Sélimɛ 28:3 - Cebaara Bible 2010

³ Kolocɔlɔɔ wi lè Séew Myɛ Kàfɔlɔ, ki n yɛlɛ woro í dùbaw taʔa mɔ na, mɔ í pìinɛʔɛrɛ taa bi pye syɛɛnnɛʔɛmɛ.

Sélimɛ 28:3 Iomraidhean Croise

Sélimɛ 1:28

A Kolocɔlɔɔ dùbaw taʔa be na níì be pye: «Ki n yɛlɛ yaa sii yaa nɛʔɛgi ye tári nyìn, yáā di kàragí. Ye tɛ́ɛn fábèle nyúngo na, ní féjɛɛnri nyúngo na di nyaari lè ǹjogi ni, n fàra yaweeri myɛ na di fulolo lè tári na.»

Sélimɛ 13:16

Mii a mɔ yodaʔayi kpéʔele yi nɛʔɛ bi pye àmɛɛ támiigi nyɛ lè. Syɔɔn ga pye bi gbǎn támiigi córo, pe a wɔ́ɔ gbǎn mɔ yodaʔayi córo.

Sélimɛ 17:20

Gee si mɔ joo Isimayɛli kéeli na lè, mii n gi lóʔo. Mii a dùbaw taʔa wi na. Mii a wi yaʔa wi tɔ̀nɔ́ see saʔa bi wi kpéʔele syɛɛnnɛʔɛmɛ. Wi a fànʔafɔbiigéle kɛɛ ní siin see. Mii a wi kpéʔele syɛɛnfelege, gee ki a tɔ̀nɔ́ nɛʔɛ lè.

Sélimɛ 24:60

A be dùbaw naa kpéʔele Erebeka ma níì jo: «Wo senyɛnnɛ, ki n yɛlɛ mɔ í ba pye syɛ̀ɛnnɛ selebingéle kagunɔ kagunɔbèlē tɛ́ɛyɛ sirakamayɛ saʔa. Mɔ piibèle si wɔ́ɔ pe nigoobèle kpàánweegéle fáliga syɔɔ taa.»

Sélimɛ 26:24

A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Sélimɛ 26:4

Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔripiigéle nyɛ lè, si tátɛɛyi naa myɛ kaan mɔ yodaʔayi ma. Mɔ yodaʔayi báriga ni mii a dùbaw taʔa tári syɛɛnfeleye myɛ na.

Sélimɛ 27:33

A Izaaki fala ni cɛ̀lɛ́ gbanʔama níì jo: «Wìí si wi sáà seʔe káari caa n pan n baa kaan mii ma? Mii n dee bee káa n kwɔ́ɔ sáni mɔ í pan lè. Mii n wɔ́ɔ̀ dùbaw kpéʔele wee bee ma. A wi si wɔ́ɔ̀ tɔ̀nɔ n dùbaw taa wii.»

Sélimɛ 35:11

A Kolocɔlɔɔ níì wi pye: «Mii wi nyɛ Kolocɔlɔɔ, wee wi lè Séew Myɛ Kàfɔlɔ. Ki n yɛlɛ kàa í da fàrá mɔ na mɔ í pye syɛɛnnɛʔɛmɛ. Syɛɛnfelegaa, ní syɛɛnfeleye saʔa a yiri mɔ ni. Fànʔafɔɔlɔ a yiri mɔ sémɛɛnni ni.

Sélimɛ 41:52

A wi siin wów mɛ́ʔɛ le ni wi yiri Efirayimi, ncan wi maa jo: «Kolocɔlɔɔ n mii kaan pìibēle na tári naa ni, dee ni mii da pye lè fóomi ni.»

Sélimɛ 43:14

Kolocɔlɔɔ wi lè Séew Myɛ Kàfɔlɔ, ki n yɛlɛ wi sa gi yaʔa nǎnw bee í nyinimɛ taa yele na si yele senyɛnwee ní Bɛnzyamɛ yaʔa be lúru pan ní yele ní. Mii si na, mii ga níì bɔ̀nɔ mii pìíbèle pèle ni, a mii bɔ̀nɔ wii.»

