Sélimɛ 3:15 - Cebaara Bible 2010

¹⁵ Mii a nigooro lége mɔ ní céw nínge ni, si wɔ́ɔ di lége céw yòdaʔaga ní mɔ wógi nínge ni. Céw yòdaʔaga a mɔ nyúngi tɔ́nʔɔnɔ, Mɔ si a wi nɔn yédeleeli na.»

Sélimɛ 3:15 Iomraidhean Croise

Sélimɛ 49:17

Dan a pye wàbiga kologo nyɔ́ɔ na, wi a pye màátɔn kobile ni, bàā syɔ́ɔnyi nɔngi yédeleegèle na fwɔɔ bi syɔɔnfǎnw láʔa cáan wi too bi càli.

Ŋúnuyi 132:11

Yawe n kàli Davidi ma, kányɛʔɛ na, wi a tée kàligi bee lúrugo kàdoʔo ma í, wi n jo: «Mii a mɔ yodaʔagaa télege mɔ fangoli na.

Ezayi 53:12

Koro na mii a wi lɛɛli pínɛ kaan wi ma ní wogbolobèle ní. wi a yakoliri lɛɛ ní séew fɔ̀ɔlɔ ní, níì cán wi tiimaw n wiyɛɛ gaan n kùu, a be wi córo kakolobyebèle nínge ni, ní àmɛɛ wi syɛɛnnɛʔɛmɛ kapeegéle túgoro tugo, níì nyɛ́ɛri kakolobyebèle kéele na lè.

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Zyeremii 31:22

Làlìí ni mɔ a láʔa nya curugo-mí-màʔaw na, calipii-niceele? Níì cán Yawe i yafɔngɔ kpéʔele tári na. Céw n lúru ni nǎnw caa!»

Danyɛli 9:26

Cégboogèle togoye taanri ní siin kwɔ́ɔlɔ kadoʔo ma, wonyɛnɛ-wòloo a láʔa yaà, syɔɔn faala a pye ní wi ní í. Fànʔafɔbile a pan, li syɛ́ɛnbèle a ba kěgi ní tɛɛcǎngi jaa, li kwɔ́ɔmi si a ba pye ní kálagigbɔɔlɔ ní àmɛɛ cábiga nyìn n kabi lè. Kapɛɛnni a pye beè fwɔɔ bi ba nan lǎli kwɔ́ɔmɔ na. Kálagili kèlē n kɔ̀rirɔ n tímana bi kòro beè.

Amɔsi 9:3

Alí pe ga ni làrá Karimɛli nyanbelegi ǹjoʔo ni, mii a sa be caa bi cò yaà beè. Alí pe ga ni làrá mii na sólomi lɔ̀ʔɔ fúngo ni, mii a gi joo gbàn wàbiga ma ki be nɔngi yaà.

Misye 5:3

Wi a ba yére bàā be nàʔá Yawe fǎngi báriga ni, ní Yawe wi Kolocɔlɔw mɛ́ʔɛ kpɔ́ɔmɔ ní, pe a sámaga tɛ́ɛn fyáara fun, níì cán kpɔʔɔrɔ n taʔa wi na n séli lǎli naa na n sáà nan tári láʔagéle na.

Matye 1:23

«Wéle, nàngeele sinján pìcaaw a ba fícɛnnɛ taa bi pyà see nàɔn, pe si a ra wi mɛ́ɛgi yiri Emanuwɛli. Ki kɔ́rɔw wi nyɛ, Kolocɔlɔɔ i nyɛ ní wolo ní.»

Matye 1:25

Wi si ga wi cán wi cɔɔ̀ í n taa a wi baa pìíw see nàɔn. A wi i wi mɛ́ɛgi yiri Zyezu.

Matye 12:34

Yele màátɔnw jàala, àmɛɛ yele pee lè, mɛ̀ɛ́ yele a gbǎn ra syɛɛncanra nyuu bi sɛ́ɛ? Níì cán gee gi syɔɔn fúngi nyìn lè, koro gi yirigi wi nyɔ́ɔgi ni.

Matye 13:38

Ségi si i nyɛ dulunyanw, yaliicǎnri si i nyɛ nyɛ̀ʔɛni fànʔa pìibēle. Nyàápeegi si i nyɛ Wobeew pìibēle.

