Sélimɛ 27:28 - Cebaara Bible 2010

²⁸ Kolocɔlɔɔ í kásagi kaan mɔ ma, gee gi yìrigí nyɛ̀ʔɛni na lè, si wɔ́ɔ yacanri kaan mɔ ma, dee tári yirigi lè. Yaliinɛʔɛri n fàra dùvɛɛnfɔnw na saʔa.

Sélimɛ 27:28 Iomraidhean Croise

Làlwaw Kaanziin 33:28

Isirayɛli n tɛ́ɛn fyáara fun. Zyakɔbi pùnweeli i nyɛ kɔlɔ̀ na, táraa ni, ti lè bilew ní dùvɛɛnfɔnw wóro. Wi nyɛ̀ʔɛni si i kásagi cáan.

Làlwaw Kaanziin 33:13

Zyozɛfu kéeli na, wi n jo: «Yawe a dùba taʔa wi tári na, koro a pye ní nyɛ̀ʔɛni yanɛʔɛrɛ, ní kásagi, ní lǒyi ní yi yìrigí lè yaà tári fúngo ni,

Ŋúnuyi 133:3

Ki i nyɛ àmɛɛ Hɛrimɔn kásagi nyɛ lè, gee gi fóo ni tíri Siyɔn nyanbeleyi na lè, níì cán nɛɛ bee Yawe wi dùbaw kaangi, wi lè sìíw, làla o làla.

2 Samyɛli 1:21

Giilibowa nyanbeleyi, kásaga wàlá zàʔá a ní kɔ́ too yele na í wàlá seye í pye yele na, yee ni yakaannɛʔɛyi taagi lè í. Níì cán nɛɛ bee faʔara too nànniribèle tunmɔzige-yariya na, Sawuli tunmɔzige-yárigi ki lè ki a ní tíre ní sìnmɛ ní í.

Làlwaw Kaanziin 32:2

Ki n yɛlɛ mii tamani í da tíri àmɛɛ zàʔá nyɛ lè, mii nyɔɔsyɛɛnri í da ŋuu àmɛɛ káfyaan nyɛ lè, àmɛɛ zěyɔri-yɔrigɔ tuun nyàápungo na lè, àmɛɛ lɔ̀ʔɔ ŋuu nyàā na lè.

Làlwaw Kaanziin 7:13

Mɔ kéeli a wi dɛ́nɛ, wi a dùbaw taʔa mɔ na, si mɔ kpéʔele syɛɛnnɛʔɛmɛ. Wi a dùbaw taʔa mɔ ceseegi na, ní mɔ tári yafálara na ti lè bilew, ní mɔ dùvɛɛnfɔnw, ní mɔ sinmi, n fàra mɔ niyi, ní mɔ yaweeyiligèle seele na, tári ni, dee kéele na wi kàli mɔ tofɔlɛɛyi ma níì jo woro a di kaan mɔ ma lè.

Zakarii 8:12

«Níì cán yɛɛ̀nyingi lùguro di nyɛ dee naa: Ɛrɛzɛn tíriri a ra sangi, tári yafálara a ra nyɔɔgi, nyɛ̀ʔɛni a ra li kásagi kaangi. Mii a syɛ́ɛnbèle naa wogorobéle yaʔa be yacanri naa myɛ taa di pye be worò.

Zyowɛli 2:19

A Yawe syɛɛnlurugoro kaan, wi n gi joo wi syɛ́ɛnbèle ma níì jo: «Wéle, mii i bilew tórogi wee yele ma, ní dùvɛɛnfɔnw, ní sǐnmi, yele a ra di líi bàā tíngi. Mii si a ní faʔara yaʔa di too yele na syɛɛnfeleyi nínge ni í.

