funjurugori n too wolo na, ki n pye wɔʔɔgɔ, àmɛɛ cɔlɔɔ wóʔo nyɛ, wee wi nyɛ seeli na lè.

Córolo 30:13

Kàjáa cángee na ki ga joo nǎnw ma lè, wi ga yi sàa, nyɔɔfaliyi myɛ ní wi wiyɛɛ bwɔɔli syɛ́ɛnrɛ myɛ ti yiri wi nyɔ́ɔgi ni lè ti a córo í, wi nǎnw n di sàa, Yawe a wi kùsulugi syɔɔ.

Zyan 16:21

Fícɛnnɛ ga ni cɔlɔɔ yáa lǎlee ni lè, wi yɛ́ɛgi n tanʔa wi na, níì cán wi làrizeeli n nan. Wi si ga pìíw see n kwɔ́ɔ lǎlee ni lè, àmɛɛ wi syɛɛnfɔ́ɔn taa dulunyanw ni lè, wi n fɛ̀ʔɛ wi wɔʔɔli na fundaanri bee báriga ni.

1 Korɛnti ye 11:3

Kàjáa mii sèʔé i caa yele í gi cán bi cán nǎnbèle myɛ nyùngofɔlɔ wi nyɛ Kirisi, céw nyùngofɔlɔ si i nyɛ nǎnw, Kirisi nyúngi fɔ́lɔ si i nyɛ Kolocɔlɔɔ.

1 Korɛnti ye 14:34

cébèle n yɛlɛ paa pyèrí gbooli nínge ni, pe ga yɛlɛ paa nyuu í. Fwɔɔ be pyèri páā lúro, àmɛɛ làlwaw wɔ́ɔ̀ gi joo lè.

1 Korɛnti ye 7:4

Céw ban wi nyɛ wi tiimaa céri nyúngo na í, wi nǎnw wi nyɛ ti nyúngi na. Kánmi bee na ki wɔ́ɔ̄ nyɛ nǎnw ban wi nyɛ wi tiimaa céri nyúngo na í, wi céw wi nyɛ ti nyúngi na.

Kɔlɔsi ye 3:18

Cébèle, ki n yɛlɛ yaa lúro yele nǎnbèle ma àmɛɛ gi yɛlɛ kaa kpéʔele lè Kàfɔw ni.

1 Tesaloniki ye 5:3

Lǎli ni syɛ́ɛnbèle ga kɔ́ ba ni gi nyuu lè níì jo: «Dulunyanw n nyíngi níì nyɔɔ!» Lǎli bee ni kálagili a ba be pàla àmɛɛ fícɛnnɛ gáà fícɛnnɛfɔlɔ yìrige lè, pe a syɔɔ li ma nyáana í.

1 Timɔte 2:13

Níì cán Adami be sélì faan, ní náà Ɛvi faan.

1 Timɔte 2:15

Koro ní ki myɛ ní cɔlɔɔ a syɔɔ pìiseeri báriga ni, ní wi ga tɛ́nɛ̀ kòro tágali, ní tàmagi ni, ní wɔ́ɔ̀ kòro funviire na, ní i màama kpéʔele.

Tiiti 2:5

si pye yákirifɔɔlɔ, ki ga yɛlɛ be pye kanɔnʔɔbyebèlē í, ki n yɛlɛ paa be kpáayi fáli kpéʔele, si wɔ́ɔ pye funjànya fɔ̀ɔlɔ sáā lúro be tiimaa nǎnbèle ma, koro ga pye Kolocɔlɔɔ syɛ́ɛnri mɛ́ʔɛ a kɔ́ kálagi í.