Matye 23:33

Yele wàbiyi, màátɔnw jàala, mɛ̀ɛ́ yele a gbǎn syɔɔ tɛɛwɔʔɔgi kútii ma bi sɛ́ɛ?

Matye 3:7

A wi ga Farisibèle ní Sadusebèle pèle saʔa nyaa a pe i maa woro ma, woro í ba be batize, a wi be pye: «Yele màátɔnw jàala, wìí wi yele sàmi níì jo yele í fàn fundanʔari na dee di maa lè?

Mariki 16:18

Pe a kɔ́ ba ra wàbiyi có ní be kɔ́yi ní. Pe ga wɔ́ɔ̀ yarigaa gbaa gee ki a gbǎn syɔɔn kpóo lè, ki a tée yafyɛn pye be na í. Pe a ra be kɔ́yi taari yáabèle na paa poori.»

Luki 1:76

Ni pyà, wee wi nyɛ lè Pe Myɛ Nyúngo na, pe a ra mɔ yiri woro kanyaajooo. Níì cán mɔ a kíni Kàfɔw yɛ́ʔɛ na bàā wi kóloyi sámagi,

Luki 10:19

Ye wéle, mii n séew kaan yele ma yele í da wàbiyi, ní náabèle tánʔana, ní wɔ́ɔ̀ wi kaan yele ma yele í nigoow fànʔa myɛ jáa, yarigaa faala a gbǎn yafyɛn kpéʔele yele na í.

Luki 22:53

Lǎli ni mii da pye lè yele níngi ni kpɔ̀ʔɔrɔli kpaʔa ni canʔa o canʔa, yele ga taa si mii cò í. Kàjáa yele lǎli si li tɔ́ɔ̄ nyɛ lee naa ní yébilimi fànʔa làla.»

Luki 24:27

Syɛ́ɛnree myɛ ti da sɛ́bɛ lè Kolocɔlɔɔ syɛɛnsɛbɛri ni wi kéeli na, a wi séli Mowizi wóri na ní kanyaajoobèle wóro myɛ ní n toro myɛw kɔ́rɔ tɛ̀ɛn be na.

Zyan 8:44

Màdebèle kàfɔlɔ wi nyɛ yele tóow, gee bee na yele sɔ̀ngí bàā yele tóow nyɛ́nɛ kèlē kpéʔele. Nlaa gi sélimi na woro wi syɛ́ɛnbèle kúu, wi o téē yèré kányɛʔɛ ni í, níì cán wi o nyɛ kányɛʔɛfɔlɔ í. Wi ga ni jà finɛ lǎlee ni lè, wi n ni wi tiimaa fúngi syɛ́ɛnrɛ nyuu. Wi i nyɛ jànvaafɔlɔ, ní wɔ́ɔ i nyɛ jànvaaw sélimafɔlɔ.

Kapyegèle 13:10

«Mɔ wee fúngo gi nyìn lè sícilibeemi myɛ, ní jànvaaw féleye myɛ na, Dàzɔɔnw pyà wi nyɛ mɔ, ní wɔ́ɔ i nyɛ kasingèle myɛ nígoo, mɔ a láʔa Kàfɔw kôzinge karigala na wii ì?

Wɔrɔmi ye 16:20

Kolocɔlɔɔ wi nyɛ lè fûnnyingi kaanfɔlɔ, cɛɛri ga pye wi a Sutanaw cáan bi tɔ́nʔɔnɔ yele tɔ́lɔyi láara ni. Ki n yɛlɛ wo Kàfɔw Zyezu í wi kpɔ́ʔɔri kaan yele ma!

Wɔrɔmi ye 3:13

Pe yákpodiriyi i nyɛ àmɛɛ nyanwee-múguyaʔaga nyɛ lè, pe i be nyíngèle téeri ni syɛ́ɛnbèle fáana, ki i nyɛ mɔ a jo wàbisɔɔnrɔ i nyɛ pe nyɔɔwari láara ni.

Galasi ye 4:4

Kàjáa àmɛɛ lǎli baa foro lè, a Kolocɔlɔɔ wi Jáaw tórigo, a cɔlɔɔ baa wi see, wi n see Mowizi làlwaw làla ni,

Efɛzi ye 4:8

Koro na gi jo: «Wi lúgu ǹjogi ni lè, a wi pulobèlē kɔ́ri n kári níì yakaanya kaan syɛ́ɛnbèle ma.»

