Sélimɛ 27:41 - Cebaara Bible 2010

⁴¹ A Ezau Zyakɔbi para, àmɛɛ poro tóow dùbaw kpéʔele wi ma lè. A Ezau gi joo wiyɛɛ fúngi ni níì jo: «Cɛɛri na mii tóow a kùu. Lǎli bee ni mii a mii cɔnɔw Zyakɔbi kpóo.»

Sélimɛ 27:41 Iomraidhean Croise

Sélimɛ 27:42

Lǎli ni pe baa Erebeka pìilɛɛw Ezau sɔ̀nguri tɛ̀ɛn Erebeka na lè, a wi fala n wi pìisiin wów Zyakɔbi yeri ní baa wi pye: «Ki n yɛlɛ mi kɔ̀rɔsíi, mɔ yɛʔɛfɔw Ezau i caa bi mɔ kpóo bi woro gɔ̀lɔ́w wòlo mɔ na.

Sélimɛ 32:11

Kacǎnyee ní funviiw kèlē mɔ kpéʔele mii ma lè, mii wi lè mɔ falipyew, mii da nyɔɔ n yɛlɛ ní li làa wobile ní í. Níì cán kàgbeeli nibin ní mii Zyuridɛnw naa jeli. Tɔ́ɔliw ni mii si n kàri n pye kabiya siin.

Sélimɛ 32:3

Lǎli ni Zyakɔbi be nyaa lè, a wi jo: «Kolocɔlɔɔ tɛɛkòrogi gi nyɛ gee naa.» A wi tɛ́ɛgi bee mɛ́ʔɛ le ni gi yiri Mahanayimi.

Sélimɛ 32:6

Nìye, ní jòfanibēle, ní yaweeyiligēle i nyɛ mii ma, n fàra falipyenànbēle, ní falipyecabala na. Mii n tun pe sa koro joo bi tɛ̀ɛn mɔ na, ni kàfɔlɔ, koro ga pye mɔ í fɔ̀lɔ mii na.› »

Sélimɛ 35:29

A Izaaki pǐli yiri, a wi kùu n fàra wi toolɛɛbèle na be kùu lè. Wi maa tɔ̀nɔ n lɛɛ n tín ní náà kùu. Wi jáabèle be lè Ezau ní Zyakɔbi, a poro wi tɔ́n.

Sélimɛ 37:18

A pe ga wi wéle n nyaa yaà léelige sáni wi nùuni be na lè a be nyɔɔ kúun wi na bi wi kpóo.

Sélimɛ 37:4

A wi yɛʔɛfɔbèle gi nyaa ncan wi kéeli n poro tóow dɛ́nɛ n sɔ̀lɔ poro myɛ wóli na, a be fala n wi para. Pe da níì gbàn ni nyuu ní wi ní ní tàmaga ní í.

Sélimɛ 37:8

A wi yɛʔɛfɔbèle wi pye: «A mɔ si i gi sɔ̀ngi lé mɔ a ba tɛ́ɛn wolo nyúngi na bi pye wolo fànʔafɔlɔ, wàlá bi pye wolo kàfɔlɔ?» A be níì wi para n sɔ̀lɔ tɔzeligi na wi ŋúnɔgi ní wi syɛ́ɛnri kéele na.

Sélimɛ 50:15

Lǎli ni Zyozɛfu senyɛnbéle gi nyaa lè ncan poro tóow n kùu n kwɔ́ɔ, a be jo: «Dɔ̀ʔɔ́ Zyozɛfu a ba yìri wolo kurugo bi kapeeli gɔ̀lɔ́ wòlo wolo na, lee wolo kpéʔele wi na lè.»

Sélimɛ 50:2

Koro kàdoʔo ma a Zyozɛfu gi joo n gbàn wi falipyebèle bele ma be nyɛ lè lɔ̀ʔɔtɔrɔbèle, níì jo pe woro tóow kúcere sámaga ní nùndaanni yáriga ní. A lɔ̀ʔɔtɔrɔbèle Isirayɛli céri sámaga ní nùndaanni yáriga ní.

2 Cányi kèlē 35:24

A wi falipyebèle wi láa n yirige wi wòtorow ni n le wi wòtoro-siin wów ni n kári Zyerusalɛmi ma. A wi sáà kùu, a be wi tɔ́n wi toolɛɛbèle nyánya ni. A Zyuda ye ní Zyerusalɛmi ye myɛw Zyozyasi kùu káyaagi kpéʔele.

Ŋúnuyi 142:3

Mii i mii fúngi kèlē myɛ nyuu wi yɛʔɛ̀ ma, mii i mii wɔʔɔgi nyuu ni tèé wi yɛʔɛ ma.

Ŋúnuyi 35:14

Mii maa tɔ̀nɔ ni gi kpéʔele mɔ a jo mii tàannyɛnnɛ wàlá mii senyɛnnɛ wii, ni curugu ni máari. Mii maa ni lɛ̀ɛlɛ́ ní funbɛɛnrɛ ní àmɛɛ syɔɔn nyɛ wi nɔɔ̀ kùugo káyaʔa na lè.

Ŋúnuyi 37:16

Syɛɛnsiɔn cɛɛriw n pɔ́rɔ n sɔ̀lɔ syɛɛnpeebèle saʔa lɔnɛʔɛrɛ na.

Kàseegèle 1:16

Níì cán pe i fé be tɔ́lɔyi na ni syée kapeʔe pyele kurugo. Pe n wári sìsyaanw wolo kurugo.

Kàseegèle 18:19

Senyɛnwee na be kapeele pye lè wi n gbàn n sɔ̀lɔ kènirige jáala na. Kàsiiw kèlē i nyɛ àmɛɛ fànʔafɔ-gbaʔa yasɔʔɔyɔ nyɛ lè.

Kàseegèle 6:14

Námaraw i nyɛ wi fúngi ni, wi i kapeʔe sɔ̀ngí làla o làla. Wi i kàsii yìrigí.

Syɛɛnjóow 7:9

Mɔ a kɔ́ wári da mɔ fúngi taanri í, níì cán fundanʔari i kòró nidoliyi fúnyo ni.

Ezekyɛli 35:5

Amɛɛ kwɔ́ɔmɔ fun paraga da pye mɔ ni lè, á mɔ Isirayɛli ye le ŋɔséew kɔ́yɔ ni pe wɔʔɔli làla ni lè, lǎlee ni pe kolomi da baa nyìn n foro lè,

Làlwaw Kaanziin 34:8

A Isirayɛli ye Mowizi kùúgi nyɛnigɛ kpéʔele Mowabi tɛɛfiiyi na canya toko ní kpɔrigɔ fúngo ni, á Mowizi kùúgi nyɛnigɛ ní kùu káyaagi bee canya náà kwɔ́ɔ.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.