Sélimɛ 28:4 - Cebaara Bible 2010

⁴ Ki n yɛlɛ wi Abirahami dùbaw wonijaɔn kaan mɔ ma, si wɔ́ɔ wi kaan mɔ yodaʔayi ma, koro ga pye táree ni mɔ tɛ́ɛn lè dee, àmɛɛ nibɔɔn nyɛ lè, toro dee Kolocɔlɔɔ kaan Abirahami ma lè, tári bee í pye mɔ wóro.»

Sélimɛ 28:4 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 15:8

A Abirami si jo: «Kàfɔw Yawe, nyàʔá ki a gi tɛ̀ɛn mii na mii í gi cán bi cán mii a ba tári naa taa di pye mii wóro?»

Sélimɛ 27:33

A Izaaki fala ni cɛ̀lɛ́ gbanʔama níì jo: «Wìí si wi sáà seʔe káari caa n pan n baa kaan mii ma? Mii n dee bee káa n kwɔ́ɔ sáni mɔ í pan lè. Mii n wɔ́ɔ̀ dùbaw kpéʔele wee bee ma. A wi si wɔ́ɔ̀ tɔ̀nɔ n dùbaw taa wii.»

Sélimɛ 37:1

A Zyakɔbi tɛ́ɛn Kanaan tári ni, beè wi tóow da pye lè wodɛ́ɛɔn ní.

1 Cányi kèlē 29:15

Wolo i nyɛ mɔ yɛ́ʔɛ ma nibɔɔnnɔ, ní nibɔndɛ́ɛnbéle àmɛɛ wolo tofɔlɛɛyi myɛ da pye lè. Cányee wolo kwóo naa tári na lè, yi i nyɛ àmɛɛ kànyinnɛ nyɛ lè, sɔ̀ngumɔ tɛɛtaʔaga o nyɛ yi na í.

Ŋúnuyi 39:12

Mɔ i wɔʔɔlɔ téeri ni syɔɔn kóro wi kolomi kéele na, kánmee na fyɛnʔɛ yasanra líi ni kálagi lè, kánmi bee na mɔ wi fúngi yanidaanmaga kálagi. Kányɛʔɛ na syɔɔn o syɔɔn i nyɛ nyɔɔ káfalaga. Ŋɔ́ndaala

Ŋúnuyi 72:17

Wi mɛ́ɛgi a kòro yaà làla o làla, wi mɛ́ɛgi a mɔn beè àmɛɛ cángi nyɛ lè. Woro bárigaw ni tári syɛ̀ɛnnɛ a ba ra dùbaw kpéʔele peyɛɛ ma, syɛɛnfeleyi a ba ra wi yiri dùba pyà.

Yirile 6:4

A mii wɔ́ɔ̀ mii joogaanni kpéʔele ní be ní níì jo mii a Kanaan tári kaan be ma, tári bee ni be pye lè wodɛ́ɛnbéle ní, beè be pye lè nibɔndɛ́ɛnbéle.

Galasi ye 3:14

A Kirisi fɔ̀lɔ dángaw bee na koro ga pye dùbawee Kolocɔlɔɔ da kpéʔele lè Abirahami ma, syɛɛnfeleyi í wee bee taa woro Zyezu Kirisi ni, jàngó wolo í Pìicǎnni taa tágali báriga ni, lee nyɔ́ɔ Kolocɔlɔɔ da fàli lè.

Galasi ye 3:8

Kolocɔlɔɔ maa téè gi tɛ̀ɛn wi Syɛɛnsɛ́bɛri ni àmɛɛ woro a ba sínni kaan syɛɛnfeleyi ma lè tágali báriga ni, gee bee na wi da Syɛɛnjóocǎnri naa joo Abirahami ma sáni gi ba kpéʔele lè níì jo: «Mɔ ni syɛɛnfeleyi myɛ a ba dùbaw taa.»

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.