Sélimɛ 3:1 - Cebaara Bible 2010

¹ Sìnbirigi yaweere Yawe Kolocɔlɔɔ da sámaga lè, dee bee myɛ ni, wàbigi ki da gbána n sɔ̀lɔ. Koro ki baa céw yíbe níì jo: «Kányɛʔɛ gi lé Kolocɔlɔɔ n jo: ‹Yele a kɔ́ ra nángwɔɔw tiire myɛ yasanra líi í?› »

Sélimɛ 3:1 Iomraidhean Croise

Syɛɛnjóow 4:10

Níì cán wàa ga too, wee a wi yìrige. Kàjáa wɔʔɔgɔ i nyɛ wee na wi nyɛ lè wi nibin si too, wàa si a pye wi siin wóo bi wi yìrige í!

Ezayi 27:1

Cángi bee na Yawe ŋɔséew wi gbàn lè níì tɔnɔ níì nìri, wi a woro tɛ́ʔɛ bi Levyatanw kpúmɔn, wàbigi gi fé lè, Levyatanw, wi lè námara wàbigi. Wi a yaweekpɔɔgi kpóo, ki nyɛ lè sólomi lɔ̀ʔɔ ni.

Matye 10:16

«Ye wéle, mii i yele tórogi solomikaari nínge ni àmɛɛ bàala nyɛ lè. Koro na gi yɛlɛ yele í cìlige àmɛɛ wàbiyi nyɛ lè, si pye kajoolo fun àmɛɛ kàtogèle nyɛ lè.

Matye 4:3

A Syɛɛnkárimacow pan wi ma n baa wi pye: «Kapye mɔ wi nyɛ Kolocɔlɔɔ Jáaw, mi kàdɛnɛri naa pye di kàri búru.»

Matye 4:6

níì wi pye: «Kapye mɔ wi nyɛ Kolocɔlɔɔ Jáaw, mi kòro nɛɛ, mí ye mi too tári na. Níì cán ki n sɛ́bɛ níì jo: ‹Kolocɔlɔɔ a mɔ kéeli joo bi gbàn wi tundunbèle ma pe mɔ tɔʔɔ cò be kɔ́yi ni, jàngó mɔ tɔ́lɔgaa a kɔ́ círi kàdɛnɛgaa na í.› »

Matye 4:9

Níì wi pye: «Mɔ ga fɔ̀lɔ n kpùmɔnɔ mii taana níì mii kpɔ̀ʔɔrɔ, mii a yáriri naa myɛ kaan mɔ ma.»

2 Korɛnti ye 11:14

Gee bee o nyɛ funwɔɔ-keele í, níì cán Sutanaw tiimaa i wiyɛɛ gàragí mɔ a jo gbɛ̀ɛ́nmi tundunwaa wii.

2 Korɛnti ye 11:3

Kánmee na wàbigi da Ɛvi fáana ní gi sícilibeemi ní lè, mii i fɛ̀ɛgí níì jo dɔ̀ʔɔ́ yele yákiriw a wɔ́ɔ kɔ́ kàri kánmi bee na yele í láʔa funviiri ní funjǎnyi na Kirisi kàbangi na.

1 Pyɛri 3:7

Kánmi bee na, yele nǎnbèle, yaa yele cébèle náari ní sícilimɛ ní, yé gi cán pe céri báriga n cɛ́rɛ yele wów na. Ki n yɛlɛ yaa be kpɔ́ʔɔgi, koro ga pye yafyɛn a kɔ́ yele nyɛ́ɛriyi yérige í, kpɔ́ʔɔri ti sìíw kaangi lè, pe wɔ́ɔ i nyɛ ní yele ní ti kɔriliinyɛ̀nnɛ.

Tɛ̀ɛnnɛ 12:15

A wàbigi fala n lɔ̀ʔɔ yirige ki nyɔ́ɔgi ni àmɛɛ cábiga nyɛ lè n wáa céw kurugo, jàngó ki wi wáa.

Tɛ̀ɛnnɛ 12:9

A be yacobeekpɔɔgi cò n wáa kàfugi na, gi lè wàbilɛɛgi, be yiri lè Dàzɔɔnw, ní Sutanaw, woro wee wi dulunyanw syɛ̀ɛnnɛ myɛ fáana ni pùuní lè. A be wi yirige n wáa tári na ní wi tundunbèle ní.

Tɛ̀ɛnnɛ 20:2

A wi baa yacobeegi cò, ki lè wàbilɛɛgi pe yiri lè Dàzɔɔnw, ní Sutanaw, n gi pwɔɔ n yaʔa jàngó ki yɛ̀ʔɛlɛ saala kagunɔ kwɔ́ɔ.