Ezayi 45:8

Nyɛ̀ʔɛgèle, yaa fàndaari yìrigí yaà ǹjogi ni yaa sɔlɔ yaa cáan naa àmɛɛ kásaga nyɛ lè, fàfaanyi sáā di sòʔó bàā ŋuu naa àmɛɛ zàʔá nyɛ lè. Tári n yɛlɛ di múgu, koro ga pye syɔɔli í da leegi, sínni sáā fíin. Mii Yawe wi nyɛ di faanfɔw.»

Ŋúnuyi 104:15

ní dùvɛɛnw, wee wi fundaanra kaangi syɔɔn ma lè, n fàra sǐnmi na, bee bi wi yɛ́ɛgi yaʔa ki i daragi lè, ní yaliiri, dee di syɔɔn zɔnw télegi lè.

Ŋúnuyi 36:8

Ee Kolocɔlɔɔ, mɔ funjǎngi n sɔ̀lɔ yacanri myɛ na! Syɔɔn ye i làrá mɔ fókaanyi láara ni.

1 Fànʔafɔbèle 17:1

Elii wi lè Tisyibe ye wów wi pye lè Galaadi tári wówaa, a woro Akabi pye: «Amɛɛ Yawe nyɛ lè sìi na, wi lè Isirayɛli ye Kolocɔlɔw, woro wee falipyeo mii nyɛ lè, mii a gi joo mɔ ma, kásaga wàlá zàʔá a taa yɛ́ɛgèle naa ni í, fwɔɔ bi taa mii í ba joo.»

Córolo 18:12

Bee myɛ bi nyɛ lè sìnjǎnmi, ní wee myɛ wi nyɛ lè dùvɛɛnfɔnw wojaɔn, ní bilew wojaɔn, yaliiseliri bee pe ba ni kaangi Yawe ma lè, mii n toro myɛ kaan mɔ ma.

Heburubèle 11:20

Tágali báriga ni Izaaki da wɔ́ɔ̀ dùbaw kpéʔele Zyakɔbi ní Ezau ma pe nyɛ̀ʔɛnaw kéele na.

Zakarii 9:17

Ki a tɔ̀nɔ́ pye kataanna! Ki a tɔ̀nɔ́ nyɔɔ! Bilew a ra fànʔa kaangi nìgɔcaripiigèle ma, duvɛɛnfɔnw sáā fànʔa kaangi pìcaapiigèle ma.

Misye 5:7

Zyakɔbi wogorobèle a pye syɛɛnfeleyi nínge ni, syɛɛnfele-nɛʔɛyɛ nínge ni àmɛɛ càaraɔ nyɛ kɔ́ligi yaweere nínge ni lè, ní àmɛɛ càarabɔ-yɛlɛɔ nyɛ yaweeyiligēle gboogéle ni lè, lǎli ni wi ga ni sɔ̀lɔ́ lè, wi n ni dee tánʔana, ní i dee sulugu, syɔɔn a taa bi di syɔɔ í.

Zyeremii 14:22

Syɛɛnfeleyi gbanzan yáriya ni, a gi kàa i yaà lé gee gi zàʔá cáan lè? Nyɛ̀ʔɛni lé li zěpalayi cáan? Mɔ ban ì, Yawe wolo Kolocɔlɔw? Mɔ na wolo wo sɔ̀ngumi taʔa. Níì cán mɔ wi kérigèle bee myɛ kpéʔele.

2 Cányi kèlē 2:10

A Tiiri fànʔafɔw Hurami syɛɛnlurugori sɛ́bɛ n tórigo Salomɔn ma, níì jo: «A Yawe syɛ́ɛnbèle kéele wi dɛ́nɛ wii, koro na wi mɔ télege fànʔafɔlɔ pe nyúngi na.»

1 Fànʔafɔbèle 5:11

Wi maa cìlige n sɔ̀lɔ syɛɛnsanbèle myɛ na, àlí wi maa cìlige n sɔ̀lɔ Etan na wi lè Eziraki wówaa, ní wɔ́ɔ̀ cìlige n sɔ̀lɔ Mahɔli jáabèle na, be lè Heman, ní Kalikɔli, ní Darida. A wi mɛ́ɛgi tɔ̀nɔ n yiri gbanʔama syɛɛnfeleyi myɛ nínge ni yi wi màʔa lè.