Sélimɛ 48:3

A Zyakɔbi gi joo Zyozɛfu ma níì jo: «Kolocɔlɔɔ wi nyɛ lè Séew Myɛ Kàfɔlɔ, wi n wiyɛɛ dɛ̀ɛn mii na Luzi ma, Kanaan tári ni níì dùba taʔa mii na,

Sélimɛ 48:4

níì gi joo mii ma níì jo: ‹Wéle, mii a tɔ̀nɔ́ pìinɛʔɛrɛ kaan mɔ ma bi mɔ kpéʔele syɛɛnnɛʔɛmɛ. Mɔ a pye syɛɛnfele-nɛʔɛgɛ, si wɔ́ɔ tári naa kaan mɔ yodaʔayi ma naa mɔ kadoʔo ma di pye be worò làla o làla kwɔ́ɔmɔ fun.›

Sélimɛ 49:25

Mɔ tóow Kolocɔlɔɔ bárigaw ni, woro wee wi nyɛ lè mɔ dɛɛmɛfɔw, Séew Myɛ Kàfɔlɔ báriga ni, woro wee wi a dùbaw taʔa mɔ na lè dùbawee wi yìrigí lè nyɛ̀ʔɛni ma, ní dùbawee wi yirigi lè weekpɔɔ-cùrugi ni, yíregèle na be ŋɔri lè koro dùbaw, ní nafɔlɔ láagi dùba.

Sélimɛ 9:1

A Kolocɔlɔɔ dùbaw taʔa Nowe ní wi jáabèle na níì be pye: «Ki n yɛlɛ ye see ye nɛʔɛ ye tári nyìn.

Ŋúnuyi 127:1

Njogi lúgufɔɔlɔ ŋúnugo, Salomɔn wógi. Kapye Yawe o kpáagi faanri í, bele be gi faanri lè, pe i báara gbanzan. Kapye Yawe o kěgi kpáa wéle í, wee wi gi kpáaw wéle lè, wi i syɔ̀ɔ́n nyɛ̀nɛ na gbanzan.

Ŋúnuyi 127:3

Wéle, pìíbèle i nyɛ kɔrigɔ gee Yawe kaangi lè, ceseegi i nyɛ tɔ̀nɔ.

Yirile 1:7

A Isirayɛli ye tɔ̀nɔ n baa pìinɛʔɛrɛ see n pye saʔa, a be fǎngi i kpɔ́ʔɔgi ni syée gbanʔama. A tári tɔ̀nɔ n nyìn be na.

Yirile 6:3

Mii mɛ́ɛgee ní mii niyɛɛ dɛ̀ɛn Abirahami, ní Izaaki, ní Zyakɔbi na lè, koro gi nyɛ Kolocɔlɔɔ wi nyɛ lè Séew Myɛ Kàfɔlɔ. Kàjáa mii mɛ́ɛgee gi nyɛ lè Yawe, pe da mɛ́ɛgi bee cán mii na í.

2 Korɛnti ye 6:18

si pye yele Tóow, yele si wɔ́ɔ pye mii jáabèle, pe lè nanbèle ní cébèle.» Séew Myɛ Kàfɔlɔ wi gi joo ànbée.

Tɛ̀ɛnnɛ 21:22

Mii si ga kpɔ̀ʔɔrɔlɔ kpaʔa nyaa gi ni í, níì cán Séew Myɛ Kàfɔlɔ wi lè Kolocɔlɔɔ, woro ní Bàpili i nyɛ gi kpɔ̀ʔɔrɔli kpaʔa.

Wuruti 2:4

A Bowɔzi kàri n yìri yaà Bɛtilehɛmi ma n baa nan, níì yaliilaabèle pye: «Ki n yɛlɛ Yawe í pye ní yele ní.» A be wi yari: «Ki n yɛlɛ Yawe í dùbaw taʔa mɔ na.»