Kɔlɔsi ye 2:15

Wi n fànʔafɔbèle ní séekpɔɔw fɔ̀ɔlɔ fanya syɔɔ be ma, níì be kolomi yirige gbɛ̀ɛ́nmi na, àmɛɛ wi fànʔa taa lè be na tiiparigi báriga ni.

Heburubèle 2:18

Níì cán àmɛɛ Sutanaw wi tiimaw kárima lè a wi wɔʔɔ, gee bee na wi a gbǎn ra be dɛ̀ɛmɛ́ bele Sutanaw kárima lè.

Heburubèle 5:7

N Kirisi yaʔa sìi na wi céri ni, wi maa Kolocɔlɔɔ nyɛ́ɛri gbanʔama, níì gi cán wi a gbǎn woro syɔɔ kùúw ma. Wi maa wi nyɛ́ɛri ní yákpowáara, ní nyatinmɛ ní, a Kolocɔlɔɔ wi nyɛ́ɛrigi lóʔo àmɛɛ wi fɛ̀ɛgí lè woro na.

1 Zyan 3:10

Kánmi naa na Kolocɔlɔɔ pìíbèle ní Dazɔɔnw wòolo i cángi ni láʔala peyɛɛ na. Syɔ́ɔnwee faala wi nyɛ lè wi o kasingéle kpéʔele í, wàlá wee wi nyɛ lè wi ga tàmaga le ní wi senyɛnnɛ ní lè í, wee bee o nyɛ Kolocɔlɔɔ wóo í.

1 Zyan 3:8

Wee si wi kòro ni kapeegèle kpéʔele lè, wee bee i nyɛ Dàzɔɔnw wóo, níì cán Dazɔɔnw i kapeegèle kpéʔele nlaa yaà gi sélimi na. Gee bee gi gi kaan a Kolocɔlɔɔ Jáaw baa wiyɛɛ dɛ̀ɛn koro ga pye bi Dazɔɔnw kapyegèlē kálagi.

1 Zyan 5:5

Wìí wi a gbǎn dulunyanw jáa, kapye wee ban wi tága lè gi na ncan Zyezu wi nyɛ Kolocɔlɔɔ Jáaw lè í?

Tɛ̀ɛnnɛ 12:17

A yacobeegi fúngo tɔ̀nɔ n tanʔa céw kurugo, a gi kári bi sa kapɛɛnni kpúmɔn ní céw pìisanbèlē ní, poro bele be Kolocɔlɔɔ tundunri kɔn lè ní i di kpéʔele, ní i Zyezu séeraw có lè.

Tɛ̀ɛnnɛ 13:7

Fànʔa maa kaan gi ma kaa kapɛɛnni kpúmɔn ní Kolocɔlɔɔ syɛɛncanbèle ní, sáā be jáagi, a séew kaan gi ma kaa syɛɛnfeleyi yòdaʔaya myɛ, ní dulunyanw syɛ̀ɛnnɛ myɛ kàragí, n fàra syɛɛnfeleri joofɔɔlɔ myɛ, ní syɛɛnfeleyi myɛ na.

Tɛ̀ɛnnɛ 2:10

Wɔʔɔgèle ke a ba too mɔ na lè, ki ga yɛlɛ mɔ í fyáa ge na nyáana í. Wéle, cɛɛri ga pye Dàzɔɔnw a yele pèle cò bi le kàsow ni jàngó bi yele pye wéle, yele a ba wɔʔɔ fwɔɔ bi taa canya kɛɛ. Ki n yɛlɛ mɔ í kòro tágali ni fwɔɔ bi ba nan kùúw na, mii si sìi kaan mɔ ma, wi pye mɔ kpɔ́ʔɔri nyùndɔnnɔ.

Tɛ̀ɛnnɛ 20:10

A be fala n Dàzɔɔnw cò n wáa náagi ni gee ni dìrigíw sóori lè, woro wee wi da ni be fáana lè, tɛɛgee ni yaweegi ní kanyaajoo-fáanaw nyɛ lè. Pe a ra wɔʔɔ yaà canʔa ní yébilige làla o làla kwɔ́ɔmɔ fun.