Zyozuwe 5:6

Isirayɛli ye maa ni nyaari ni máari fìími tára ni n baa taa yɛ̀ʔɛlɛ togoye siin, fwɔɔ n taa kapɛɛnkpumɔn-nǎnbèle myɛ pe da yiri Ezyipiti ni lè, a poro myɛ baa kùu fìími tára ni àmɛɛ gi lè pe da fɔ̀lɔ n lóʔo Yawe ma í. A Yawe si kàli níì jo woro a fɔ̀lɔ bi be yaʔa be tári nyaa í, dee nyɔɔfaliga woro da kpéʔele be toolɛɛbèle ma lè níì jo woro a di kaan wolo ma, tári di nyìn nɔ́nɔw ní sárigi na ni fóo lè.

Sélimɛ 49:20

Azɛɛri yaliiri a ra nɛʔɛgi. Fànʔafɔlɔ yaliicànra a ra taagi wi ma.

Sélimɛ 45:18

ye sa yele tóow, ní yele kpáayi wòolo kɔ́ri yaa maa nɛɛ naa mii ma, mii a ba yele télege Ezyipiti tári tɛɛcànga ni, yele a ra tári yacanra líi.›

Wɔrɔmi ye 11:17

Amɛɛ si gi nyɛ lè mɔ a jo pe n káganyaa cɛnɛ n láʔala olivyew tiicɔ́rɔgɔ na, mɔ wee wi nyɛ lè sìnbirigi olivye tíige káganga, á be mɔ pwɔɔ n táriga tiicɔ́rɔgi káganya nínge ni, a mɔ baa taa ni gbo ki nǐnri lɔ̀ʔɔ na,

Córolo 13:20

Ye wɔ́ɔ ye tásaligi wéle kapye ki n tɛ́nɛ, wàlá ki n pɛɛn. Kapye tiire i yaà, wàlá tiire o yaà í. Ye lòmaana le, yé pan ní tári bee yasanraa ní.» Ɛrɛzɛnseliw làla li da pye.

Sélimɛ 27:39

Lǎli bee ni a wi tóow Izaaki wi yari: «Wéle, mɔ tɛɛ̀tɛ́ɛnni a léeli tátaanri na. Kásagi gi yìrigí nyɛ̀ʔɛni na lè, mɔ tári a ra gi taagi í.

Sélimɛ 27:37

A Izaaki wi yari: «Wéle, mii n wi télege n kwɔ́ɔ mɔ nyúngi na. Mii n wi senyɛnbèle myɛ kaan wi ma paa báara wi ma. Mii n lìíli ní dùvɛɛnfɔnw kaan wi ma. Nyàʔá si mii a ní gbǎn pye mɔ ma, dóō?»

Sélimɛ 49:25

Mɔ tóow Kolocɔlɔɔ bárigaw ni, woro wee wi nyɛ lè mɔ dɛɛmɛfɔw, Séew Myɛ Kàfɔlɔ báriga ni, woro wee wi a dùbaw taʔa mɔ na lè dùbawee wi yìrigí lè nyɛ̀ʔɛni ma, ní dùbawee wi yirigi lè weekpɔɔ-cùrugi ni, yíregèle na be ŋɔri lè koro dùbaw, ní nafɔlɔ láagi dùba.

Kàseegèle 3:20

Wi kacánni báriga ni weecuruyi folo n múgu, fàfaanyi si i kásagi sɔlɔ ni ŋuu.

Kàseegèle 19:12

Fànʔafɔw fundanʔara i nyɛ àmɛɛ càaraɔ kaanana nyɛ lè, wi funjǎngi si i nyɛ àmɛɛ kásaga nyɛ lè nyàā na.