Sélimɛ 3:14 - Cebaara Bible 2010

¹⁴ Lǎli bee ni a Yawe Kolocɔlɔɔ gi joo wàbigi ma níì jo: «Amɛɛ mɔ gee naa kpéʔele lè, koro na mii n mɔ dánga n sɔ̀lɔ kěgi yaweere myɛ ní sìnbirigi yaweere myɛ na. Mɔ a ra fulolo mɔ fícɛnni na, sáā támiigi líi mɔ sìíw canya myɛ ni.

Sélimɛ 3:14 Iomraidhean Croise

Sélimɛ 3:1

Sìnbirigi yaweere Yawe Kolocɔlɔɔ da sámaga lè, dee bee myɛ ni, wàbigi ki da gbána n sɔ̀lɔ. Koro ki baa céw yíbe níì jo: «Kányɛʔɛ gi lé Kolocɔlɔɔ n jo: ‹Yele a kɔ́ ra nángwɔɔw tiire myɛ yasanra líi í?› »

Sélimɛ 4:11

Mɔ cɔnɔw mɔ kpóo lè, tásaligi ki gi nyɔ́ɔgi múgu n wi sìsyaanw syɔɔ mɔ kɔ́gi ni n gbaa lè, tɔ́ɔliw ni mɔ a dánga bi léeli gi na.

Sélimɛ 9:6

Wàa ga wi syɛɛnnyɛnnɛ sìsyaan wo, syɔɔnwaa wi a wɔ́ɔ wee bee fɔ́lɔ wóo wo. Níì cán Kolocɔlɔɔ n syɔɔn kpéʔele woro niwirio.

Ŋúnuyi 72:9

Fìími tára syɛɛnnɛ a ba ra yégunri cáan wi yɛʔɛ̀ ma, wi nigoobèle a ba ra támiigi laala.

Ezayi 29:4

Mɔ a tìrige táàma, mɔ syɛ́ɛnri a ra yìrigí tári ma, támiigi a mɔ jóomi cò. Mɔ yákpoli a ra yirigi tári ni, mɔ a jo màdeo wólo lii, támiigi ni mɔ a ra mɔ syɛ́ɛnri kabala da nyuu.

Ezayi 65:25

Solomikaʔa, ní bàpile a ba pínɛ da líi, càaraɔ a ba ra nyàági káa àmɛɛ nɔ̀ɔ nyɛ lè, wàbiga sáā támiigi líi ki lìíli. Mii nyanbejǎngi myɛ na, kakologo wàlá kálagila a ra kpéʔele yaà í,» Yawe wi jo nya.

Levii ye sáriga-wòlori 20:25

Ye wàlima kpéʔele yaweecǎnri ní yawee-nɔ́nʔɔri, ní féjɛɛnjǎnri, ní féjɛɛn-nɔ́nʔɔri nínge ni. Yáriree mii wàli n láʔa tiyɛɛ na yele ma lè, yaweeri, ní féjɛɛnri, ní tári yafuloloro myɛ ni, níì jo ti n nɔ́nʔɔ lè, yele a kɔ́ yeyɛɛ gbéʔele yanɔnʔɔyɔ ní di kéeli ní í.

Misye 7:17

Yi a ra támiigi laala àmɛɛ wàbigi nyɛ lè, àmɛɛ yáriri nyɛ, dee di fulolo tári na lè. Yi a ra cɛ̀lɛ́ da yirigi yi kèniriyi ni bàā maa Yawe wolo Kolocɔlɔw ma. Fyáara a yi cò, yi a ra fɛ̀ɛgí mɔ na.